Jɛnɛsis 2:11 - Krio Fɔs Oli Baybul

¹¹ Di fɔs riva nem Pishɔn; in bin pas insay di kɔntri Avila usay gold de.

Jɛnɛsis 2:11 Referans Kwoze

Jɛnɛsis 25:18

Ishmɛl in jɛnareshɔn bin skata ɔlɔbɔt frɔm Avila te rich Shɔ, we de nia di Ijipt bɔda, na di rod fɔ go Ashɔ. Ishmɛl in pipul dɛn bin de nia in ɔda brɔda dɛn.

1 Samiɛl 15:7

Dɛn Sɔl atak di Amalɛkayt dɛn prɔpa wan frɔm Avila te Shɔ te di ist pat nia Ijipt.

Jɛnɛsis 10:29

Ofir, Avila, ɛn Jobab. Ɔl dɛn wan ya na bin Joktan in jɛnareshɔn dɛn.

Jɛnɛsis 10:7

Kush in bɔypikin dɛn na Sɛba, Avila, Sabta, Raama, ɛn Sabtɛka. Raama in bɔypikin dɛn na Shiba ɛn Didan.

Jɛnɛsis 2:12

Piɔ gold bin de de, wit fayn pafyum ɛn miniral ston dɛm.

Jɛnɛsis 2:13

Di sɛkɛn riva nem Giɔn; insɛf pas insay di kɔntri Kush.

Ozie 11:12

PAPA GƆD se Ifrem dɔn de lay pan am gbay ɛn Izrɛl in jɛs de mek am ful; bɔt Juda in de du wetin PAPA GƆD we Oli want ɛn so PAPA GƆD stil de wit dɛn.

1 Kronikuls 1:23

Ofir, Avila ɛn Jobab; ɔl dɛn wan ya na bin Joktan in bɔypikin dɛm.

Job 28:1

“Fɔ tru, ples de fɔ dig fɔ fɛn silva, ɛn ples de we dɛn kin klin gold.