Jɛnɛsis 26:5 - Krio Fɔs Oli Baybul

⁵ A go du so bikɔs Ebraam bin de yɛri mi wɔd, ɛn du ɔl wetin a lɛk, ɔl wetin a tɛl am fɔ du, ɛn obe ɔl di lɔ we a gi am.

Jɛnɛsis 26:5 Referans Kwoze

Jɛnɛsis 22:18

Ɔl dɛn ɔda neshɔn dɛn go gɛt blɛsin tru yu jɛnareshɔn bikɔs yu obe am.”

Jɛnɛsis 22:16

i se, “PAPA GƆD se in dɔn swɛ to insɛf se i go blɛs yu bikɔs yu gri fɔ gi am yu wangren bɔypikin ɛn nɔ ol am to yusɛf.

Matyu 7:24

“Ɛnibɔdi we de yɛri mi wɔd ɛn du wetin a tɛl am, da pɔsin de tan lɛk pɔsin we gɛt sɛns ɛn bil in os pan rɔk.

Jems 2:21

Una mɛmba Ebraam we na wan pan wi grampapa papa dɛn; wetin mek ɔltin bin rayt bitwin in ɛn Gɔd? Na bikɔs i bin tek in pikin Ayzak fɔ go sakrifays am.

Di Ibru Pipul Dɛn 11:8

Na bikɔs Ebraam bin biliv Gɔd mek i du wetin Gɔd tɛl am fɔ du wɛn Gɔd kɔl am ɛn sɛn am fɔ go na di ples we i prɔmis fɔ gi am. I grap ɛn go, pan ɔl we i nɔ bin no di ples we i de go.

Lɛta Fɔ Galeshya 5:6

Wans wi gɛt wanwɔd wit Krays, if wi sakɔmsayz ɔ wi nɔ sakɔmsayz, dat nɔ min natin. Bɔt di tin we gud pas ɔl nain dis: pipul fɔ no se wi biliv pan Krays bay aw wi lɛk wi kɔmpin mɔtalman.

1 Kɔrint 15:58

So, mi kɔmpin Kristiɛn dɛn, una tinap traŋa, una nɔ gri mek ɛnitin mek una dawt. Una fɔ de du Gɔd in wok ɔltɛm, una no se ɛnitin we una de du fɔ Gɔd nɔ go go fɔ natin.

Jɛnɛsis 18:19

A dɔn pik am fɔ tɛl in jɛnareshɔn dɛn fɔ obe mi ɛn du wetin rayt ɛn tret wit mi. Dat go mek misɛf du ɔl wetin a bin prɔmis am.”

Jɛnɛsis 12:4

Ebram kɔmɔt na Eran lɛkɛ aw PAPA GƆD bin tɛl am fɔ du ɛn Lɔt sɛf go wit am. Da tɛm de Ebram bin ol sɛvinti-fayv ia.

Jɛnɛsis 17:23

Ebraam obe PAPA GƆD in kɔmand ɛn sakɔmsayz in bɔypikin Ishmɛl ɛn ɔl di ɔda man dɛn nain os. I sakɔmsayz di wan dɛn we bɔn nain os ɛn dɛn wan dɛn we i bin bay. Dɛn ɔl sakɔmsayz da sem de de jɛs lɛkɛ aw PAPA GƆD bin tɛl am.

Matyu 5:19

Ɛnibɔdi we brok wan pan di lɔ dɛn we Gɔd gi wi, ɛn lan ɔda pipul fɔ brok dɛn, Gɔd go mek da pɔsin de gɛt lo ples pas plɛnti pipul dɛn we i de rul; bɔt ɛnibɔdi we du wetin di Lɔ se ɛn lan ɔda pipul fɔ du di sem tin, Gɔd go mek da pɔsin de gɛt ay ples pas plɛnti pipul dɛn we i de rul.

Jɛnɛsis 26:6

So Ayzak insɛf nɔ muf kɔmɔt Gɛra.