Jɛnɛsis 26:4 - Krio Fɔs Oli Baybul

⁴ A go mek yu jɛnareshɔn dɛn bɔku lɛk di sta dɛn de na di skay, ɛn a go gi dɛn dis wanol ples. Na tru dɛn ɔl dɛn ɔda neshɔn go gɛt blɛsin.

Jɛnɛsis 26:4 Referans Kwoze

Apɔsul Dɛn Wok 3:25

Di tin we Gɔd prɔmis wi we dɛn prɔfɛt tɔk bɔt na fɔ wi ɔl, ɛn una gɛt pan da blɛsin we Gɔd bin prɔmis wi grampapa papa dɛn, wɛn i tɛl Ebraam se, ‘Na yu grampikin pikin dɛm a go tek fɔ blɛs ɔl di pipul dɛn na di wɔl.’

Lɛta Fɔ Galeshya 3:8

Bifo i apin, Gɔd in Buk dɔn tɔk se, Gɔd go mek dɛn pipul we nɔto Ju bi tret pipul bikɔs dɛn biliv am. So wetin dɛn rayt na Gɔd in Buk sho aw Ebraam bin dɔn yɛri di Gud Nyuz lɔntɛm, wɛn Gɔd tɛl am se, “Na yu a go tek fɔ blɛs ɔlman na wɔl.”

Jɛnɛsis 15:5

So PAPA GƆD kɛr Ebram go na do ɛn tɛl am se, “Luk ɔp di skay ɛn tray fɔ kɔnt di sta dɛn; lɛkɛ aw di sta dɛn bɔku so na so yu jɛnareshɔn dɛn go tan.”

Ɛksodɔs 32:13

I tɛl PAPA GƆD se lɛ i nɔ fɔgɛt da prɔmis we i bin prɔmis in savant dɛn, dat na Ebraam, Ayzak ɛn Jekɔb, we i bin swɛ to insɛf se in go mek dɛn jɛnareshɔn dɛn bɔku lɛkɛ di sta dɛn na di skay ɛn gi dɛn bɔku, bɔku land we go bi dɛn yon sote go.

Jɛnɛsis 13:16

A go mek yu jɛnareshɔn bɔku lɛkɛ sansan; if dɛn ebul kɔnt sansan, dɛn, dɛn go ebul kɔnt dɛn.

Lɛta Fɔ Galeshya 3:16

Una fɔ mɛmba se, Gɔd bin dɔn mek prɔmis to Ebraam ɛn in grampikin pikin plɛnti tɛm. Wɛn wi si “Ebraam in grampikin pikin” na Gɔd in Buk, dat min se Gɔd nɔ bin de tɔk bɔt plɛnti pipul, i bin de tɔk bɔt wan pɔsin, ɛn da pɔsin de na Krays.

Di Sam Dɛm 72:17

Mek in nem nɔ day; mek i de lɛk di san we de de sote go. Ɔlman na wɔl go pre fɔ gɛt blɛsin lɛk am ɛn tɔk bɔt in yon blɛsin.

Di Ibru Pipul Dɛn 11:2

Na bikɔs dɛn lɔntɛm pipul bin biliv Gɔd, mek Gɔd bin satisfay wit dɛn.

Jɛnɛsis 18:18

nain gɛt fɔ bi di papa fɔ big, big neshɔn dɛn ɛn nain go mek ɔl dɛn neshɔn na wɔl gɛt dɛn blɛsin.

Jɛnɛsis 15:18

Da sem tɛm de PAPA GƆD mek Kɔvinant wit Ebram. I se, “A dɔn prɔmis fɔ gi yu jɛnareshɔn ɔl dis kɔntri frɔm di bɔda na Ijipt sote rich na Riva Yufretis,

Jɛnɛsis 26:24

Da nɛt de PAPA GƆD apia to am ɛn tɛl am se, “Mi na yu papa Ebraam in PAPA GƆD. Nɔ fred; A de wit yu. A go blɛs yu ɛn mek yu jɛnareshɔn dɛn bɔku bikɔs na so a bin dɔn prɔmis mi savant Ebraam.”

Jɛnɛsis 28:3

Mek PAPA GƆD Ɔlmayti blɛs yu ɛn gi yu bɔku pikin dɛn, so dat yu go bi papa fɔ plɛnti neshɔn.

Jɛnɛsis 28:14

Yu jɛnareshɔn dɛn go bɔku lɛkɛ dɔti na grɔn ɛn dɛn go de na di ist, wɛst, nɔth ɛn sawt. Na yu ɛn yu jɛnareshɔn go mek ɔl dɛn ɔda neshɔn gɛt dɛn blɛsin.

Jɛnɛsis 35:12

A go gi yu di land we a bin gi Ebraam ɛn Ayzak, ɛn a go gi am to yu ɛn yu jɛnareshɔn dɛn.”

Jɛnɛsis 47:27

So di Izrɛlayt dɛn kam tap na Goshɛn insay Ijipt. We dɛn de de dɛn gɛt bɔku bɔku prɔpati ɛn pikin dɛn.

Ɛksodɔs 6:4

A bin mek Kɔvinant wit dɛn ɛn a prɔmis se a go gi dɛn Kenan, dat na di ples we dɛn bin tap as trenja.

Ditarɔnɔmi 9:5

I se nɔto bikɔs di Izrɛlayt na gud pipul dɛn ɔ dɛn de du ɔl gud tin de mek PAPA GƆD gi dɛn di land. I se PAPA GƆD de drɛb dɛn pipul dɛn de bikɔs dɛn na bad bad pipul dɛn ɛn i wan kip di prɔmis we i bin dɔn mek to Ebraam, Ayzak ɛn Jekɔb, di Izrɛlayt dɛn fɔstɛm-papa dɛn.

Ditarɔnɔmi 13:17

I advays dɛn se dɛn nɔ fɔ tek natin pan di tin dɛn we na fɔ PAPA GƆD. I se dɛn fɔ bɔn dɛn ɔl. Dat go mek PAPA GƆD nɔ go vɛks pan dɛn igen, bɔt i go de sɔri fɔ dɛn ɛn go mek bɛtɛ fala dɛn. I se i go mek dɛn bɔn bɔku pikin dɛn, jɔs lɛk aw i bin dɔn prɔmis dɛn fɔstɛm-papa dɛn,

1 Kronikuls 27:23

Dɛn wan we de ɔnda twɛnti Devid nɔ kɔnt dɛm bikɔs PAPA GƆD bin dɔn gi in wɔd se in go mek Izrɛl bɔku lɛk di sta dɛn na ɛvin.