Jɛnɛsis 24:3 - Krio Fɔs Oli Baybul

³ ɛn swɛ to PAPA GƆD we na PAPA GƆD na ɛvin ɛn ath, se, yu nɔ go fɛn wɛf fɔ mi bɔypikin Ayzak pan dɛn uman dɛn we de ya na Kenan.

Jɛnɛsis 24:3 Referans Kwoze

1 Kɔrint 7:39

Uman we dɔn mared nɔ fri fɔ mared if in man nɔ day yet, bɔt if in man dɔn day, i fri fɔ mared to ɛni man we i want, bɔt da man de fɔ bi Kristiɛn.

Nɛimaya 13:25

A tɔk pan dɛn ɛn swɛ dɛn. A bit sɔm pan di man dɛn ɛn rut dɛn ia. A mek dɛn fɔ swɛ na PAPA GƆD in nem se, dɛn nɔ go mek dɛn gyal pikin dɛn mared fɔrina ɛn dɛnsɛf ɔ dɛn bɔypikin dɛn, nɔ go mared fɔrina. A aks dɛn se,

Jɛnɛsis 28:8

Isɔ kam no se in papa nɔ lɛk dɛn Kenan uman dɛn at ɔl.

Jɛrimaya 10:11

Na dis yu go tɛl dɛm: “Dɛn gɔd dɛm we nɔto dɛn mek ɔp di klawd ɛn dɔŋ di grɔn, go alaki na grɔn ɛn ɔnda di klawd.”

2 Kiŋ 19:15

Dɔn i pre to PAPA GƆD se, “E PAPA GƆD, Izrɛl in PAPA GƆD, yu de ay wan midul dɛn Chɛryubim. Na yu wangren na PAPA GƆD pantap ɔl dɛn kindɔm na wɔl, na yu mek ɛvin ɛn ath.

Ɛksodɔs 34:16

dat tɛm de una bɔypikin dɛn go mared dɛn gyal pikin dɛn ɛn dat go mek dɛn tɔn dɛn bak pan mi ɛn bigin fɔ wɔship dɛn pegan gɔd dɛn.

Nɛimaya 9:6

PAPA GƆD, na yu waŋren na GƆD. Yu mek di ɛvin, ivin insay insay di ɛvin ɛn ɔl di sta dɛn, di wɔl ɛn ɔl wetin de insay am, di si dɛn ɛn ɔl wetin de insay dɛn. Na yu gi layf to ɔltin ɛn di bɔku bɔku tin dɛn na ɛvin de wɔship yu.

2 Kronikuls 2:12

Uram tɛl am igen se,” Mek PAPA GƆD we na Izrɛl dɛn Gɔd we mek ɛvin ɛn dis wɔl, gɛt blɛsin, in we dɔn gi Kiŋ Devid in bɔypikin we gɛt sɛns, we ebul mekɔp in maynd, we go bil PAPA GƆD in os ɛn bil kiŋ os fɔ insɛf.

Jɔshwa 2:12

Reab tɛl dɛn fɔ swɛ na PAPA GƆD in nem ɛn prɔmis an se, we in dɔn sev dɛn layf, dɛnsɛf go sev in ɛn in fambul dɛn layf we dɛn go go fɔ go nyakanyaka Jɛriko. I se dɛn fɔ tɛl an wetin go mek i biliv se dɛn go sev dɛn.

Ditarɔnɔmi 10:20

I se dɛn fɔ rɛspɛkt PAPA GƆD ɛn wɔship in waŋren, sav am, ɛn yuz in nem fɔ prɔmis pɔsin ɛnitin.

Ditarɔnɔmi 6:13

I advays dɛn fɔ rɛspɛkt PAPA GƆD we na dɛn PAPA GƆD; nain waŋren dɛn fɔ wɔship ɛn nain nem dɛn fɔ tek prɔmis pɔsin ɛnitin.

Di Nɔmba Dɛm 5:21

na ya so i fɔ tɔk wetin di swɛ go bi. “Mek PAPA GƆD lɛ yu pipul dɛn kɔmɔt biɛn yu ɛn fɔsek yu we i go mek yu nɔ bɔn ɛn ɛni bɛlɛ we yu gɛt go wes.

Ɛksodɔs 23:13

“Una kiaful fɔ du ɔl wetin a dɔn tɛl una; una nɔ pre to ɔda gɔd dɛn; infakt una nɔ kɔl dɛn nem sɛf na una mɔt.

Ɛksodɔs 20:7

“Una nɔ fɔ tek PAPA GƆD we na una GƆD in nem mek ple ple bikɔs PAPA GƆD nɔ go tek am layt wit ɛnibɔdi we tek in nem mek ple ple.

Jɛnɛsis 50:25

Josɛf mek in pipul dɛn swɛ to am se, we dɛn de go na di kɔntri we PAPA GƆD dɔn prɔmis dɛn; dɛn go kɛr in bɔdi go.

Jɛnɛsis 27:46

Afta dat Ribɛka tɛl Ayzak se, “A dɔn gens wit aw dɛn Itayt uman ya de biev. Bifo Jekɔb mared wan pan dɛn, i go bɛtɛ mek a day.”

Jɛnɛsis 21:23

I se Ebraam fɔ swɛ bifo PAPA GƆD se i nɔ go ambɔg ɛni wan pan in pipul dɛn. I tɛl am se, “A nɔ wande ambɔg yu, so swɛ se yusɛf nɔ go ambɔg mi ɛn kɔz prɔblɛm na dis kɔntri ya we yu tap.”

Jɛnɛsis 14:19

Mɛlkizidɛk blɛs Ebram. I se, “Mek PAPA GƆD we pas ɔl, we mek di wanol wɔl, ɛvin ɛn ath, blɛs yu Ebram!

Jɛnɛsis 6:4

Da tɛm de, ɛn ivin afta dat, di pikin dɛn we di enjɛl dɛn bin de bɔn wit dɛn uman we dɛn bin mared, na bin jayant dɛn. Na dɛn sem wan bi big bigman dɛn ɛn dɛn bin femɔs.

Jɛnɛsis 6:2

sɔm pan PAPA GƆD in pikin dɛn dɛn bin si se dɛn gyal pikin ya so fayn, so dɛn fɔl fɔ dɛn ɛn bigin maredd dɛn.

Di Ibru Pipul Dɛn 6:16

Wɛn pipul de mek prɔmis, dɛn kin tek pɔsin we pas dɛn fɔ swɛ, so di swɛ kin mek pipul nɔ agyu igen.

Zɛfinaya 1:5

Ɛn dɛn ɔl we de klem go pantap dɛn os dɛn ruf fɔ wɔship dɛn tin dɛn we de ɔp klawd ɛn dɛn wan dɛn ɔl we de prɔmis am se dɛn go du wetin i want bɔt dɔn dɛn de swɛ bak to da fɔls gɔd we nem Molɛk.

Jɛrimaya 12:16

Dɔn, if dɛn go tek tɛm lan fɔ liv di we we mi pipul dɛn liv, fɔ tek mi nem swɛ se, ‘Wans PAPA GƆD de,’ lɛk aw dɛn bin lan mi pipul dɛm fɔ swɛ wit Beal in nem, na da tɛm de dɛn go ebul mek ɔp dɛnsɛf we dɛn de wit mi pipul dɛm.

Jɛrimaya 4:2

ɛn if una swɛ se, ‘Wans PAPA GƆD de,’ fɔseka di tru, fɔ jɔstis sek, ɛn fɔ tretwaka, na da tɛm de ɔl dɛn neshɔn dɛm go blɛs dɛnsɛf insay in nem ɛn na wit in nem dɛn go mek mɔt.”

Ayzaya 65:16

So dat ɛnibɔdi we blɛs insɛf na di land go tek di Gɔd we de waka tret, blɛs insɛf ɛn ɛnibɔdi we de swɛ na di land go swɛ to di Gɔd we de waka tret; bikɔs a dɔn fɔgɛt di trɔbul dɛn we dɔn pas ɛn dɛn dɔn ayd pan mi.

Ayzaya 48:1

Lisin dis, yu Jekɔb in os, yu we dɛn de kɔl Izrɛl, we Juda na yu dadi, we de swɛ wit PAPA GƆD in nem ɛn se yu biliv pan di Gɔd na Izrɛl, bɔt nɔ bin de tɔk tru ɔ wetin rayt.

Ayzaya 45:23

A dɔn swɛ wit mi nem, raychɔs wɔd dɔn kɔmɔt na mi mɔt, ɛn na wɔd we nɔ go tɔn bak; Na to mi ɔlman go baw ɛn kɔnfɛs,”

Di Sam Dɛm 115:15

Lɛ PAPA GƆD we mek ɛvin ɛn di wanol wɔl blɛs una.

1 Samiɛl 20:17

Jonɛthan swɛ igen se natin nɔ go pat dɛn as in at tek Devid lɛk aw i lɛk insɛf.

Lɛvitikɔs 19:12

Nɔ yuz PAPA GƆD in nem fɔ swɛ mek pɔsin biliv dɛn we dɛn de lay, bay dat dɛn de sho se dɛn nɔ rɛspɛkt PAPA GƆD: nain na PAPA GƆD we na dɛn GƆD.

Ɛksodɔs 22:11

di pɔsin we nain dɛn gi di animal fɔ kip fɔ go na di ples we dɛn de wɔship PAPA GƆD, ɛn swɛ se in an klin, in nɔ tampa wit in kɔmpin in prɔpati. Di pɔsin we gɛt di animal fɔ biliv wetin i se. Di wan we nain an di tin lɔs nɔ fɔ pe natin.

Jɛnɛsis 14:22

Ebram ansa am se, “A dɔn swɛ to PAPA GƆD we pas ɔl, we mek di wanol wɔl, ɛvin ɛn ath,

Jɛnɛsis 24:7

PAPA GƆD, we na PAPA GƆD na ɛvin, bin pul mi kɔmɔt na mi papa in os ɛn usay ɔl mi fambul dɛn de, ɛn prɔmis mi se, in go gi mi ɛn mi jɛnareshɔn dɛn dis land ya so. Da sem PAPA GƆD de go sɛn in enjɛl bifo yu, so dat yu go gɛt wɛf fɔ mi pikin yanda.

Jɛnɛsis 28:1

So Ayzak sɛn kɔl Jekɔb, i blɛs am, ɛn tɛl am se, “Nɔ mared nɔn pan dɛn Kenan gyal ya.

Jɛnɛsis 47:31

Jekɔb pin se Josɛf fɔ swɛ, so Josɛf insɛf swɛ. We i dɔn, Jekɔb baw in ed na di bed ed ɛn wɔship PAPA GƆD.

Di Jɔj Dɛm 14:3

Nain in mama ɛn papa aks am se if i nɔ si nɔn pan in fambul dɛn gyal pikin dɛn we i lɛk, ɔ ivin pan ɔl di wanol Izrɛl dɛn gyal pikin dɛn we i go mared. If na dɛn ɔnsakɔmsayz filistin dɛn gyal pikin i want. Bɔt Samsin tɛl dɛn se, na im in at tek, so mek dɛn go mared am fɔ am.

Di Sam Dɛm 136:26

Tɛl di PAPA GƆD na ɛvin tɛnki in lɔv de de sote go.

Jɛnɛsis 34:9

I se, Jekɔb fɔ mek in gyal pikin dɛn mared to dɛn bɔypikin dɛn, ɛn dɛnsɛf go mek dɛn yon bɔypikin dɛn mared Jekɔb in yon gyal pikin dɛn.

Jɛnɛsis 38:2

Na de Juda mit wan Kenan man we nem Shua, in gyal pikin ɛn mared am,

1 Samiɛl 30:15

Devid, naw, aks am if i go kɛr am go usay di ɔda wande. I se if dɛn swɛ to PAPA GƆD se dɛn nɔ go kil am ɔ gi am to in masta bak, i go kɛr am go dɔŋ usay dɛn de.

Ɛzra 5:11

Dɛn tɛl wi se, dɛn na di wokman dɛn fɔ di GƆD fɔ ɛvin ɛn ath, ɛn dɛn de bil PAPA GƆD in os we bin de trade. Dɛn se, na wan pawaful Kiŋ na Izrɛl bin bil am da tɛm de.

Jɛrimaya 29:6

Una mared uman dɛm ɛn bɔn bɔy ɛn gyal pikin dɛm; una mared uman dɛm fɔ una bɔypikin dɛm ɛn gi una gyal pikin dɛm mek dɛn mared dɛm, so dat dɛn go bɔn bɔypikin ɛn gyal pikin dɛm; una fɔ bɔn bɔku mek una go bɔku mɔ, bikɔs nɔto ridyus una fɔ ridyus.