Jɛnɛsis 26:1 - Krio Fɔs Oli Baybul

¹ Aŋri bin de na di kɔntri bak afta da wan we bin de Ebraam in tɛm. So, Ayzak muf go tap na Gɛra usay Abimɛlɛk, di Filistin dɛn kiŋ bin de.

Jɛnɛsis 26:1 Referans Kwoze

Jɛnɛsis 12:10

It nɔ bin bɔku na Kenan so aŋri bin de. Di aŋri bin so mɔna dat Ebram muf fɔs go tap na Ijipt.

Jɛnɛsis 25:11

Afta Ebraam dɔn day, PAPA GƆD blɛs Ayzak we bin tap na Bia-laay-rɔy.

Jɛnɛsis 25:34

Na de Jekɔb insɛf gi Isɔ bred ɛn sɔm pan di sup. Isɔ it ɛn drink wata ɛn go abawt in biznɛs. I nɔ bisin sɛf se nain bathrayt i dɔn sɛl so.

Jɛnɛsis 42:5

So Jekɔb in bɔypikin dɛn go wit ɔda pipul dɛn fɔ bay it na Ijipt, bikɔs di aŋri bin dɔn rich Kenan insɛf.

Jɛnɛsis 43:1

Di aŋri bin dɔn traŋa na Kenan

Ɛksodɔs 33:1

PAPA GƆD tɔk to Mozis. I se, “Kɔmɔt na dis ples. Yu ɛn di pipul dɛn we yu pul kɔmɔt na Ijipt, una lɛf yaso ɛn go na di land we a bin prɔmis Ebraam, Ayzak ɛn Jekɔb se a go gi dɛn ɛn dɛn jɛnareshɔn.

Ruth 1:1

Di tɛm we na Jɔj dɛn bin de rul Izrɛl, aŋri bin de na di land. Wan man we kɔmɔt Bɛtliɛm insay Juda muf go tap na Moab fɔs wit in wɛf ɛn in tu bɔypikin.

2 Samiɛl 21:1

Di tɛm we Devid na bin kiŋ, bad bad aŋri fɔdɔm na Izrɛl fɔ tri gud ia; dis mɔna Devid so i pre ɛn aks PAPA GƆD wetindu. PAPA GƆD tɛl am se na bikɔs Sɔl bin kil bɔku Gibiɔnayt so in ɛn in fambul dɛn de sɔfa fɔ dat.