Jɛnɛsis 2:2 - Krio Fɔs Oli Baybul

² Bay di tɛm we di de we mek sɛvin rich, PAPA GƆD bin dɔn dɔn ɔl wetin i bin de du, so i blo da de de.

Jɛnɛsis 2:2 Referans Kwoze

Di Ibru Pipul Dɛn 4:4

Dɛn rayt wan ɔda say na Gɔd in Buk bɔt di de we mek sɛvin de, se, “Di de we mek sɛvin de, Gɔd blo, bikɔs i bin dɔn du ɔl in wok dɔn.”

Ɛksodɔs 31:17

Na dis de yaso go sho se sɔntin de bitwin mi ɛn di Izrɛlayt dɛn; na siks de a tek fɔ mek ɛvin ɛn ath, di de we mek sɛvin a tap fɔ wok ɛn blo.”

Ditarɔnɔmi 5:14

bɔt di de we mek sɛvin, na di de dat we dɛn fɔ mɛmba PAPA GƆD we na dɛn PAPA GƆD. Izrɛl nɔ fɔ du nɔn wok da de de. Dɛm o, dɛn bɔypikin dɛn o, gyal pikin dɛn o, wokman ɛn wok uman dɛn o, kaw ɛn dɔŋki o, trenja dɛnsɛf nɔ fɔ wok da de de atɔl, so dɛn wokman dɛn go blo jɛs lɛk dɛnsɛf.

Ɛksodɔs 23:12

Na siks de nɔmɔ una fɔ wok fɔ, dɔn di de we mek sɛvin una fɔ blo. Una fɔ mek dɛn slev we de wok fɔ una, dɛn fɔrina ɛn dɛn animal dɛnsɛf blo.

Jɔn 5:17

Jizɔs se, “Mi Papa de wok ɔltɛm, ɛn misɛf fɔ wok.”

Ayzaya 58:13

If yu rɛspɛkt di de fɔ blo ɛn rɛst de ɛn nɔ du wetin yu lɛk fɔ du na mi oli de, ɛn kɔl di de fɔ blo ɛn rɛst we, de we yu gladi fɔ, ɛn kɔl di de fɔ blo ɛn rɛst, tɛn we una gladi fɔ ɛn PAPA GƆD in oli de, de we fɔ ɔna; if yu ɔna am, ɛn nɔ du wetin yu want fɔ du, ɔl fala yu yon ɛnjɔymɛnt, ɔ de tɔk aydul tɔk;

Jɛnɛsis 1:31

PAPA GƆD luk ɔl wetin i bin dɔn mek, ɛn i si se ɔltin gud ɛn fayn. Ivin tɛm kam ɛn do klin - dat na bin di de we mek siks.

Di Ibru Pipul Dɛn 4:10

If ɛnibɔdi go na di ples we Gɔd de ɛn sidɔm blo, di pɔsin go lɛf ɔl in wok, lɛkɛ aw Gɔd insɛf lɛf in wok ɛn blo.

Jɛnɛsis 2:3

I blɛs da sem de de ɛn mek am oli, bikɔs bifo da de de bin kam, i bin dɔn dɔn ɔl wetin i gɛt fɔ du, ɛn na da de de i blo.

Ɛksodɔs 31:15

Una gɛt siks de insay di wik fɔ wok, bɔt di de we mek sɛvin, na de we a pik fɔ pre ɛn blo; so ɛnibɔdi we du ɛni wok da de de fɔ day.