Jɛnɛsis 20:1 - Krio Fɔs Oli Baybul

¹ Ebraam muf kɔmɔt Mamrɛ ɛn go sawt fɔ go na Nɛgɛv pat ful ɛn tap bitwin Kedɛsh ɛn Shɔ na wan ples we nem Gɛra.

Jɛnɛsis 20:1 Referans Kwoze

Jɛnɛsis 26:6

So Ayzak insɛf nɔ muf kɔmɔt Gɛra.

Jɛnɛsis 26:1

Aŋri bin de na di kɔntri bak afta da wan we bin de Ebraam in tɛm. So, Ayzak muf go tap na Gɛra usay Abimɛlɛk, di Filistin dɛn kiŋ bin de.

Di Sam Dɛm 29:8

PAPA GƆD in vɔys de shek ɛni ɛmti land we pɔsin nɔ go ebul tap; ivin di ɛmti land we pɔsin nɔ go ebul tap na Kedɛsh.

Jɛnɛsis 18:1

PAPA GƆD apia to Ebraam wan aftanun we di san bin tinap. We Ebraam bin sidɔm bifo in tɛnt domɔt nia usay Mamrɛ in ok tik dɛn bin de.

1 Samiɛl 15:7

Dɛn Sɔl atak di Amalɛkayt dɛn prɔpa wan frɔm Avila te Shɔ te di ist pat nia Ijipt.

Ditarɔnɔmi 32:51

bikɔs dɛn nɔ bin du wetin PAPA GƆD bin want dɛn fɔ du we dɛn bin de na Mɛriba, na di ɛmti ples we pɔsin nɔ go ebul tap na Zin; i se dɛn nɔ bin rɛspɛkt am bifo di pipul dɛn se, in oli.

Ditarɔnɔmi 1:19

Mozis kɛri ɔn fɔ tɛl di Izrɛlayt dɛn ɔl wetin bin dɔn bi; I se we dɛn bin kɔmɔt Mawnt Saynay, dɛn bin si se dɛn bin pas insay da bad bad ɛmti ples we pipul nɔ go ebul tap we dɛn bin de go na di Amɔrayt dɛn kɔntri we de na dɛn il, jɛs lɛkɛ aw dɛn PAPA GƆD bin dɔn tɛl dɛn fɔ du; dɛn bin go na Kedɛsh Bania.

Di Nɔmba Dɛm 20:16

bɔt we dɛn kray to PAPA GƆD, i yɛri dɛn ɛn sɛn wan enjɛl we pul dɛn kɔmɔt na Ijipt. I se dɛn fɔ tɛl am se da tɛm de we dɛn de na Kedɛsh so dɛn de nain kɔntri in bɔda,

Di Nɔmba Dɛm 13:26

Dɛn go bak to Mozis ɛn Erɔn ɛn di wanol Izrɛlayt kɔmyuniti we bin de nia Kedɛsh na di ɛmti land we pɔsin nɔ go ebul tap na Paran. Dɛn ripɔt to ɔlman ɛn sho dɛn di frut dɛn we dɛn briŋ kam.

Jɛnɛsis 26:26

Abimɛlɛk kɔmɔt na Gɛra wit Auzath we nain advaysa, ɛn Fikɔl, we na kɔmanda fɔ in sojaman dɛn, fɔ kam si Ayzak.

Jɛnɛsis 26:20

Bɔt di man dɛn we de mɛn dɛn animal dɛn na Gɛra kam se na dɛn yon, ɛn bigin agyu wit Ayzak in yon wokman dɛn. Dat mek Ayzak gi di wɛl nem, Ɛsɛk bikɔs dɛn bin de mek plaba wit am.

Jɛnɛsis 24:62

Da tɛm de Ayzak bin dɔn kɔmɔt na Bia-laay-rɔy ɛn kam tap na Nɛgɛv.

Jɛnɛsis 13:1

So Ebram kɔmɔt na Ijipt, wit ɔl wetin i gɛt. In wɛf ɛn Lɔt bin de wit am. Dɛn go tap na Nɛgɛv.

Jɛnɛsis 10:19

sote dɛn bawndri rich na Saydɔn te go na Gɛra we de nia Gaza, ɛn na Sɔdɔm, Gomɔra, Adma, ɛn Zɛboim we de nia Lasha.

Jɛnɛsis 16:14

Na dat mek di pipul dɛn kɔl di wɛl “Bia-laay-rɔy”. I de bitwin Kedɛsh ɛn Bɛrɛd

Jɛnɛsis 16:7

Ega go te i rich na wan ples we gɛt smɔl wata na di ples we pɔsin nɔ go ebul tap, na di rod fɔ go Shɔ. PAPA GƆD in enjɛl mit am de.

Jɛnɛsis 16:1

Ebram in wɛf Seray nɔ bɔn. Seray bin gɛt wan slev gyal we nem Ega we kɔmɔt Ijipt.

Jɛnɛsis 14:7

dɔn dɛn tɔn bak na Ɛnmishpat, we naw na Kedɛsh. Dɛn siz ɔl di Amalɛkayt dɛn land dɛn, ɛn usay di Amɔrayt dɛn bin de na Azazɔn Tama.

Jɛnɛsis 12:9

Afta dat i bin de muf muf te i rich na di sawtɛn pat na Kenan fɔ go na Nɛgɛv.

Jɛnɛsis 25:18

Ishmɛl in jɛnareshɔn bin skata ɔlɔbɔt frɔm Avila te rich Shɔ, we de nia di Ijipt bɔda, na di rod fɔ go Ashɔ. Ishmɛl in pipul dɛn bin de nia in ɔda brɔda dɛn.

Ɛksodɔs 15:22

Mozis mek di Izrɛlayt dɛn kɔmɔt na di Rɛd Si eria go na di di ɛmti ples we pɔsin nɔ go ebul tap na na Shɔ; dɛn tek tri de de waka na di di ɛmti ples we pɔsin nɔ go ebul tap na ɛn dɛn nɔ fɛn wata nɔn say.

Jɛnɛsis 21:34

Ebraam bin tap na Filistia fɔ lɔŋ.