Jɛnɛsis 28:3 - Krio Fɔs Oli Baybul

³ Mek PAPA GƆD Ɔlmayti blɛs yu ɛn gi yu bɔku pikin dɛn, so dat yu go bi papa fɔ plɛnti neshɔn.

Jɛnɛsis 28:3 Referans Kwoze

Jɛnɛsis 48:3

Jekɔb tɛl Josɛf se PAPA GƆD Ɔlmayti bin apia to am na Luz insay Kenan ɛn i blɛs am.

Jɛnɛsis 35:11

PAPA GƆD tɛl am se, “Mi na PAPA GƆD Ɔlmayti. Bɔn bɔku bɔku pikin we go de ɔlsay na di wɔl. Yu go bi papa fɔ bɔku dɛn neshɔn dɛn, kiŋ dɛn go de insay yu jɛnareshɔn.

Jɛnɛsis 13:16

A go mek yu jɛnareshɔn bɔku lɛkɛ sansan; if dɛn ebul kɔnt sansan, dɛn, dɛn go ebul kɔnt dɛn.

Jɛnɛsis 9:1

PAPA GƆD blɛs Noa ɛn in bɔypikin dɛn. I se, “Una bɔn bɔku bɔku pikin dɛn so dat una go de ɔlsay na di wɔl.

Jɛnɛsis 1:28

PAPA GƆD blɛs dɛm, ɛn tɛl dɛn se, “Una bɔn bɔku pikin dɛn, fɔ mek una de ɔlsay na di wɔl ɛn kɔntrol di wɔl. Una go gɛt pawa fɔ kɔntrol ɔl di fish dɛm, ɔl di bɔd dɛm ɛn ɔl dɛn animal dɛm.

Jɛnɛsis 43:14

ɛn pre mek PAPA GƆD Ɔlmayti mek di man sɔri fɔ dɛn, ɛn lɛ i mek Bɛnjamin ɛn dɛn ɔda brɔda kam bak wit dɛn. I se as fɔ in di Izrɛl, if na so in fɔ lɔs in pikin dɛn, lɛ i bi so.

Jɛnɛsis 41:52

I gi in sɛkɛn pikin nem Ifrem. I tɔk se, “PAPA GƆD dɔn gi mi pikin na di kɔntri usay a sɔfa.”

Jɛnɛsis 24:60

Dɔn dɛn blɛs Ribɛka wit dɛn wɔd ya so. Dɛn se, “Wi sista, PAPA GƆD go wit yu ya. Lɛ PAPA GƆD gi yu bɔku pikin, ɛn mek yu jɛnareshɔn dɛn kɔnka ɔl dɛn ɛnimi dɛn!”

Rɛvɛleshɔn 21:22

A nɔ bin si Gɔd in Os insay di tɔŋ bikɔs Gɔd, we gɛt pawa pas ɔl, ɛn di Ship bin de ɔlɔbɔt na di tɔŋ ɛn ɔlman bin de pre to dɛn ɔlɔbɔt.

2 Kɔrint 6:18

A go bi una Papa ɛn una go bi mi bɔy pikin ɛn mi gyal pikin dɛn, na so di Masta we gɛt pawa pas ɔl, se.”

Di Sam Dɛm 127:3

Pikin na blɛsin we PAPA GƆD de gi ɛn mɔ so if na yu bɔn am.

Ɛksodɔs 6:3

A apia to Ebraam, to Ayzak ɛn Jekɔb as PAPA GƆD Ɔlmayti, bɔt a nɔ bin mek dɛn no mi bay mi oli nem.

Di Sam Dɛm 127:1

If PAPA GƆD nɔ put an we yu de bil yu os, na fɔ natin yu de wok. If yu nɔ mek PAPA GƆD bi wachman fɔ di siti, yu go de pe yu wachman fɔ natin.

Jɛnɛsis 17:20

Fɔ Ishmɛl in yon say, a dɔn yɛri wetin yu se. A go blɛs insɛf, ɛn gi am bɔku pikin dɛn ɛn mek insɛf yon jɛnareshɔn bɔku. I go gɛt twɛlv bɔypikin dɛn we go rul, ɛn a go mek am bi di papa fɔ big big neshɔn dɛn.

Jɛnɛsis 26:4

A go mek yu jɛnareshɔn dɛn bɔku lɛk di sta dɛn de na di skay, ɛn a go gi dɛn dis wanol ples. Na tru dɛn ɔl dɛn ɔda neshɔn go gɛt blɛsin.

Jɛnɛsis 26:24

Da nɛt de PAPA GƆD apia to am ɛn tɛl am se, “Mi na yu papa Ebraam in PAPA GƆD. Nɔ fred; A de wit yu. A go blɛs yu ɛn mek yu jɛnareshɔn dɛn bɔku bikɔs na so a bin dɔn prɔmis mi savant Ebraam.”

Jɛnɛsis 27:33

Na de Ayzak bigin trimbul bad bad wan, so i aks se, “Bɔt na udat go ɔntin we kuk it kam gi mi fɔ it jisnɔ? A jɛs it dɔn bifo yu kam ɛn a dɔn blɛs am. Natin nɔ de fɔ du igen”

Jɛnɛsis 48:4

I se i tɛl mi se i go mek in jɛnareshɔn bɔku ɛn Kenan go bi dɛn yon sote go.

Jɛnɛsis 49:25

Mek yu papa dɛn GƆD ɛp yu. Mek GƆD Ɔlmayti blɛs yu wit blɛsin we kɔmɔt na ɛvin ɛn blɛsin we kɔmɔt ɔnda, ɛvin ɛn mek yu gɛt di blɛsin we go mek yu mɛn plɛnti animal ɛn plɛnti pikin dɛn.

Ɛksodɔs 1:7

Bɔt dɛn yon jɛnareshɔn dɛn we na di Izrɛlayt dɛn, bin dɔn bɔn bɔku bɔku pikin dɛn. Dɛn bin so bɔku ɛn dɛn de ɔlɔbɔt na di kɔntri.

Ruth 2:4

I te lilibit nain Boaz kɔmɔt Bɛtliɛm, ɛn we i de tɛl in wokman dɛn adu, i pre mek PAPA GƆD blɛs dɛm. Dɛnsɛf pre mek PAPA GƆD blɛs am.