Jɛnɛsis 22:9 - Krio Fɔs Oli Baybul

⁹ We dɛn rich na di ples we PAPA GƆD bin dɔn tɛl Ebraam bɔt, i bil di ɔlta ɛn put di wud de. I tay in pikin ɛn put am fɔ lidɔm pantap di wud na di ɔlta.

Jɛnɛsis 22:9 Referans Kwoze

Jems 2:21

Una mɛmba Ebraam we na wan pan wi grampapa papa dɛn; wetin mek ɔltin bin rayt bitwin in ɛn Gɔd? Na bikɔs i bin tek in pikin Ayzak fɔ go sakrifays am.

Pita In Fɔs Lɛta 2:24

Krays insɛf kɛr wi sin go na di krɔs go day de fɔ dɛn, so dat wi go want du wetin rayt ɔltɛm. Di wund we dɛn bin wund Krays nain dɔn mek una wɛl.

Di Ibru Pipul Dɛn 9:28

Krays insɛf day wan tɛm nɔmɔ fɔ fri pipul, mek sin nɔ go gɛt pawa oba dɛn igen. I go kam bak na wɔl di sɛkɛn tɛm, bɔt da tɛm de i nɔ de kam fɔ pul sin kɔmɔt na pipul layf, i de kam fɔ gi dɛn pipul we de wet fɔ am layf we go de sote go na ɛvin.

Lɛta Fɔ Ɛfisɔs 5:2

Una fɔ gɛt lɛk na una at, jɛs lɛkɛ aw Krays lɛk wi, dɔn i gi in layf lɛkɛ sakrifays we gɛt swit sɛnt we mek Gɔd satisfay.

Lɛta Fɔ Galeshya 3:13

Jizɔs Krays dɔn mek di Lɔ tap fɔ kɔndɛm wi lɛkɛ aw i bin de kɔndɛm wi bifo, bikɔs i gri mek dɛn kɔndɛm am fɔ day na di krɔs fɔseka wi; lɛkɛ aw dɛn rayt na Gɔd in Buk we dɛn se, “Gɔd go kɔndɛm ɛnibɔdi we dɛn ɛŋ pan tik.”

Apɔsul Dɛn Wok 8:32

Di say we i bin de rid nain dis: “I bin tan lɛkɛ ship we dɛn de kɛr go fɔ go kil. I bin tan lɛkɛ ship pikin we nɔ kin kray wɛn dɛn de kɔt in ia. I nɔ bin se fiŋ.

Mak 15:1

Wɛn do klin, di bigman dɛn we de mek sakrifays fɔ pipul sin, di ɔda Ju bigman dɛn, di Ju Lɔ ticha dɛn, ɛn ɔl di ɔda mɛmba dɛn na di Ju gran kot go ɛŋ ed. Dɛn mek dɛn tay Jizɔs ɛn kɛr am go bifo Paylet.

Matyu 27:2

Dɛn mek pipul tay Jizɔs wit chen, dɔn dɛn kɛr am go ɛn an am gi Paylet we na bin di Roman gɔvna.

Di Sam Dɛm 118:27

PAPA GƆD nain waŋren na PAPA GƆD, ɛn i dɔn blɛs in pipul. Lɛ ɔlman ol branch ɛn mach te rich usay di ɔlta de.

Jɛnɛsis 12:7

PAPA GƆD apia to Ebram, dɔn i tɛl am se, “Na dis kɔntri a go gi yu ɛn yu jɛnareshɔn dɛn.” So Ebram bil ɔlta fɔ wɔship PAPA GƆD na da ples de usay i bin apia to am.

Jɛnɛsis 8:20

Noa bil ɔlta fɔ PAPA GƆD. I tek tu-tri pan di ‘klin’ animal ɛn klin bɔd dɛn, ɛn bɔn dɛn wanol wan fɔ sakrifays pantap di ɔlta.

Jɛnɛsis 12:8

Afta dat, Ebram muf go na di sawtɛn pat we na il ɛn bil in tɛnt bitwin Bɛthɛl we de na di wɛst ɛn Ayi we de na di ist. Dɛn i bil ɔlta ɛn wɔship PAPA GƆD de.

Jɛnɛsis 13:18

So Ebram muf wit in tɛnt go tap na wan ples we nem Ɛbrɔn nia Mamrɛ in ok tik dɛn. I bil ɔlta de fɔ wɔship PAPA GƆD.

Jɛnɛsis 22:8

Ebraam ansa se, “Na PAPA GƆD insɛf go gi wi di yɔŋ ship.” So dɛn ɔl tu kɔntinyu fɔ waka go.

Jɛnɛsis 22:10

Togɛda we i de tek di nɛf fɔ kil in pikin,

1 Kiŋ 18:33

I fiks fiks di wud, dɔn i kɔt, kɔt di kaw pis pis, ɛn put am pan di wud. I se lɛ dɛn gɛt fo jɔg wata tɔn am pan di bif ɛn di wud. Dɛn du dat.