Jɛnɛsis 22:4 - Krio Fɔs Oli Baybul

⁴ We dɛn dɔn travul fɔ tri de, Ebraam es in ed ɔp, nain i si di ples fawe.

Jɛnɛsis 22:4 Referans Kwoze

1 Kɔrint 15:4

dɛn bɛr am ɛn Gɔd mek i rayz frɔm di grev di de we mek tri, lɛkɛ aw dɛn rayt na Gɔd in Buk;

Lyuk 13:32

Jizɔs se, “Una go tɛl da man de we de mek pipul ful se, ‘A de drɛb dɛbul ɛn mɛn sik pipul fɔ shɔt tɛm fɔs, wɛn da tɛm de dɔn pas, a go dɔn mi wok.’

Matyu 17:23

Di pipul dɛn go kil am, dɔn i go rayz frɔm di grev di de we mek tri.” Di lanin bɔy dɛn sɔri bad bad.

Ozie 6:2

Bay di sɛkɛn de, i go si wi, i go mek wi grap di tɔd de, so i go de si wi.

Ɛsta 5:1

Wɛn i dɔn fast fɔ tri de, Ɛsta wɛr di klos we i kin wɛr fɔ drɛs lɛk kwin. I go tinap na di kɔmpawnd in domɔt ɔpozit di ɔl we di kiŋ kin sidɔm. Di kiŋ in bin sidɔm na di chia we kiŋ kin sidɔm insay in os ɔpozit di domɔt;

2 Kiŋ 20:5

“Go bak go tɛl Ɛzikaya we de lid mi pipul dɛn se, mi PAPA GƆD we nain Papa Devid in PAPA GƆD se, a dɔn yɛri in prea ɛn si di kray we i kray, so a go mek i wɛl. Tri de frɔm tide, lɛ i grap go ɔp na mi os.

1 Samiɛl 26:13

Dɛn Devid go tinap fawe na di ɔda say, pantap di il so dat big big spes bin de midul dɛn.

Jɔshwa 1:11

fɔ tɛl di Izrɛlayt dɛn se, insay tri de, dɛn fɔ krɔs Riva Jɔdan fɔ go kapchɔ di land we PAPA GƆD we na dɛn PAPA GƆD de gi dɛn fɔ dɛnsɛf, so dɛn fɔ pak it we go du fɔ ɔl datɛnde.

Di Nɔmba Dɛm 31:19

I se ɛnibɔdi we dɔn kil pɔsin ɔ tɔch ɛnibɔdi we dɛn kil, fɔ kɔmɔt na di kamp fɔ sɛvin de. Di de we mek tri ɛn di de we mek sɛvin, dɛn fɔ was dɛnsɛf ɛn di wan we dɛn kapchɔ we de wit dɛn, mek dɛn go klin na PAPA GƆD yay.

Di Nɔmba Dɛm 19:19

Na di tɔd de ɛn di de we mek sɛvin, di man we klin fɔ sprinkul di man we nɔ klin ɛn na di de we mek sɛvin i fɔ klin. Di pɔsin we dɛn de mek klin fɔ was in klos ɛn was wit di wata bɔt i nɔ go klin na PAPA GƆD yay te ivintɛm.

Di Nɔmba Dɛm 19:12

I fɔ was wit di wata di de we mek tri ɛn di de we mek sɛvin dɔn i go klin. If i nɔ was wit di wata di de we mek tri ɛn di de we mek sɛvin, dɔn i nɔ go klin.

Di Nɔmba Dɛm 10:33

So dɛn lɛf di mawnten usay PAPA GƆD de ɛn waka fɔ tri de. Di Kɔvinant Bɔks bin de bifo dɛn fɔ di tri de fɔ fɛn ples fɔ dɛn fɔ tap.

Lɛvitikɔs 7:17

bɔt if i stil lɛf fɔ di tɔd de, i fɔ bɔn am na faya.

Ɛksodɔs 19:15

I tɛl dɛn se dɛn ɔl fɔ rɛdi dɛnsɛf bay di tɔd de; ɛn nɔbɔdi nɔ fɔ tɔch uman.

Ɛksodɔs 19:11

rɛdi dɛnsɛf fɔ di tɔd de, bikɔs na da de de a go kam dɔŋ na Mawnt Saynay usay ɔlman go si mi.

Ɛksodɔs 15:22

Mozis mek di Izrɛlayt dɛn kɔmɔt na di Rɛd Si eria go na di di ɛmti ples we pɔsin nɔ go ebul tap na na Shɔ; dɛn tek tri de de waka na di di ɛmti ples we pɔsin nɔ go ebul tap na ɛn dɛn nɔ fɛn wata nɔn say.

Ɛksodɔs 5:3

Mozis ɛn Erɔn ansa di kiŋ se, di Ibru pipul dɛn PAPA GƆD bin apia to dɛn. I se i fɔ go na di ples we pɔsin nɔ go ebul tap fɔ go ɔfa sakrifays to am ɛn na tri de dɛn go tek na rod. I se if dɛn nɔ go in go mek sik kil dɛn ɔ dɛn go day na wa.

Jɛnɛsis 22:3

As do klin so di nɛks de, Ebraam kɔt wud fɔ di sakrifays, ɛn lod am pan in dɔŋki, ɛn i tek Ayzak ɛn tu pan in wokman fɔ go wit am. Wɛn dɛn ɔl dɔn rɛdi, dɛn ol rod fɔ go na di ples we PAPA GƆD bin tɛl am bɔt.

Jɛnɛsis 22:5

I tɛl in wokman dɛn se, “Una wet na ya wit di dɔŋki. Mi ɛn di bɔbɔ de go yanda fɔ go wɔship PAPA GƆD. Wi go kam mit una bak.”