Jɛnɛsis 24:1 - Krio Fɔs Oli Baybul

¹ Ebraam bin dɔn ol bad bad wan ɛn PAPA GƆD blɛs am pan ɔl wetin i bin de du.

Jɛnɛsis 24:1 Referans Kwoze

Lɛta Fɔ Galeshya 3:9

Ebraam biliv Gɔd ɛn Gɔd blɛs am, so Gɔd go blɛs ɛnibɔdi we biliv am lɛkɛ aw i blɛs Ebraam.

Matyu 6:33

Una fɔ put una at gud pan dɛn tin we impɔtant na di say we Gɔd de rul ɛn du di rayt tin we Gɔd want una fɔ du fɔs, da tɛm de i go gi una ɔl dɛn tin ya.

Prɔvabs 10:22

Na PAPA GƆD in gres de mek yu jɛntri, i lɛk yu wok traŋa te yu nɔ go jɛntri.

Jɛnɛsis 13:2

Ebram na bin jɛntri man. I bin gɛt ship, got, ɛn kaw dɛn, wit silva ɛn gold.

Jɛnɛsis 18:11

Ebraam ɛn Sera bin dɔn ol, ɛn Sera nɔ bin de si in piriɔd igen

Lɛta Fɔ Ɛfisɔs 1:3

Lɛ wi prez Gɔd we na Masta Jizɔs Krays in Papa, bikɔs i dɔn blɛs wi we gɛt wanwɔd wit Krays wit ɔl dɛn blɛsin we de na ɛvin.

Jɛnɛsis 12:2

A go mek yu jɛnareshɔn bɔku te dɛn bi wanol neshɔn. A go blɛs yu ɛn mek yu femɔs, ɛn yu go bi blɛsin to ɔda pipul dɛn.

Fɔs Lɛta To Timoti 4:8

I gud fɔ tren di bɔdi, bɔt fɔ tren di spirit gud pas ɔl, bikɔs i go ɛp yu na dis layf ɛn na da layf we go de sote go.

Ayzaya 51:2

Luk to Ebran yu we na yu dadi ɛn to Sera we bɔn yu; bikɔs na we na bin in wangren, a bin kɔl am ɛn a blɛs am ɛn mek i plɛnti.

Lyuk 1:7

Dɛn bin dɔn ol ɛn Ilizabɛt na uman we nɔ bin de bɔn, so dɛn nɔ bin gɛt pikin.

1 Kiŋ 1:1

Kiŋ Devid bin dɔn ol naw. We dɛn kin kɔba am wit blankit i kin stil fil kol.

Jɛnɛsis 49:25

Mek yu papa dɛn GƆD ɛp yu. Mek GƆD Ɔlmayti blɛs yu wit blɛsin we kɔmɔt na ɛvin ɛn blɛsin we kɔmɔt ɔnda, ɛvin ɛn mek yu gɛt di blɛsin we go mek yu mɛn plɛnti animal ɛn plɛnti pikin dɛn.

Jɛnɛsis 25:20

I bin ol fɔti ia we i mared Ribɛka, we na Bɛthuɛl in gyal pikin ɛn na Leban in sista. Bɛthuɛl na Aramean we kɔmɔt Padan Aram.

Jɛnɛsis 24:35

I tɔk aw PAPA GƆD dɔn blɛs in masta, ɛn aw i dɔn mek i bi jɛntri man. PAPA GƆD gi am bɔku bɔku ship, kaw, silva, gold, wokman ɛn wokuman dɛn wit kamɛl ɛn dɔŋki.

Jɛnɛsis 21:5

Ebraam bin ol ɔndrɛd ia we Ayzak bɔn.

Jɛnɛsis 26:12

Da ia de, di tin dɛn we Ayzak plant bɔs fayn. Di avɛst we i gɛt bin wan ɔndrɛd tɛm bɔku pas wetin i plant, bikɔs PAPA GƆD blɛs am.