Jɛnɛsis 2:9 - Krio Fɔs Oli Baybul

⁹ I mek fayn fayn tik dɛn gro de we gɛt gud frut fɔ it. Wan tik bin de midul di fam we nem “Layf tik.” Dɛn igen, wan ɔda tik bin de de we nem “Sɛns tik.”

Jɛnɛsis 2:9 Referans Kwoze

Jɛnɛsis 3:22

PAPA GƆD se, “Naw, mɔtalman dɔn tan lɛkɛ wi, ɛn i dɔn gɛt sɛns fɔ no wetin gud frɔm wetin bad. Wi nɔ fɔ mek i tek da frut we de na di “Layf tik” ɛn it am, ɔ nɔ so i go gɛt layf we go de sote go.”

Rɛvɛleshɔn 22:14

Blɛsin go de pan dɛn pipul we de was dɛn klos na di Ship in blɔd fɔ mek dɛn klin. Dɛn go gɛt di rayt fɔ go insay da tɔŋ de ɛn it di tin dɛn we di tik we de gi layf, de bia.

Rɛvɛleshɔn 2:7

“Ɛnibɔdi we gɛt yes, mek i yɛri dɛn wɔd ya we Gɔd in Spirit dɔn tɛl di Kristiɛn dɛn na dɛn difrɛn ples. “Pɔsin we stil tinap traŋa afta Setan dɔn tray am, a go mek i it pan di tin we di tik we de gi layf de bia, da tik de de gro na di gadin we Gɔd mek.

Rɛvɛleshɔn 22:2

Di riva bin de rɔn midul di trit na di tɔŋ. Di tik we de gi layf bin de gro klos di riva, wan pat na wansay, di ɔda pat na di ɔda say. Na twɛlv tɛm fɔ ia da tik de, de bia; nain lif dɛn de mɛn ɔl dɛn pipul ɔlɔbɔt na wɔl.

Izikɛl 47:12

Ɛn ɔl kayn tik dɛn we de provayd it fɔ it, go gro pan di bank dɛm, pan di tu say pan di riva. Dɛn lif nɔ go wida, ɛn dɛn nɔ go tap fɔ bia frut bɔt dɛn go bia frɛsh frut ɛvri mɔnt, bikɔs di wata we de wata dɛm de flo frɔm di ples we dɛn de pre to PAPA GƆD. Dɛn frut dɛn na fɔ it ɛn dɛn lif dɛn na fɔ mɛn udat sik.

Prɔvabs 11:30

Udat liv raychɔs layf de mek ɔda pipul bɛnifit; ɛn yu gɛt sɛns de mek pipul de rawnd am.

Prɔvabs 3:18

Sɛns tan lɛkɛ tik we de gi lɔŋ layf to dɛn wan we gɛt am; i fayn fɔ udat gɛt sɛns.

Jɛnɛsis 3:3

pas nɔmɔ pan di wan we de midul di fam. PAPA GƆD bin dɔn tɛl wi se, wi nɔ fɔ it da frut de ɛn nɔ fɔ tɔch am sɛf; if wi du so, wi go day.”

Jɛnɛsis 2:17

bɔt yu nɔ fɔ it pan di “Sɛns tik,” bikɔs if yu it pan am, da sem de de, yu go day.”

Izikɛl 31:16

A go mek di neshɔn dɛn trimbul wɛn dɛn yɛri di sawnd we go mek wɛn i fɔdɔm, wɛn a go trowe am kam dɔŋ na Shiɔl wit dɛn wan we de go dɔŋ na di pit; ɛn ɔl di tik dɛn na Idɛn Libanɔn in spɛshal ɛn bɛst wan dɛn, ɔl di wan dɛn we de drink wata, go gɛt kol at na di ɔnda wɔl.

Jɔn 6:48

Mi na di bred we de gi layf.

Izikɛl 31:18

So na us wan yu fiba fɔ glori ɛn impɔtant pan di tik dɛn na Idɛn? Dɛn go briŋ yu kam dɔŋ wit di tik dɛn na Idɛn na di ɔndawɔl; yu go ledɔm de, wit dɛn wan we nɔ sakɔmsayz, wit dɛn wan we sɔd kil. “Dis na Fɛro wit ɔl in krawd dɛn. Na so PAPA GƆD se.”

Ayzaya 47:10

Yu bin fil se yu sef pan yu wikɛdnɛs, Yu bin se, “Nɔbɔdi nɔ de si mi”; Yu sɛns ɛn yu sabi bin dɔn mek yu go astre, ɛn yu bin tɔk na yu at se, “Nɔbɔdi nɔ de we bɛtɛ pas mi.”

Ayzaya 44:25

Mi PAPA GƆD we de mek di lay we dɛn layman dɛn de lay bɔt tumara, nɔ min natin, ɛn we tɔn di mɛrɛsinman dɛn to fulman; we nɔ tek sɛns wɔd mek natin, ɛn mek dɛn sɛns tɔn fulish tin;

1 Kɔrint 8:1

A de kam tɔk naw bɔt dɛn it we pipul dɔn sakrifays to dɛn tin we mɔtalman mek fɔ pre to. Na tru dɛn kin tɔk we dɛn kin se, “Wi ɔl sabi plɛnti tin.” Wetin pɔsin sabi de mek di pɔsin in ed big nɔmɔ, bɔt if wi lɛk wi kɔmpin wi go ɛp dɛn mek dɛn biliv Gɔd mɔ ɛn mɔ.

Ditarɔnɔmi 6:25

Ɛn se if dɛn du ɔl wetin PAPA GƆD we na dɛn se dɛn fɔ de du, I go luk dɛn lɛkɛ siriɔs mɔtalman dɛn ɛn in at go de to dɛn ɔltɛm.

Jɛnɛsis 3:24

Dɔn na di istɛn say na di fam, PAPA GƆD put chɛryubim dɛn ɛn sɔd we gɛt faya ɔlsay pan am. Di sɔd de tɔn rawnd ɛn rawnd fɔ gyad di ‘Layf tik’ so dat nɔbɔdi nɔ go go nia.

Jɛnɛsis 3:5

PAPA GƆD bin se so bikɔs i no se if una it am, una yay go opin ɛn una go tan lɛkɛ am; dɔn una go no wetin gud frɔm wetin bad.”