Jɛnɛsis 3:16 - Krio Fɔs Oli Baybul

¹⁶ Dɛn PAPA GƆD tɛl di uman se, “A go mek i nɔ izi fɔ yu we yu gɛt bɛlɛ, ɛn na pan traŋa pen yu go bɔn pikin. Pan ɔl dat, yu nɔ go ebul kɔmɔt biɛn yu man ɛn i go de kɔntrol yu.”

Jɛnɛsis 3:16 Referans Kwoze

Taytɔs 2:5

ɛn dɛn go no se dɛn fɔ ebul kɔntrol dɛnsɛf ɛn dɛn nɔ fɔ miks pan dɔti layf, dɛn fɔ de du dɛn os biznɛs gud, dɛn fɔ de du wetin dɛn man tɛl dɛn fɔ du, so dat nɔbɔdi nɔ go tɔk bad bɔt Gɔd in mɛsej.

Lɛta Fɔ Kɔlɔse 3:18

Una dɛn mare du man, una fɔ put yay dɔŋ to una man. Na so una fɔ du bikɔs una dɔn biliv pan Krays ɛn una de fala am.

1 Kɔrint 11:3

Bɔt a want mek una ɔndastand sɔntin: Na Krays de oba ɔlman, na di man de oba in wɛf, ɛn na Gɔd in wangren de oba Krays.

Fɔs Lɛta To Timoti 2:15

Bɔt uman go sev wɛn i de bɔn pikin, if i biliv Krays, if i lɛk pipul, if i de fɔ Gɔd ɛn if i de kɔntrol insɛf pan ɔltin.

1 Kɔrint 14:34

dɛn uman nɔ fɔ tɔk na dɛn mitin na chɔch; na so dɛn rayt na di Ju Lɔ.

1 Kɔrint 7:4

Wɛf nɔ gɛt rayt pan in yon bɔdi, nain man gɛt rayt pan in bɔdi; man nɔ gɛt rayt pan in yon bɔdi, na di wɛf gɛt rayt pan in man bɔdi.

Jɔn 16:21

Wɛn uman kin want bɔn pikin, i kin sɔri, bikɔs di tɛm dɔn rich fɔ am fɔ sɔfa; bɔt wɛn i dɔn bɔn di pikin, i kin fɔgɛt di pen we i sɔfa bikɔs i gladi we i dɔn bɔn pikin kam na wɔl.

Jɛnɛsis 4:7

If yu bin du wetin rayt, a nɔ bin fɔ tek yu sakrifays? Bɔt bikɔs yu nɔ du wetin rayt, sin de na yu domɔt de wet fɔ yu, bɔt yu fɔ tray nɔ fɔ kɔmit sin.”

Jɛrimaya 6:24

Wi dɔn yɛri bɔt dat, wi an dɛm dɔn wik; pen dɔn ol wi da pen we uman de fil we i de bɔn.

Di Nɔmba Dɛm 30:13

In man gɛt rayt fɔ gri ɔ nɔ fɔ gri wit am bɔt ɛni prɔmis we i mek.

Fɔs Lɛta Fɔ Tɛsalonayka 5:3

Wɛn pipul se, “Ɔltin rayt, natin nɔ de fɔ fred,” da tɛm de kwik, kwik wan so, nain trɔbul go fɔdɔm pan dɛn. I go jɛs tan lɛkɛ we pen kin krɔs uman we wan bɔn pikin, tɛm we i nɔ mɛmba. Ɔlman go sɔfa.

Ɛsta 1:20

I se wɛn di uman dɛn ɔlɔbɔt na di kindɔm yɛri di lɔ dat go mek ɔl di uman dɛn rɛspɛkt dɛn man i lɛk udat i bi.

Jɛrimaya 22:23

Yu, una we tap na Libanɔn midul dɛn sida tik dɛm, wɛn di pen kam pan una, una go ala nɔto kɔmɔn, i go tan lɛk da pen we uman kin fil we i de bɔn!”

Jɛrimaya 13:21

Wetin una go se, wɛn dɛn put dɛn wan dɛn we na una sɛf tich fɔ bi una padi dɛn, oba una? Pen nɔ go ol una lɛk uman we de lebɔ?

Ayzaya 21:3

Dat mek na so so wes pen a de gɛt; pen dɔn ol mi, lɛk di pen we uman de fil we i de pan pen fɔ bɔn; A dɔn so bɛn dat a nɔ de yɛri, mi at so pwɛl dat a nɔ ebul si.

Ayzaya 13:8

ɛn dɛn at go pwɛl. Dɛn go de fil ɔlkayn pen; dɛn go de fil pen lɛk we uman de sɔfa fɔ bɔn. Dɛn go lɛf mɔt de luk dɛn kɔmpin. Dɛn fes go rɛd lɛk we yu layt faya.

Jɛrimaya 49:24

Damaskɔs dɔn wik, i dɔn tɔn fɔ rɔnawe, i nɔ no wetin fɔ du, pen ɛn brok at dɔn ol am lɛkɛ uman we de pan lebɔ.

Jɛrimaya 4:31

Bikɔs a yɛri pɔsin de kray lɛkɛ we uman de lebɔ, lɛkɛ we uman kin de bɔn in fɔs pikin, dat na Zayɔn in gyal pikin dɛn de kray ɛn de fɛt fɔ blo, dɛn opin dɛn an dɛn wayd wayd wande se, “Swɛ dɔn kech mi! A de fent bifo di wan dɛn we de kil mi.”

Ayzaya 53:11

I go si di bɛnifit fɔ di pen we in sol sɔfa, ɛn i go satisfay; na bay in sɛns di pɔsin we de waka tret na PAPA GƆD in yay, we na mi wokman, mek PAPA GƆD kɔnt bɔku pipul dɛn se, dɛn de waka tret nain yay; ɛn i go tot dɛn sin dɛm.

Di Sam Dɛm 48:6

Na so dɛn kin de trimbul wit fred dɛn kin de mek lɛk we uman de pan pen fɔ bɔn.

Fɔs Lɛta To Timoti 2:13

Bikɔs na Adam fɔs Gɔd mek, bifo i mek Iv;

1 Kronikuls 4:9

Jebɛz bin gɛt rɛspɛkt pas ɔl in brɔda dɛn; ɛn in mama bin gi am nem Jebɛz, we min se, “a bɔn am insay pen.”