Jɛnɛsis 3:21 - Krio Fɔs Oli Baybul

²¹ So PAPA GƆD mek klos wit animal kanda fɔ Adam ɛn in wɛf Iv, ɛn gi dɛn fɔ wɛr.

Jɛnɛsis 3:21 Referans Kwoze

Ayzaya 61:10

A go gladi ebi ebi wan fɔ PAPA GƆD, mi sol go es mi Gɔd ɔp; bikɔs i dɔn wɛr salveshɔn klos pan mi, I dɔn kɔba mi wit raychɔsnɛs gawn, lɛk aw dɛn ɔkɔ kin put plɛnti plɛnti galans pan insɛf, ɛn lɛk we yawo kin drɛs insɛf wit in riŋ ɛn chen dɛm.

2 Kɔrint 5:21

Krays nɔ bin gɛt sin, bɔt fɔ sev wi, Gɔd put wi sin dɛn pan am, so dat we wi gɛt wanwɔd wit am, ɔltin go rayt bitwin wi ɛn Gɔd.

Jɛnɛsis 3:7

We dɛn dɔn it am dɔn, dɛn yay opin ɛn kechɔp se dɛn bin nekɛd; so dɛn so klos wit fig lif fɔ kɔba dɛnsɛf.

Lɛta Fɔ Rom 3:22

Gɔd de mek ɔltin rayt bitwin in ɛn mɔtalman, if mɔtalman biliv pan Jizɔs Krays. Gɔd de du dat fɔ ɔlman we biliv pan Jizɔs Krays, fɔ dɛn Ju ɛn fɔ dɛn pipul we nɔto Ju, bikɔs i nɔ luk se wan sɛt difrɛn frɔm di ɔda wan.

Jɛnɛsis 3:20

Adam gi in wɛf nem Iv bikɔs nain na di mama fɔ ɔl mɔtalman.

Jɛnɛsis 3:22

PAPA GƆD se, “Naw, mɔtalman dɔn tan lɛkɛ wi, ɛn i dɔn gɛt sɛns fɔ no wetin gud frɔm wetin bad. Wi nɔ fɔ mek i tek da frut we de na di “Layf tik” ɛn it am, ɔ nɔ so i go gɛt layf we go de sote go.”

1 Kɔrint 12:23

dɛn pat we wi nɔ luk se bɛtɛ, na dɛn wi de kia fɔ pas dɛn ɔda wan; ɛn dɛn pat we nɔ so fayn fɔ si, na dɛn wi de kɔba gud;