Jɛnɛsis 3:5 - Krio Fɔs Oli Baybul

⁵ PAPA GƆD bin se so bikɔs i no se if una it am, una yay go opin ɛn una go tan lɛkɛ am; dɔn una go no wetin gud frɔm wetin bad.”

Jɛnɛsis 3:5 Referans Kwoze

Izikɛl 28:2

na dis Papa Gɔd we na Gɔd se: “Bikɔs yu prawd ɛn yu dɔn se, ‘misɛf na gɔd, a de sidɔm usay dɛn gɔd de sidɔm, midul midul di si, stil yu na natin bɔt wan mɔtalman, ɛn yu nɔto nɔn gɔd, ɔl we yu de tink se yu na gɔd–

Sɛkɛn Lɛta Fɔ Tɛsalonayka 2:4

Di wan we de fɛt Gɔd nɔ go tek dɛn tin ɛn dɛn spirit we pipul de pre to mek natin. I go fil se in gɛt pawa pas ɔl dɛn tin de ɛn i go sidɔm na Gɔd in Os ɛn se in na Gɔd.

Jɛnɛsis 2:17

bɔt yu nɔ fɔ it pan di “Sɛns tik,” bikɔs if yu it pan am, da sem de de, yu go day.”

2 Kɔrint 11:3

A de fred mek sɔm ɔda tin dɛn nɔ go na una ed we go mek una nɔ de fɔ Krays in wangren, jɛs lɛkɛ aw di snek bin tek kɔni sɛns mek Iv ful.

2 Kɔrint 4:4

Dɛn nɔ biliv wetin wi de tɔk bikɔs Setan dɔn blɛn dɛn yay. I mek dɛn nɔ ebul si di layt we de shayn pan dɛn; da layt de na di Gud Nyuz bɔt aw Krays, we na Gɔd in tru pikchɔ, wɔndaful.

Apɔsul Dɛn Wok 26:18

Yu fɔ opin dɛn yay; yu fɔ pul dɛn kɔmɔt na dak ɛn briŋ dɛn kam na layt. Yu fɔ pul dɛn kɔmɔt ɔnda Setan in pawa ɛn briŋ dɛn kam to Gɔd. Bikɔs dɛn biliv pan mi, Gɔd go padin dɛn sin, ɛn dɛn go de na di ples we dɛn pipul we Gɔd dɔn pik, go de.’

Matyu 6:23

bɔt if di yay dɛn nɔ gud, di bɔdi go de na dak. So if di layt we bin fɔ de insay una, nɔ de, di daknɛs we de insay una go dak pasmak.

Jɛnɛsis 3:22

PAPA GƆD se, “Naw, mɔtalman dɔn tan lɛkɛ wi, ɛn i dɔn gɛt sɛns fɔ no wetin gud frɔm wetin bad. Wi nɔ fɔ mek i tek da frut we de na di “Layf tik” ɛn it am, ɔ nɔ so i go gɛt layf we go de sote go.”

Jɛnɛsis 3:10

Adam ansa se, “A yɛri we yu de waka na di fam; a fred bikɔs a bin de nekɛd so a ayd pan yu.”

Jɛnɛsis 3:7

We dɛn dɔn it am dɔn, dɛn yay opin ɛn kechɔp se dɛn bin nekɛd; so dɛn so klos wit fig lif fɔ kɔba dɛnsɛf.

Rɛvɛleshɔn 13:14

I mek ɔl di pipul dɛn na wɔl ful wit di tin dɛn we dɛn gi am pawa fɔ du bifo di fɔs wayl bif; dɛn tin ya bin mek pipul wɔnda. Di sɛkɛn wayl bif tɛl ɔl di pipul dɛn na di wɔl se mek dɛn mek sɔntin we dɛn go tek mɛmba ɛn rɛspɛkt di fɔs wayl bif we dɛn bin wund wit sɔd, bɔt nɔ bin day.

Rɛvɛleshɔn 13:4

Ɔlman bigin prez di dragɔn bikɔs i bin gi di wayl bif in pawa. Di pipul dɛn prez di wayl bif insɛf, dɛn se, “Udat gɛt pawa lɛkɛ di wayl bif? Udat ebul fɛt am?”

Daniɛl 4:30

Nain i se, “Nɔ to di pawaful Babilɔn dis we a bil wit mi pawa; ples we fit fɔ kiŋ fɔ tap, lɛ pipul dɛn kɔle ɛn rɛspɛkt mi?”

Ayzaya 14:14

A go ɔp ɔp oba di klawd dɛn, A go mek misɛf lɛk di Most Ay.”

1 Kiŋ 22:6

Di kiŋ fɔ Izrɛl sɛn kɔl ɔl di fo ɔndrɛd prɔfɛt dɛn ɛn aks dɛn if i fɔ go fɛt Ramɔt Giliad ɔ lɛ i nɔ go. Di prɔfɛt dɛn ɔl ansa am se lɛ i go, PAPA GƆD go mek i win.

Ɛksodɔs 20:7

“Una nɔ fɔ tek PAPA GƆD we na una GƆD in nem mek ple ple bikɔs PAPA GƆD nɔ go tek am layt wit ɛnibɔdi we tek in nem mek ple ple.

Ɛksodɔs 5:2

Bɔt di kiŋ ansa se, udat na da PAPA GƆD de ɛn wetin fɔ mek in lisin to dɛn ɛn mek di Izrɛlayt dɛn go. I se in nɔ no da PAPA GƆD de ɛn a nɔ go mek di Izrɛlayt dɛn go.

Daniɛl 6:7

Ɔl di prɛsidɛnt na di kindɔm, di ɔfisa ɛn di Rɛsidɛnt Minista dɛn, di kanselɔ ɛn di chif dɛn dɔn gri se, di kiŋ fɔ pas wan lɔ se, paopa ɛni pɔsin we pre fɔ ɛnitin to ɛni ɔda gɔd ɔ mɔtalman fɔ di nɛks tati dez, we nɔto yu nɔmɔ i pre to, dɛn fɔ trowe am insay usay dɛn layɔn dɛn de.

Izikɛl 28:9

Yu go stil se, ‘mi na wan gɔd,’ bifo ɔl dɛn wan dɛn we kil yu, Ivin do yu na natin bɔt wan mɔtalman, ɛn nɔto nɔn gɔd, na dɛn wan dɛn an we wund yu?

Izikɛl 13:22

Bikɔs una bin dɔn mek di wan we de waka tret, dɛn at pwɛl, ivindo mi nɔ pwɛl in at, ɛn una dɔn ɛnkɔrej di wikɛd pipul, so dat i nɔ go chenj fɔ ebul sev in layf;

Di Sam Dɛm 12:4

Ɔl dɛn wan we de blɔf se na dɛn sabi tɔk de mek dɛn gɛt wetin dɛn want; dɛn se nɔbɔdi nɔ fɔ tɛl dɛn wetin fɔ du.

2 Kronikuls 32:15

Naw fɔseka dat una nɔ mek Ɛzikaya disiv una ɔ mek una mis rod lɛk dis ɛn una nɔ biliva am bikɔs no gɔd fɔ ɛn neshɔn dɔn ɛva ebul fɔ sev in pipul dɛm kɔmɔt nain an ɔ nain papa in an. Aw naw una Gɔd go diliva una kɔmɔt na mi an.

Izikɛl 29:3

tɔk se, na dis PAPA GƆD se, “una lisin, a de agens una, Fero, Ijipt in kiŋ di pawaful dragɔn we ledɔm midul in strim wata dɛm, ɛn we de se, ‘mi nayl, na mi yon, na mi mek am.’

Izikɛl 28:12

Mɔtalman siŋ bɛrin siŋ oba di Taya kiŋ, ɛn tɛl am se, na dis PAPA GƆD se: yu na bin di sil we nɔ gɛt ɛni bɔt yu gɛt bɔku bɔku sɛns ɛn yu fayn nɔ gɛt nɔn bɔt,

Jɛnɛsis 2:9

I mek fayn fayn tik dɛn gro de we gɛt gud frut fɔ it. Wan tik bin de midul di fam we nem “Layf tik.” Dɛn igen, wan ɔda tik bin de de we nem “Sɛns tik.”

Di Jɔj Dɛm 3:2

Na fɔ tich da jɛnareshɔn de wetin na wa bikɔs dɛn nɔ no wa wande.