Jɛnɛsis 2:5 - Krio Fɔs Oli Baybul

⁵ plant dɛn nɔ bin de na grɔn, ɛn sid sɛf nɔ bin bigin bɔs yet. Natin nɔ bin de gro na di grɔn bikɔs PAPA GƆD nɔ bin mek ren bigin kam yet, ɛn nɔbɔdi nɔ bin de yet fɔ dig di grɔn;

Jɛnɛsis 2:5 Referans Kwoze

Jɛnɛsis 3:23

So PAPA GƆD bin drɛb am kɔmɔt na di fam na Idɛn ɛn mek i go wok na di grɔn usay i kɔmɔt.

Di Ibru Pipul Dɛn 6:7

Wɛn plɛnti ren dɔn fɔdɔm pan grɔn, dat kin mek tin gro fɔ dɛn pipul we de mek fam, dat min se Gɔd dɔn blɛs di grɔn.

Job 5:10

nain de mek ren fɔdɔm na wɔl ɛn de wata dɛn bush;

Jɛnɛsis 4:12

Di grɔn nɔ go gro ɛnitin bɛtɛ fɔ yu ivin if yu wok traŋa wan; dɔn yu go de wirɔn ɔlɔbɔt na di wɔl.”

Jɛnɛsis 4:2

I nɔ tu te i bɔn ɔda bɔypikin we nem Ebɛl. Ebɛl na bin man we de mɛn ship, bɔt Ken in na bin fama.

Jɛrimaya 14:22

Ɛni pan dɛn neshɔn dɛn lay lay gɔd dɛn we de mek ren kam, de wit una? Ɔ di klawd insɛf ebul mek ren kam? Nɔto yu na di wan we de mek ɔl dat bi, PAPA GƆD we na wi Gɔd? Na yu wi abop pan, bikɔs na yu de du ɔl dɛn tin ya.

Di Sam Dɛm 135:7

I de mek klawd gɛda frɔm fa; ren de kam ɛn laytin de flash dɔn briz kin jɛs bɔsawt frɔm usay i bin kip am.

Di Sam Dɛm 104:14

I de mek di gras gro fɔ dɛn animal, ɛn plant dɛn de fɔ mɔtalman as di plant dɛn de mek mɔtalman gɛt it fɔ it;

Matyu 5:45

so dat una go bi una Papa, we de na ɛvin, in pikin dɛn. Una Papa de mek di san shayn pan dɛn bad pipul ɛn pan dɛn gud wan. I de mek ren kam pan dɛn pipul we gud ɛn dɛn wan we bad.

Jɛnɛsis 2:6

bɔt wata bin de kɔmɔt ɔnda di grɔn ɛn mek ɔl di grɔn sok.

Jɛrimaya 10:12

Naim mek di wɔl wit in pawa, in we yuz in sɛns mek di wɔl, ɛn tek in sabi prɛd di klawd.

Jɛrimaya 10:13

Wɛn i pas kɔmand, di wata dɛn we de ɔp di klawd kin slap slap dɛnsɛf; ɛn i kin mek smok grap kɔmɔt na di las las pat dɛn na di wɔl. I mek laytin fɔseka ren, ɛn i briŋ briz kɔmɔt nain sto.