Jɛnɛsis 21:6 - Krio Fɔs Oli Baybul

⁶ Sera se, “PAPA GƆD dɔn briŋ laf kam na mi os ɛn ɛnibɔdi we yɛri mɔs laf wit mi.”

Jɛnɛsis 21:6 Referans Kwoze

Ayzaya 54:1

“Siŋ, yu uman we nɔ ebul bɔn, yu we nɔ bɔn; bɔsawt wit siŋ ɛn ala lawd wan, yu we nɔ ɛva fil pen fɔ bɔn wande! Bikɔs di uman we in man dɔn lɛf am go bɔn mɔ pikin pas di uman we mared. Na so PAPA GƆD se.

Di Sam Dɛm 126:2

Wi bin so gladi wi laf ɛn siŋ fɔ jɔy. Pipul na ɔda neshɔn bigin kɔle pan wi. Dɛn tɔk to dɛnsɛf se, “Na big big tin, PAPA GƆD dɔn du fɔ dɛn so.”

Jɛnɛsis 17:17

Ebraam lidɔm flat wit in fes na grɔn, i bɔs laf ɛn aks insɛf se, if man kin bɔn pikin we i ol wan ɔndrɛd ia. Ɛn if Sera go ebul bɔn pikin we i ol naynti.

Lyuk 1:58

In neba dɛn ɛn in fambul dɛn yɛri se Gɔd dɔn sɔri fɔ Ilizabɛt ɛn ɔlman gladi wit am.

Lyuk 1:14

Yu go gladi bad wɛn da pikin de bɔn ɛn plɛnti ɔda pipul go gladi!

Ayzaya 49:21

Datɛnde yu go tɔk na yu at se: “Udat bin bɔn dɛnwanya fɔ mi? A bin gɛt bɛrin ɛn a nɔ bin de bɔn pikin, dɛn sɛn mi go ɛgzayl ɛn drɛb mi, bɔt udat mɛn dɛn wan ya? A de tɛl yu, dɛn lɛf mi wangren; so usay dɛn wan ya kɔmɔt?’”

Di Sam Dɛm 113:9

I de mek da mared uman we in os nɔ swit bikɔs i nɔ bɔn, gɛt pikin dɔn i go gladi. Una lɛ wi prez PAPA GƆD!

Lɛta Fɔ Rom 12:15

Una fɔ gladi wit pipul wɛn dɛn gladi, ɛn una fɔ sɔri wit pipul wɛn dɛn sɔri.

Di Ibru Pipul Dɛn 11:11

Na bikɔs Ebraam bin biliv Gɔd, mek, ilɛk sɛf we in ɛn Sera bin dɔn ol, dɛn ebul bɔn pikin. Ebraam bin biliv se Gɔd na Gɔd we de du wetin i dɔn prɔmis.

1 Samiɛl 1:26

Ana tɛl Ilaɛl se nain na di uman we lɔntɛm bin tinap nia am de pre to PAPA GƆD.

Ayzaya 49:15

“Kombra go fɔgɛt in pikin we de sɔk bɔbi, we i nɔ go sɔri fɔ di bɔypikin we kɔmɔt nain bɛlɛ? Dɛn sɛf kin fɔgɛt, bɔt mi, nɔ go fɔgɛt yu.

Jɛrimaya 20:15

Le swɛ mit di man we bin briŋ di nyuz to mi papa se, “Yu dɔn gɛt bɔypikin,” we mek i gladi bad bad wan.