Jɛnɛsis 24:7 - Krio Fɔs Oli Baybul

⁷ PAPA GƆD, we na PAPA GƆD na ɛvin, bin pul mi kɔmɔt na mi papa in os ɛn usay ɔl mi fambul dɛn de, ɛn prɔmis mi se, in go gi mi ɛn mi jɛnareshɔn dɛn dis land ya so. Da sem PAPA GƆD de go sɛn in enjɛl bifo yu, so dat yu go gɛt wɛf fɔ mi pikin yanda.

Jɛnɛsis 24:7 Referans Kwoze

Di Ibru Pipul Dɛn 1:14

Udat na di enjɛl dɛn? Dɛn na spirit ɛn dɛn na Gɔd in mɛsenja dɛn; na dɛn Gɔd de sɛn fɔ ɛp dɛn pipul we Gɔd go sev.

Di Sam Dɛm 34:7

PAPA GƆD in enjɛl de rawnd udat rɛspɛkt ɛn dɛn wan we de fred am. I de pul am pan trɔbul.

Ɛksodɔs 33:2

A go sɛn enjɛl fɔ gayd yu, dɔn a go drɛb dɛn Kenanayt, dɛn Amɔrayt, dɛn Itayt, dɛn Pɛrizayt, dɛn Ivayt ɛn dɛn Jɛbyusayt dɛn kɔmɔt na di land.

Jɛnɛsis 13:15

A go gi yu ɛn yu jɛnareshɔn ɔl dis land we yu si so, ɛn i go bi una yon sote go.

Di Sam Dɛm 73:24

Yu de sho mi usay a fɔ go dɔn we a fala di rod, yu de gi mi ɔna. Na yu nɔmɔ we de na ɛvin a gɛt.

Di Sam Dɛm 32:8

PAPA GƆD se, “A go tich yu ɛn tɛl yu wetin fɔ du mi yay go fala yu, ɛnisay we yu go.”

Ɛksodɔs 32:13

I tɛl PAPA GƆD se lɛ i nɔ fɔgɛt da prɔmis we i bin prɔmis in savant dɛn, dat na Ebraam, Ayzak ɛn Jekɔb, we i bin swɛ to insɛf se in go mek dɛn jɛnareshɔn dɛn bɔku lɛkɛ di sta dɛn na di skay ɛn gi dɛn bɔku, bɔku land we go bi dɛn yon sote go.

Jɛnɛsis 15:18

Da sem tɛm de PAPA GƆD mek Kɔvinant wit Ebram. I se, “A dɔn prɔmis fɔ gi yu jɛnareshɔn ɔl dis kɔntri frɔm di bɔda na Ijipt sote rich na Riva Yufretis,

Rɛvɛleshɔn 11:13

Da sem tɛm de, nain di grɔn trimbul bad bad wan; wan pan ɛvri tɛn say na di tɔŋ pwɛl pata pata, ɛn sɛvin tawzin pipul day. Di ɔda pipul dɛn we nɔ day, fred bad; dɛn bigin prez Gɔd we de rul na ɛvin.

Di Ibru Pipul Dɛn 11:9

Na bikɔs Ebraam bin biliv Gɔd mek i bin go na di ples we Gɔd prɔmis fɔ gi am, i bin tap na bafa lɛkɛ trenja. Na bafa Ebraam, Ayzak ɛn Jekɔb bin tap, bikɔs na to dɛn Gɔd bin mek di prɔmis.

Apɔsul Dɛn Wok 7:5

Gɔd nɔ bin gi Ebraam ples fɔ de we go bi in yon; i nɔ gi am lili ples sɛf, bɔt i prɔmis am se in go gi am ples, ɛn da ples de go bi Ebraam in yon prɔpati ɛn da prɔpati de go bi Ebraam in grampikin pikin dɛm yon, wɛn Ebraam dɔn day. Ebraam nɔ bin bɔn pikin yet wɛn Gɔd tɛl am dat.

Daniɛl 2:44

Ɛn dɛn tɛm dɛn de we di kiŋ dɛn go de rul, PAPA GƆD na ɛvin go briŋ in yon kindɔm we nɔ go ɛva fɔdɔm, ɛn in pawa nɔ go go na ɔda pipul an; ɛn I go brok ɔl dɛn kindɔm we bin dɔn de bifo am pyɛt pyɛt, ɛn dɔn dɛn kpatakpata wan; in go tinap sote go;

Di Sam Dɛm 103:20

Una we na enjɛl dɛn, una we de du wetin i want, we de obe in wɔd, prez PAPA GƆD ya!

Jɔshwa 1:6

PAPA GƆD tɛl Jɔshwa se i fɔ tinap lɛkɛ man, bikɔs nain go gɛt fɔ de bifo di pipul dɛn fɔ go kapchɔ di land we in PAPA GƆD bin dɔn swɛ to dɛn fɔstɛm-papa dɛn se, in go gi dɛn.

Ditarɔnɔmi 34:4

Nain PAPA GƆD tɛl am se, na di land dawande we i bin swɛ to Ebraam, Ayzak ɛn Jekɔb se i go gi dɛn jɛnareshɔn. I tɛl am se, I dɔn mek i si am wit in yay, bɔt i nɔ go gri mek i go de.

Ditarɔnɔmi 1:8

I se in PAPA GƆD dɔn gi dɛn ɔl di land, so dɛn fɔ go kapchɔ am ɛn tap na di land we PAPA GƆD bin dɔn prɔmis dɛn fɔstɛm-papa dɛn, Ebraam, Ayzak ɛn Jekɔb se i go gi dɛn ɛn dɛn grampikin dɛn we nɔ bɔn yet.

Di Nɔmba Dɛm 32:11

wans dɛn nɔ fala am wit ɔl dɛn at, nɔn pan di man dɛn we dɔn pas twɛnti ia we bin de we dɛn kɔmɔt na Ijipt nɔ go si di land we i bin dɔn swɛ to Ebraam, Ayzak ɛn Jekɔb se i go gi dɛn.

Di Nɔmba Dɛm 14:30

Dɛn nɔn nɔ go mas fut insay di land we a bin dɔn swɛ se a go mek i bi dɛn yon pas Kelɛb we na Jɛfunɛ in bɔypikin ɛn Jɔshwa we na Nɔn in bɔypikin.

Di Nɔmba Dɛm 14:16

na we yu nɔ ebul fɔ kɛr dɛn go na di land we yu bin dɔn prɔmis se yu go kɛr dɛn, na dat mek yu kil dɛn ɔl na di ɛmti land we pɔsin nɔ go ebul tap. PAPA GƆD, na tɛm dis we yu fɔ sho aw yu pawaful.

Ɛksodɔs 13:5

I se dɛn fɔ sɛlibret da de de as ɔlide insay da mɔnt de wɛn PAPA GƆD go kɛr dɛn go na di ples usay dɛn Kenanayt, dɛn Itayt, dɛn Amɔrayt, dɛn Ivayt ɛn dɛn Jɛbyusayt dɛn de. I se na da land de PAPA GƆD bin swɛ se in go gi dɛn papa dɛn, ɛn da land we fayn fɔ plant ɛn fɔ mɛn animal dɛn.

Jɛnɛsis 26:24

Da nɛt de PAPA GƆD apia to am ɛn tɛl am se, “Mi na yu papa Ebraam in PAPA GƆD. Nɔ fred; A de wit yu. A go blɛs yu ɛn mek yu jɛnareshɔn dɛn bɔku bikɔs na so a bin dɔn prɔmis mi savant Ebraam.”

Jɛnɛsis 17:8

Dis land we yu de so naw lɛkɛ trenja go blant yu ɛn yu jɛnareshɔn dɛn. A go gi yu jɛnareshɔn dɛn dis wanol Kenan. I go bi dɛn yon sote go, ɛn a go bi dɛn PAPA GƆD.”

Jona 1:9

I tɛl dɛn se in na Ibru ɛn dat na PAPA GƆD we na di GƆD we mek ɛvin ɛn ath i de wɔship.

Ayzaya 63:9

Insay ɔl dɛn siknɛs, insɛf bin sik, ɛn di enjɛl we kin de ɔlsay we i de, bin sev dɛm; na wit lɔv ɛn di sɔri we i de sɔri fɔ dɛn mek i ridim dɛm; I es dɛn ɛn tot ɔl dɛn lɔntɛm dez dɛm.

Ɛzra 1:2

“Dis na wetin Kiŋ Sayrɔs na Pashia tɔk: ‘PAPA GƆD we na GƆD na ɛvin dɔn gi mi ɔl di kindɔm dɛn na di wɔl fɔ rul, ɛn i dɔn gi mi ɔda fɔ bil os fɔ am insay Jerusɛlɛm na Juda.

Di Jɔj Dɛm 2:1

PAPA GƆD in enjɛl bin kɔmɔt Gilgal go Bochim go tɛl di Izrɛlayt dɛn se, nain pul dɛn kɔmɔt Ijipt go put dɛn na di land we in bin dɔn prɔmis dɛn fɔstɛm-papa dɛn se, in go gi dɛn, ɛn in nɔ go ɛva pwɛl di wanwɔd we dɛn gɛt.

Jɛnɛsis 16:7

Ega go te i rich na wan ples we gɛt smɔl wata na di ples we pɔsin nɔ go ebul tap, na di rod fɔ go Shɔ. PAPA GƆD in enjɛl mit am de.

Jɛnɛsis 21:17

PAPA GƆD yɛri di bɔbɔ de kray, nain PAPA GƆD in enjɛl aks Ega se, “Ega, wetindu yu de kray so, nɔ fred. PAPA GƆD dɔn yɛri we di bɔbɔ de kray usay i de.

Jɛnɛsis 22:11

nain PAPA GƆD in enjɛl na ɛvin ala, “Ebraam, Ebraam!” Ebraam ansa se, “Yɛs, luk mi.”

Jɛnɛsis 24:3

ɛn swɛ to PAPA GƆD we na PAPA GƆD na ɛvin ɛn ath, se, yu nɔ go fɛn wɛf fɔ mi bɔypikin Ayzak pan dɛn uman dɛn we de ya na Kenan.

Jɛnɛsis 24:40

I se in masta ansa am se, PAPA GƆD we na di PAPA GƆD we i de sav ɛn obe ɔltɛm go sɛn in enjɛl wit am ɛn bɛtɛ go fala am, ɛn i go fɛn wɛf fɔ in pikin nain fambul dɛn os.

Di Nɔmba Dɛm 11:12

Na mi bɔn dɛn ɔl? Wetin mek yu se mi fɔ tot dɛn ɛn bayobayo dɛn na mi an lɛk aw nɔs kin tot bebi, fɔ kɛr dɛn go na di land we yu bin dɔn swɛ to dɛn lɔntɛm pipul se yu go gi dɛn?

Jɔshwa 24:3

Jɔshwa tɛl dɛn se PAPA GƆD se, in bin tek Ebram we na dɛn papa kɔmɔt na da ples de, kɛr an go Kenan usay i mek i gɛt plɛnti plɛnti pikin ɛn grampikin. I se PAPA GƆD se in gi am Ayzak.

Di Sam Dɛm 136:26

Tɛl di PAPA GƆD na ɛvin tɛnki in lɔv de de sote go.