Jɛnɛsis 19:5 - Krio Fɔs Oli Baybul

⁵ Dɛn ala aks Lɔt se, “We di trenja dɛn we kam slip to yu dis nɛt? Pul dɛn na do mek wi lidɔm wit dɛn.

Jɛnɛsis 19:5 Referans Kwoze

Di Jɔj Dɛm 19:22

As dɛn bin de insay di olpa in os de drink wayn de ɛnjɔy dɛnsɛf, man dɛn we na lidɔm biznɛs nɔmɔ de na dɛn ed we de na di siti, dɔn sɔrawnd di os de bit bit di do. Dɛn tɛl di olpa se, mek i put di man we i kɛr go nain os, bikɔs dɛn wan lidɔm wit am.

Jud In Lɛta 1:7

Na di sem tin bin bi na Sɔdɔm ɛn Gomɔra ɛn dɛn ɔda tɔŋ we bin de klos dɛn: di pipul dɛn bin de du ɔl kayn dɔti tin wit dɛn bɔdi, man bin de lɛf in wɛf go kip in kɔmpin man, uman bin de lɛf in man go kip in kɔmpin uman. Fɔ mek ɔlman si ɛn bikyaful, Gɔd put dɛn pipul ya na faya we nɔ de ɔt fɔ pɔnish dɛn.

Ayzaya 3:9

Di pashal we dɛn pashal go pul dɛn sikrit na do, dɛn de anawns dɛn sin lɛk Sɔdɔm, dɛn nɔ de ayd am sɛf. Swɛ go fɔdɔm pan dɛm! Bikɔs dɛn dɔn bay denja pak am pan dɛnsɛf.

Lɛvitikɔs 18:22

Man nɔ fɔ ledɔm wit in kɔmpin man lɛkɛ se na uman, dɛn dɔn du bad bad tin.

Fɔs Lɛta To Timoti 1:10

dɛn wan we liv fri layf, dɛn man we de kip dɛn kɔmpin man, dɛn wan we de kech pipul fɔ tɔn dɛn to slev, dɛn wan we de lay, dɛn wan we de lay bɔt dɛn de swɛ se na tru dɛn de tɔk, ɛn ɛnibɔdi we de du ɛnitin we difrɛn frɔm di tru tin we wi dɔn lan una.

1 Kɔrint 6:9

A shɔ se una no se nɔ bad pɔsin nɔ go go na di say we Gɔd de rul. Una nɔ mek unasɛf ful; dɛn pipul we liv bad layf, dɛn wan we de pre to dɛn tin we mɔtalman mek fɔ pre to, dɛn wan we de lɛf dɛn wɛf ɔ man go kip ɔda man ɔ uman, dɛn man we de kip dɛn kɔmpin man ɛn dɛn uman we de kip dɛn kɔmpin uman,

Izikɛl 16:51

Sameria nɔ kɔmit af di sin dɛn we yu kɔmit; yu dɔn du mɔ bad bad tin dɛn we a nɔ lɛk, pas dɛm, ɛn yu dɔn mek yu sista luk lɛk udat de waka tret wit mi fɔseka ɔl di bad bad tin dɛn we yu du we a nɔ lɛk.

Sɛkɛn Lɛta To Timoti 3:13

Wikɛd pipul ɛn dɛn wan we de mek pipul ful go de wɔs mɔ ɛn mɔ, dɛn go de mek plɛnti mɔ pipul ful ɛn dɛn go de mek dɛnsɛf ful.

Izikɛl 16:49

Na dis yu sista Sɔdɔm gilti bɔt; in ɛn in gyal pikin dɛn bin prawd, dɛn bin gɛt tumɔs fɔ it ɛn bin gɛt alafia, bɔt dɛn nɔ bin ɛp di po wan dɛn ɛn di wan dɛm we kin want sɔntin bad bad wan na layf.

Jɛrimaya 6:15

Dɛn bin de shem we dɛn bin de du dɛn bad bad tin dɛn we a nɔ lɛk? Nɔ, dɛn nɔ bin de shem; dɛn nɔ bin no aw fɔ shem. Fɔseka dat, dɛn go day wit dɛn wan dɛn we go day; na di tɛm we a go pɔnish dɛm dɛn yon go dɔn,” na so PAPA GƆD se.

Jɛrimaya 3:3

Fɔseka dat, wan ren nɔ de kam, ren nɔ de kam ren sizin; pan ɔl dat yu stil yu gɛt rare gyal fɔrɛd, yu nɔ gri shem.

Ayzaya 1:9

If PAPA GƆD Ɔlmayti, nɔ bin lɛf tu-tri pan wi we nɔ day, wi bin fɔ dɔn tan lɛk Sɔdɔm, ɛn bi lɛk Gɔmɔra.

Lɛvitikɔs 20:13

If man ledɔm wit in kɔmpin man lɛkɛ se na uman, dɛn ɔltu dɔn du bad bad tin; dɛn fɔ kil dɛn bikɔs dɛn blɔd go de na dɛn yon ed..

Pita In Sɛkɛn Lɛta 2:2

Plɛnti pipul go fala dɛn fɔ liv fri layf, ɛn wetin dɛn de du go mek pipul tɔk bad bɔt di tru rod we fɔ fala.

Pita In Sɛkɛn Lɛta 2:7

Gɔd nɔ bin mek di faya bɔn Lɔt bikɔs Lɔt bin de du wetin rayt na Gɔd yay ɛn i nɔ bin lɛk di bad tin dɛn we pipul bin de du ɔlɔbɔt.

Jɛnɛsis 19:6

Lɔt kɔmɔt go na do ɛn lɔk di do.

Ditarɔnɔmi 23:17

Mozis tɛl di Izrɛlayt dɛn se, nɔn pan dɛn, man o uman o, we de na Izrɛl, nɔ fɔ sɛl dɛn bɔdi fɔ mɔni na nɔn pegan gɔd os.

1 Kiŋ 14:24

Wetin wɔs na dat dɛn bin ivin de mek rare gyal ɛn ple bɔy dɛn de na di ples we dɛn de wɔship. Dɛn du ɔl dɛn bad bad tin we dɛn pipul we PAPA GƆD bin drɛb na di land bin de du.

1 Kiŋ 22:46

I drɛb ɔl di ple bɔy dɛn we in papa Asa bin lɛf we bin de mek sakrifays to lay lay gɔd.

Izikɛl 16:50

Dɛn bin de mek lɛk dɛn bɛtɛ pas ɔlman, ɛn bin de du di bad bad tin dɛn we a nɔ lɛk na mi yay.