Jɛnɛsis 3:10 - Krio Fɔs Oli Baybul

¹⁰ Adam ansa se, “A yɛri we yu de waka na di fam; a fred bikɔs a bin de nekɛd so a ayd pan yu.”

Jɛnɛsis 3:10 Referans Kwoze

Jɛnɛsis 2:25

Di man ɛn di uman bin de nekɛd, bɔt dɛn nɔ bin de shem.

Ayzaya 57:11

Udat yu de fred bad bad wan so, we yu bin lay, ɛn nɔ bin mɛmba mi, we mek yu nɔ tink bɔt mi? A nɔ dɔn sɛt mi mɔt, fɔ lɔŋ tɛm naw, ɛn so yu nɔ de fred mi?

Ayzaya 47:3

Yu nekɛdnɛs go sho, ɛn yu shem go kɔmɔt na do. A go rivɛnj, ɛn a nɔ go lɛf nɔbɔdi.

Di Sam Dɛm 119:120

Mi bɔdi kin trimbul wit fred ɛn rɛspɛkt fɔ yu. A de fred aw yu go jɔj mi.

Jɔn In Fɔs Lɛta 3:20

If wi at tɛl wi se wi nɔ du rayt, wi no se Gɔd pas wi at ɛn i no ɔltin.

Job 23:15

So a go fred fɔ tinap bifo am; we a luk insay de, a de fred am.

Ɛksodɔs 3:6

I se, “Mi na di PAPA GƆD we yu fɔstɛm-papa dɛn we na Ebraam, Ayzak ɛn Jekɔb, bin de wɔship.” We Mozis yɛri dis, i tek in an kɔba in fes bikɔs i bin de fred fɔ luk PAPA GƆD.

Ayzaya 33:14

Di sina dɛn na Zayɔn de fred; dɛn wan we no Gɔd, dɔn bigin trimbul; “Udat pan wi ebul tap wit faya we de kil pipul? Udat pan wi ebul tap wi faya we de bɔn sote go?”

Rɛvɛleshɔn 16:15

“Lisin! A de kam tɛm we una nɔ mekɔp, lɛkɛ wɛn tifman de kam! I go bɛtɛ fɔ di pɔsin we nɔ de slip ɛn we wɛr klos, so dat i nɔ go gɛt fɔ waka nekɛd ɛn shem bifo pipul!”

Ɛksodɔs 32:25

Mozis si se di pipul dɛn dɔn lɔstrak ɛn dɔn shem to dɛn ɛnimi, ɛn na Erɔn kɔz dat,

Jɛnɛsis 3:7

We dɛn dɔn it am dɔn, dɛn yay opin ɛn kechɔp se dɛn bin nekɛd; so dɛn so klos wit fig lif fɔ kɔba dɛnsɛf.

Jɛnɛsis 3:11

PAPA GƆD aks am se, “Udat tɛl yu se yu nekɛd? Yu dɔn it da frut we a tɛl yu se nɔ fɔ it ɛ?”

Ɛksodɔs 20:18

Naw, wɛn di pipul dɛn yɛri di tɛnda ɛn di trɔmpɛt ɛn si di laytin ɛn di smok na di mawnten, dɛn fred ɛn bigin trimbul, so dɛn muf kɔmɔt usay dɛn bin de go fawe lilibit.

Ɛksodɔs 20:19

Dɔn dɛn tɛl Mozis se dɛn prifa fɔ lɛ in tɔk to dɛn bikɔs dɛn go yɛri, bɔt if PAPA GƆD tɔk, dɛn go day.

Ditarɔnɔmi 5:25

I se di pipul dɛn bin se dɛn de fred se di faya go kil dɛn ɛn if PAPA GƆD tɔk to dɛn wantɛm mɔ, dɛn mɔs day ɛn dɛn nɔ want fɔ day.

Job 31:33

a nɔ ɛva ayd mi sin pan mɔtalman, bay we a nɔ go tɛl nɔbɔdi,