Jɛnɛsis 2:1 - Krio Fɔs Oli Baybul

¹ Na so PAPA GƆD tek mek di wanol wɔl, ɛvin ɛn ath ɛn ɔl wetin de insay de.

Jɛnɛsis 2:1 Referans Kwoze

Di Sam Dɛm 33:6

Na tɔk nɔmɔ i tɔk fɔ mek di wɔl wit ɔl di sta ɛn mun ɛn san.

Ɛksodɔs 31:17

Na dis de yaso go sho se sɔntin de bitwin mi ɛn di Izrɛlayt dɛn; na siks de a tek fɔ mek ɛvin ɛn ath, di de we mek sɛvin a tap fɔ wok ɛn blo.”

Ɛksodɔs 20:11

Na siks de PAPA GƆD tek fɔ mek ɛvin ɛn ath, di si ɛn ɔl wetin de insay de, bɔt i blo di de we mek sɛvin. So PAPA GƆD insɛf blɛs da de de, ɛn mek am oli.

Jɛnɛsis 1:1

Wɛn PAPA GƆD bigin mek di wanol wɔl

Ayzaya 45:18

Bikɔs na dis PAPA GƆD se, we mek di skay (nain na Gɔd!), We mol dis wɔl ɛn mek am (i mek i tinap, i nɔ mek i bi ples we nɔ gɛt ɔda, i mek am fɔ pipul fɔ tap!). “Na Mi na PAPA GƆD, ɛn nɔn ɔda wan nɔ de.

Ayzaya 42:5

Na dis PAPA GƆD se, PAPA GƆD, we mek di skay ɛn opin am wayd wan, we mek di wɔl ɛn ɔl wetin de de; we gi layf to di pipul dɛn we tap de ɛn spirit to di wan dɛn we de waka de:

2 Kiŋ 19:15

Dɔn i pre to PAPA GƆD se, “E PAPA GƆD, Izrɛl in PAPA GƆD, yu de ay wan midul dɛn Chɛryubim. Na yu wangren na PAPA GƆD pantap ɔl dɛn kindɔm na wɔl, na yu mek ɛvin ɛn ath.

Ayzaya 45:12

Na mi mek dis wɔl, ɛn mek mɔtalman de de; na mi an mek di skay ɛn opin am wayd, ɛn a kɔntrol ɔl wetin de de.

Di Sam Dɛm 146:6

in na di PAPA GƆD we mek ɛvin ɛn ath, di si, ɛn ɔl wetin de insay dɛn; in na PAPA GƆD we yu kin abop pan.

Zɛkaraya 12:1

Dis na di wɔd we PAPA GƆD tɔk bɔt Izrɛl: PAPA GƆD we mek ɛvin ɛn ath ɛn gi layf to mɔtalman se,

Di Sam Dɛm 33:9

Bikɔs wetin i tɔk de bi; na kɔmand, nɔmɔ i gi ɔltin we de na wɔl, ɛn dɛn kam wantɛm.

Nɛimaya 9:6

PAPA GƆD, na yu waŋren na GƆD. Yu mek di ɛvin, ivin insay insay di ɛvin ɛn ɔl di sta dɛn, di wɔl ɛn ɔl wetin de insay am, di si dɛn ɛn ɔl wetin de insay dɛn. Na yu gi layf to ɔltin ɛn di bɔku bɔku tin dɛn na ɛvin de wɔship yu.

2 Kronikuls 2:12

Uram tɛl am igen se,” Mek PAPA GƆD we na Izrɛl dɛn Gɔd we mek ɛvin ɛn dis wɔl, gɛt blɛsin, in we dɔn gi Kiŋ Devid in bɔypikin we gɛt sɛns, we ebul mekɔp in maynd, we go bil PAPA GƆD in os ɛn bil kiŋ os fɔ insɛf.

Di Ibru Pipul Dɛn 4:3

Bɔt wi we biliv go go na di ples we Gɔd de ɛn wi go sidɔm blo. I de plen wan na Gɔd in Buk se, “A bin vɛks so a prɔmis se, dɛn nɔ go go na di ples we a de ɛn dɛn nɔ go sidɔm blo.” Gɔd tɔk dat pan ɔl we i bin dɔn du ɔl di wok frɔm di tɛm we i mek di wɔl.

Apɔsul Dɛn Wok 4:24

Wɛn di Kristiɛn dɛn yɛri wetin Pita ɛn Jɔn tɔk, dɛn ɔl pre to Gɔd se, “Yu we na Masta, na yu mek ɔl dis wɔl ɛn ɔltin we lib de.

Jɛrimaya 10:16

Di wan we Jekob gɛt nɔ tan lɛkɛ dɛn wan ya, bikɔs nain mek ɔltin, ɛn Izrɛl na di pipul dɛn we i pik fɔ insɛf; na PAPA GƆD Ɔlmayti nain nem.

Jɛrimaya 10:12

Naim mek di wɔl wit in pawa, in we yuz in sɛns mek di wɔl, ɛn tek in sabi prɛd di klawd.

Ayzaya 65:17

A mek nyu skay ɛn nyu wɔl; ɛn nɔbɔdi nɔ go mɛmba di fɔstɛm tin dɛm ɔ ivin kam na dɛn maynd.

Ayzaya 48:13

Na mi le di fawndeshɔn fɔ di wɔl, ɛn mi raytan prɛd di skay; wɛn a kɔl dɛm, dɛn de kɔmɔt tinap togɛda.

Ditarɔnɔmi 4:19

A advays dɛn igen se lɛ dɛn tek tɛm lɛ dɛn nɔ kɔle pan di san mun ɛn sta dɛn ɛn ɔl di ɔda tin dɛn we de ɔp na di skay te dɛn at kɔmɔt pan PAPA GƆD ɛn bigin wɔship dɛn. I se PAPA GƆD we na dɛn PAPA GƆD put dɛn ɔlsay na di wɔl fɔ ɔda pipul dɛn fɔ wɔship bɔt nɔto fɔ Izrɛl.

Jɛnɛsis 2:4

Na so PAPA GƆD tek mek di wanol wɔl; ɛvin ɛn ath ɛn ɔl wetin de insay de. We PAPA GƆD dɔn mek ɛvin ɛn ath dɔn,

Jɛnɛsis 1:10

PAPA GƆD gi di dray ples nem “Grɔn,” ɛn di wata we bin gɛda na wan ples i gi am nem, “Si.” PAPA GƆD bin si se i gud.

Ditarɔnɔmi 17:3

ɛn i dɔn go butu de wɔship ɛn wok fɔ ɔda gɔd dɛn, ɔ de wɔship di san ɔ di mun ɔ di sta dɛn na di skay, we PAPA GƆD bin dɔn se dɛn nɔ fɔ du,

Jɛrimaya 8:2

ɛn dɛn go prɛd dɛm bifo di san ɛn di mun, ɛn ɔl wetin de ɔp di klawd, we dɛn bin lɛk ɛn bin de sav, di tin dɛn we dɛn bin de rɔn afta, tin dɛn we dɛn bin de fɛn ɛn wɔship; dɛn nɔ go gɛda dɛm bɛr dɛm; dɛn go tan lɛk kaw tɔylɛt na grɔn.

Ayzaya 55:9

Bikɔs, lɛk aw di skay ay pas di grɔn, na so di we we a de du tin, ay pas una yon ɛn di we we a de tink, ay pas di we we una de tink.

Job 12:9

Us wan pan dɛn nɔ no se, na PAPA GƆD du ɔl dat?

Apɔsul Dɛn Wok 7:42

Dɛn, Gɔd tɔn in bak pan di Izrɛl pipul dɛn; i lɛf dɛn mek dɛn de pre to dɛn tin we de na ɛvin, lɛkɛ sta ɛn mun so, lɛkɛ aw dɛn rayt na da buk we dɛn prɔfɛt rayt, se ‘Una, dɛn Izrɛl pipul ya, di fɔti ia we una bin de na di dɛzat nɔto fɔ mi una kil dɛn bif ɛn sakrifays dɛn.

Lyuk 2:13

Wantɛm, aw di enjɛl tɔk dɔn so, nain dɛn si plɛnti plɛnti enjɛl de prez Gɔd, dɛn de siŋ se,

Ayzaya 34:4

Ɔltin we de ɔp go rɔtin ɛn di skay go fol lɛk skrol. Ɔltin we de ɔp go fɔdɔm, lɛk we lif de fɔdɔm kɔmɔt pan greps tik, lɛk we lif de fɔdɔm kɔmɔt pan fig tik.

Di Sam Dɛm 104:2

Yu kɔba yusɛf wit layt lɛkɛ se na klos yu wɛr; yu mek di klawd kɔba ɔlman lɛk we man tinap ɔnda ruf