Jɛnɛsis 21:2 - Krio Fɔs Oli Baybul

² I gɛt bɛlɛ ɛn bɔn bɔypikin fɔ Ebraam we Ebraam bin dɔn ol. Di bɔbɔ bɔn di tɛm we PAPA GƆD bin dɔn tɛl Ebraam se i go bɔn.

Jɛnɛsis 21:2 Referans Kwoze

Di Ibru Pipul Dɛn 11:11

Na bikɔs Ebraam bin biliv Gɔd, mek, ilɛk sɛf we in ɛn Sera bin dɔn ol, dɛn ebul bɔn pikin. Ebraam bin biliv se Gɔd na Gɔd we de du wetin i dɔn prɔmis.

Lɛta Fɔ Galeshya 4:22

Pɔsin kin rid na di Ju Lɔ se Ebraam bin gɛt tu pikin, in wɛf bɔn wan, ɛn di uman we de wok fɔ in wɛf, bɔn di ɔda wan.

Apɔsul Dɛn Wok 7:8

Gɔd tɛl Ebraam se Ebraam fɔ sakɔmsayz in bɔy pikin di de we mek et de afta i bɔn. Di sakɔmsayz we Ebraam go sakɔmsayz am go sho se Gɔd bin dɔn mek agrimɛnt wit Ebraam. So di de we mek et afta Ayzak bɔn, Ebraam sakɔmsayz am; ɛn di de we mek et afta Jekɔb bɔn, Ayzak sakɔmsayz am; ɛn Jekɔb insɛf sakɔmsayz in twɛlv pikin dɛn we na wi grampapa papa dɛn, we bigin di twɛlv trayb na di Ju neshɔn.

Lyuk 1:36

Ɛn mek a tɛl yu sɔntin igen, yu fambul we nem Ilizabɛt, we dɔn ol, we se in nɔ go bɔn, dɔn gɛt siks mɔnt bɛlɛ naw.

Jɛnɛsis 18:14

Wetin de we a nɔ ebul du? Lɛkɛ aw a se nɔmɔ, a de kam fɛn yu bak dis sem tɛm nɛks ia, bɔt bifo a kam, Sera go dɔn bɔn bɔypikin.”

Jɛnɛsis 18:10

Dɛn PAPA GƆD tɛl am se, “A de kam fɛn yu bak dis sem tɛm nɛks ia. Bɔt bifo a kam yu wɛf Sera go dɔn bɔn bɔypikin.” Sera bin tinap biɛn di tɛnt in domɔt, de lisin.

Jɛnɛsis 17:19

Dɛn PAPA GƆD se, “Nɔ-o! Yu wɛf Sera go bɔn bɔypikin fɔ yu ɛn yu fɔ gi am nem Ayzak. A go mek mi Kɔvinant wit am ɛn wit insɛf yon jɛnareshɔn dɛn, we go bi Kɔvinant we gɛt fɔ de sote go.

Jɛnɛsis 17:21

Bɔt mi Kɔvinant go bi wit yu bɔypikin Ayzak, we Sera gɛt fɔ bɔn dis sem tɛm nɛks ia.”

Lɛta Fɔ Rom 9:9

Di wɔd we Gɔd tɔk wɛn i bin de prɔmis Ebraam, nain dis: “Wɛn di rayt tɛm rich, a go kam bak to yu, ɛn yu wɛf, Sera, go bɔn bɔy pikin.”

Jɔshwa 24:3

Jɔshwa tɛl dɛn se PAPA GƆD se, in bin tek Ebram we na dɛn papa kɔmɔt na da ples de, kɛr an go Kenan usay i mek i gɛt plɛnti plɛnti pikin ɛn grampikin. I se PAPA GƆD se in gi am Ayzak.