Jɛnɛsis 2:7 - Krio Fɔs Oli Baybul

⁷ PAPA GƆD tek sɔm pan di dɔti na grɔn ɛn mek mɔtalman; i blo insay in nos dɛn mɔtalman gɛt layf.

Jɛnɛsis 2:7 Referans Kwoze

1 Kɔrint 15:45

Dɛn rayt na Gɔd in Buk se, “Wɛn Gɔd mek di fɔs man, Adam, i gi am layf;” bɔt di las Adam na di Spirit we de gi layf.

Job 33:4

Na PAPA GƆD in spirit mek mi, ɛn na di blo blo we di Ɔlmayti blo insay mi, gi mi layf.

Ɛkliziastis 12:7

ɛn dɔti go bak usay i kɔmɔt, dɔn di sol go bak to PAPA GƆD we bin gi yu am.

Ayzaya 64:8

Pan ɔl dat, PAPA GƆD, na yu na wi Papa; wi na di kle, ɛn na yu na di man we de wok wit kle; wi ɔl na yu wok we yu du wit yu an.

Apɔsul Dɛn Wok 17:25

Gɔd nɔ nid ɛnitin we mɔtalman de gi am bikɔs nain de gi ɔlman layf ɛn ɔltin we i want.

1 Kɔrint 15:47

Na dɔti, Gɔd tek mek di fɔs Adam; di sɛkɛn Adam kɔmɔt na ɛvin.

Jɛnɛsis 3:19

Yu go wok traŋa wan ɛn swɛt fɔ mek ɛnitin gro na di grɔn sote yu go bak na di grɔn we yu kɔmɔt. Na dɔti a bin tek mek yu, ɛn na dɔti yu go go bak we yu day.”

Job 27:3

wans mi blo blo de insay mi, ɛn PAPA GƆD in spirit de insay mi;

Jɛnɛsis 7:22

Ɔltin we bin de na di wɔl we gɛt layf day.

Zɛkaraya 12:1

Dis na di wɔd we PAPA GƆD tɔk bɔt Izrɛl: PAPA GƆD we mek ɛvin ɛn ath ɛn gi layf to mɔtalman se,

Di Sam Dɛm 103:14

I no aw i mek wi; i nɔ de fɔgɛt se na dɔti i tek mek wi.

Di Sam Dɛm 100:3

No fɔ tru tru se, PAPA GƆD nain waŋren na PAPA GƆD. Nain mek wi, so nɔto wi gɛt wisɛf; wi nain pipul we tan lɛk ship we i de mɛn.

Lɛta Fɔ Rom 9:20

Bɔt udat una tink se una bi we una kin agyu wit Gɔd? Kɔntri pɔt nɔ go aks di pɔsin we mek am se, “Wetin du yu mek mi so?”

Ayzaya 2:22

Pul at pan mɔtalman we nain nos i de blo, aftawɔd, wetin na mɔtalman?

Jɛnɛsis 3:23

So PAPA GƆD bin drɛb am kɔmɔt na di fam na Idɛn ɛn mek i go wok na di grɔn usay i kɔmɔt.

Di Ibru Pipul Dɛn 12:9

Wɛn wi papa dɛn na dis wɔl pɔnish wi fɔ di bad we wi du, wi kin rɛspɛkt dɛn. So i go bɛtɛ fawe if wi put wisɛf ɔnda wi Papa we de na ɛvin, so dat wi go gɛt tru layf.

Di Nɔmba Dɛm 16:22

Bɔt Mozis ɛn Erɔn fɔdɔm bifo PAPA GƆD ɛn beg am. Dɛn se “E PAPA GƆD, di PAPA GƆD we mek mɔtalman, yu go vɛks ɛn pɔnish ɔlman we na waŋren man sin?

Prɔvabs 20:27

Na wi kɔnshɛns PAPA GƆD de yuz as tɔchlayt fɔ wach wi pan wetin wi de pan.

Job 33:6

Mi ɛn yu na mɔtalman bifo PAPA GƆD; na di sem kle i tek mek wi.

2 Kɔrint 5:1

Wi no se if dis os, we wi tap insay na dis wɔl, we na wi bɔdi, dɔn pwɛl, Gɔd go gɛt os fɔ wi na ɛvin we insɛf mek, ɛn da os de go de sote go.

2 Kɔrint 4:7

Dis wɔndaful layt ɛn pawa we di Spirit de gi, ɛn we mɔni nɔ ebul bay, de insay wi we jɛs tan lɛkɛ kɔntri pɔt. Dat sho se di pawa fɔ kɔntrol ɔltin de na Gɔd in an, i nɔ de na wi an.

Jɔn 20:22

Dɔn i blo pan dɛn ɛn se, “Una mek Gɔd in Spirit kam insay una.

Job 4:19

bifo a se ɔdinari mɔtalman we na dɔti i tek mek am, we na dɔti i pul am, we PAPA GƆD kin kil lɛkɛ flay.

Di Nɔmba Dɛm 27:16

“Duya mek PAPA GƆD we sabi aw ɔlman tan pik sɔmbɔdi fɔ bi bɔs fɔ dɛn pipul ya,

Ɛkliziastis 3:7

tɛm de fɔ chɛr, ɛn tɛm de fɔ so; tɛm de fɔ sɛt mɔt, ɛn tɛm de fɔ tɔk;

Fɔs Lɛta To Timoti 2:13

Bikɔs na Adam fɔs Gɔd mek, bifo i mek Iv;

Jɛnɛsis 2:6

bɔt wata bin de kɔmɔt ɔnda di grɔn ɛn mek ɔl di grɔn sok.

Lamɛnteshɔn 4:20

Di pɔsin we tan to wi lɛk di briz we wi de blo, di wan we PAPA GƆD dɔn pik, sɛf, dɛn kapchɔ am lɛk animal, di wan we wi bin de tɔk se, “Na ɔnda in bana wi go ebul de lɛk ɔda neshɔn dɛn”

Izikɛl 37:5

Na dis Papa Gɔd we na Gɔd se to dɛn bon ya; una lisin, a go mek blo blo kam insay una, ɛn una go gɛt layf.

Jɛnɛsis 1:27

So PAPA GƆD mek mɔtalman: i mek am lɛkɛ insɛf. I mek man ɛn uman.

Izikɛl 37:6

Ɛn a go put mɔsul dɛn pan una, ɛn a go mek flɛsh kam pan una, ɛn kɔba una wit skin, ɛn put blo blo insay una; ɛn una go gɛt layf; ɛn una go no se na mi na PAPA GƆD.