Jɛnɛsis 22:8 - Krio Fɔs Oli Baybul

⁸ Ebraam ansa se, “Na PAPA GƆD insɛf go gi wi di yɔŋ ship.” So dɛn ɔl tu kɔntinyu fɔ waka go.

Jɛnɛsis 22:8 Referans Kwoze

Jɔn 1:36

Wɛn Jɔn si Jizɔs de pas, i se, “Una luk di pɔsin we go padin pipul dɛn sin!”

Jɔn 1:29

Di ɔda de Jɔn si Jizɔs de kam, nain i se, “Luk di Pɔsin we Gɔd sɛn fɔ padin mɔtalman sin!

Rɛvɛleshɔn 5:12

Dɛn bigin siŋ lawd wan se, “Di Ship we dɛn bin kil, fit fɔ mek wi sho se i gɛt pawa, i jɛntri, i gɛt sɛns, i gɛt trɛnk, i gɛt ɔna, i wɔndaful, ɛn wi fɔ prez am.”

Jɛnɛsis 18:14

Wetin de we a nɔ ebul du? Lɛkɛ aw a se nɔmɔ, a de kam fɛn yu bak dis sem tɛm nɛks ia, bɔt bifo a kam, Sera go dɔn bɔn bɔypikin.”

Rɛvɛleshɔn 13:8

Ɔl dɛn pipul na di wɔl go pre to di wayl bif, pas nɔmɔ if dɛn nem bin rayt na di Ship we dɛn kil, in buk. Bifo Gɔd mek di wɔl, nain dɛn pipul we gɛt layf sote go dɛn nem bin dɔn rayt na di Ship in buk.

Matyu 19:26

Jizɔs luk dɛn gud ɛn se, “Mɔtalman nɔ ebul du dat, bɔt Gɔd ebul du ɔltin.”

Rɛvɛleshɔn 7:14

A ansa am se, “Mi nɔ no dɛn, sa. Na yu no dɛn, sa.” Na de i se, “Dɛn pipul ya na dɛn wan we bin tinap traŋa wɛn da big trɔbul bin fɔdɔm. Dɛn dɔn tek di Ship in blɔd was dɛn klos, mek dɛn wayt.

Rɛvɛleshɔn 5:6

Dɛn a si wan Ship tinap klos di fɔs ay chia we kiŋ kin sidɔm pan, dɛn fo tin we gɛt layf ɛn dɛn bigman dɛn tinap rawnd am. Di Ship fiba lɛkɛ se dɛn bin dɔn sakrifays am. I bin gɛt sɛvin ɔn dɛn nain ed ɛn sɛvin yay dɛn we na Gɔd in sɛvin Spirit dɛn we i dɔn sɛn ɔlɔbɔt na wɔl.

2 Kronikuls 25:9

Nain Amazaya ansa di man ɔf Gɔd se, “Bɔt we di tri tawzin fo ɔndrɛd kilogram silva we a dɔn gi di Izrɛl ami? Nain di man ɔf Gɔd ansa am se, “PAPA GƆD ebul gi yu pas dat.”

Jɛnɛsis 22:7

Ayzak se, “Papa,” Ebraam ansa am se, “Yɛs,” Ayzak se, “A si se yu gɛt wud ɛn tin fɔ mek faya fɔ di sakrifays, bɔt a nɔ si di ship.”

Jɛnɛsis 22:9

We dɛn rich na di ples we PAPA GƆD bin dɔn tɛl Ebraam bɔt, i bil di ɔlta ɛn put di wud de. I tay in pikin ɛn put am fɔ lidɔm pantap di wud na di ɔlta.

Jɛnɛsis 22:14

Na dat mek Ebraam gi di ples nem ‘PAPA GƆD go provayd’ Na dat mek di Ibru pipul dɛn pul parebul se, ‘PAPA GƆD go provayd nain mawnten ɔltɛm.’

2 Kiŋ 2:6

Ilayja tɛl Ilaɛlsha se lɛ i wet am na Jɛriko bikɔs PAPA GƆD sɛn am na Jɔdan. Ilaɛlsha tɛl am se wans PAPA GƆD de alayv ɛn in di Ilayja insɛf nɔ day yet, in nɔ go lɛf am. So dɛn ɔltu go na Jɔdan.