Jɛnɛsis 2:8 - Krio Fɔs Oli Baybul

⁸ Dɛn PAPA GƆD mek wan fam na Idɛn we de na di ist ɛn put di man we i bin dɔn mek de.

Jɛnɛsis 2:8 Referans Kwoze

Izikɛl 28:13

yu bin de na Idɛn, PAPA GƆD in gadin. Ɔl kayn prɛshɔs ston na dɛm bin kɔba yu, kanɛlyan, Topaz ɛn Jaspa, krisolayt bɛril ɛn oniks Safaya, Kabɔnkul ɛn Ɛmirald; ɛn yu ɛngrevin dɛm bin wok insay gold’ Dɛn bin rɛdi dɛm di de dɛn bin mek yu

Jɛnɛsis 3:24

Dɔn na di istɛn say na di fam, PAPA GƆD put chɛryubim dɛn ɛn sɔd we gɛt faya ɔlsay pan am. Di sɔd de tɔn rawnd ɛn rawnd fɔ gyad di ‘Layf tik’ so dat nɔbɔdi nɔ go go nia.

Jɛnɛsis 13:10

So Lɔt es in ed ɔp ɛn luk rawnd. I si se di flat grɔn na Jɔdan, sote go Zoa bin fayn ɛn gɛt plɛnti wata lɛkɛ da ples we PAPA GƆD mek fɔ Adam ɔ lɛkɛ di land na Ijipt. Dis na bifo PAPA GƆD dɔnawe wit Sɔdɔm ɛn Gomɔra.

Joɛl 2:3

Faya de bifo dɛn ɛn biɛn dɛnsɛf, faya de bɔn. Di land bifo dɛn tan lɛk aw da fam na Idɛn tan, bɔt afta dat di ples tan lɛk ɛmti land we pɔsin nɔ go ebul tap, ɛn natin nɔ de pas dɛn de.

Ayzaya 51:3

Bikɔs PAPA GƆD go koks Zayɔn; I go kɔnfɔt ɔl in ɛmti ples dɛn we dɔn pwɛl, ɛn i go mek in dray ɛn ɛmti ples tan lɛk Idɛn, In ɛmti ples we pɔsin nɔ go ebul tap, go tan lɛk PAPA GƆD in gadin; na jɔy ɛn gladi gladi go de de, wit tanksgivin ɛn pipul dɛn we de siŋ.

2 Kiŋ 19:12

I se if di gɔd dɛn we dɛn ɔda neshɔn dɛn de sav bin ebul fɔ pul di kɔntri dɛn nain fɔstɛm-papa dɛn an dat na di gɔd dɛn na Gozan, Aran, Rɛzɛf ɛn dɛn pipul dɛn we kɔmɔt Idɛn we bin de na Tɛl Asa.

Jɛnɛsis 4:16

So Ken kɔmɔt go tap fa frɔm PAPA GƆD na wan kɔntri we nem “Nɔd” we min “Wirɔn” we de na di ist pat we yu kɔmɔt Idɛn.

Izikɛl 31:16

A go mek di neshɔn dɛn trimbul wɛn dɛn yɛri di sawnd we go mek wɛn i fɔdɔm, wɛn a go trowe am kam dɔŋ na Shiɔl wit dɛn wan we de go dɔŋ na di pit; ɛn ɔl di tik dɛn na Idɛn Libanɔn in spɛshal ɛn bɛst wan dɛn, ɔl di wan dɛn we de drink wata, go gɛt kol at na di ɔnda wɔl.

Izikɛl 31:18

So na us wan yu fiba fɔ glori ɛn impɔtant pan di tik dɛn na Idɛn? Dɛn go briŋ yu kam dɔŋ wit di tik dɛn na Idɛn na di ɔndawɔl; yu go ledɔm de, wit dɛn wan we nɔ sakɔmsayz, wit dɛn wan we sɔd kil. “Dis na Fɛro wit ɔl in krawd dɛn. Na so PAPA GƆD se.”

Izikɛl 27:23

Erab, Kanɛ, Idɛn, Ashu ɛn Kilman bin tredin wit yu

Jɛnɛsis 3:23

So PAPA GƆD bin drɛb am kɔmɔt na di fam na Idɛn ɛn mek i go wok na di grɔn usay i kɔmɔt.