Jɛnɛsis 22:1 - Krio Fɔs Oli Baybul

¹ I nɔ tu te afta dat, PAPA GƆD tɛst Ebraam; i kɔl am, “Ebraam!” Ebraam ansa am se, “Yɛs, luk mi!”

Jɛnɛsis 22:1 Referans Kwoze

Di Ibru Pipul Dɛn 11:17

Na bikɔs Ebraam bin biliv Gɔd, mek, wɛn Gɔd tɛst am, i gri fɔ tek Ayzak, we na bin in wangren pikin, fɔ sakrifays am to Gɔd. Ebraam bin go fɔ sakrifays Ayzak pan ɔl we Gɔd bin dɔn prɔmis Ebraam

Ditarɔnɔmi 8:2

I se dɛn nɔ fɔ fɔgɛt ɔl usay PAPA GƆD we na dɛn PAPA GƆD dɔn waka wit dɛn na di ɛmti ples we pɔsin nɔ go ebul tap, fɔ fɔti ia, jɛs fɔ brok dɛn fɛda dɔŋ lilibit, fɔ fɛnɔt wetin de insay dɛn at, ɛn fɔ no if dɛn go du ɔl wetin i se.

Pita In Fɔs Lɛta 1:7

Dɛn waala ya na fɔ tray una fɔ si if una biliv Gɔd gud wan, lɛkɛ we dɛn kin put gold na faya fɔ tray am fɔ si if i gud, ɛn gold na tin we de pwɛl. Di biliv we una biliv Gɔd bɛtɛ fawe pas gold, so Gɔd go tray una fɔ si if una biliv pan am gud, ɛn una nɔ go tap fɔ biliv pan am. If una biliv Gɔd gud gud, di de we Jizɔs go kam mek ɔlman si am, Gɔd go prez una, i go mek una gɛt rɛspɛkt ɛn i go mek una de wit am sote go.

Jems 2:21

Una mɛmba Ebraam we na wan pan wi grampapa papa dɛn; wetin mek ɔltin bin rayt bitwin in ɛn Gɔd? Na bikɔs i bin tek in pikin Ayzak fɔ go sakrifays am.

1 Kɔrint 10:13

Ɛnitɛm we una fil fɔ du bad, una fɔ mɛmba se ɔda pipul sɛf kin fil fɔ du dɛn sem tin de. Bɔt Gɔd we de du ɛnitin we i prɔmis fɔ du, nɔ go mek una fil fɔ du ɛni bad tin we una nɔ go gɛt pawa fɔ lɛf; bɔt wɛn una fil fɔ du bad, da sem tɛm de Gɔd go mek una ebul tinap traŋa ɛn i go sho una wetin fɔ du mek una nɔ go du di bad tin we una bin want fɔ du.

Prɔvabs 17:3

Lɛkɛ aw dɛn de yuz faya fɔ tɛst gold ɛn silva if dɛn piɔ, na so PAPA GƆD de tɛst pɔsin in at.

Ditarɔnɔmi 8:16

Di GƆD we gi dɛn mana fɔ it, we dɛn fɔstɛm-papa dɛnsɛf nɔ bin no, na di ɛmti ples we pɔsin nɔ go ebul tap, jɛs fɔ no if dɛn go du ɔl wetin i se ɔltɛm, so dat i go du gud tin fɔ dɛn afta dat.

Ɛksodɔs 3:4

We PAPA GƆD si se Mozis dɔn kam nia di tik we dɔn kech faya i kɔl am, “Mozis, Mozis.” Di vɔys bin kɔmɔt usay di tik dɔn kech faya. Mozis ansa se, “Luk mi!”

Jɛnɛsis 22:11

nain PAPA GƆD in enjɛl na ɛvin ala, “Ebraam, Ebraam!” Ebraam ansa se, “Yɛs, luk mi.”

Jɛnɛsis 22:7

Ayzak se, “Papa,” Ebraam ansa am se, “Yɛs,” Ayzak se, “A si se yu gɛt wud ɛn tin fɔ mek faya fɔ di sakrifays, bɔt a nɔ si di ship.”

Ayzaya 6:8

Nain a yɛri PAPA GƆD in vɔys de tɔk se: “Udat a go sɛn, udat go go fɔ wi?” Nain a se, “Luk mi! Sɛn mi.”

2 Kronikuls 32:31

Na dat mek pan de biznɛs fɔ di Amabesadɔ dɛm we di prins dɛm na Babilɔn sɛn to am fɔ aks bɔt di sayn we PAPA GƆD du na di kɔntri PAPA GƆD lɛf am to insɛf fɔ tray am ɛn fɔ no ɔl wetin de nain at.

Ɛksodɔs 16:4

Nain PAPA GƆD tɔk to Mozis, i se, “Luk ya, a de sɛn it kɔmɔt na ɛvin go dɔŋ lɛkɛ ren fɔ una; di pipul dɛn fɔ go na do ɛvride fɔ gɛda wetin dɛn fɔ it fɔ di de. Na dis go mek a no if dɛn go obe mi.

Ditarɔnɔmi 13:3

dɛn nɔ fɔ gri; sɔntɛnde, na PAPA GƆD we na dɛn PAPA GƆD go de tɛst dɛn, dɛn nɔ no. I go wan no if dɛn lɛk am wit ɔl dɛn at ɛn sol.

Di Jɔj Dɛm 2:22

I se na dat i go tek tɛst Izrɛl ɛn si if dɛn go obe am di we we dɛn fɔstɛmpapa dɛn obe am.

2 Samiɛl 24:1

PAPA GƆD vɛks pan di pipul bak so i mek Devid kɔnt ɔmɔs man ebul fɛt na Izrɛl ɛn na Juda.

Di Sam Dɛm 11:5

PAPA GƆD de si ɛn no wetin ɔlman de du, i kin tɛst udat de du gud ɛn i nɔ lɛk udat lɛk fɔ du bad.

Jɛnɛsis 15:1

Afta ɔl wetin bin dɔn apin, PAPA GƆD apia to Ebram na vishɔn. I tɛl am se, “Nɔ fred, Ebram. A go kɔba yu ɛn a go gi yu ɔlkayn gud tin.”

Jɛnɛsis 21:11

Dis tin ya bin mɔna Ebraam bad wan bikɔs Ishmɛl insɛf nain pikin.

Jɛnɛsis 37:13

nain Jekɔb tɛl Josɛf se in wan mek i go na Shɛkɛm usay in brɔda dɛn de mɛn di ship ɛn got dɛn. Josɛf ansa se in rɛdi

Jɛnɛsis 46:2

PAPA GƆD tɔk to am da nɛt de na vishɔn. I kɔl am “Jekɔb, Jekɔb!” Dɛn Jekɔb ansa se, “Yɛs sa.”

1 Samiɛl 3:4

Na da tɛm de PAPA GƆD kɔl Samiɛl. Samiɛl ansa se, “Luk mi, a de na ya.”