Jɛnɛsis 19:3 - Krio Fɔs Oli Baybul

³ Bɔt Lɔt fos dɛn, ɛn dɛn go wit am insay in os. Lɔt mek gud it fɔ dɛn ɛn sav dɛn bred we nɔ gɛt yist, dɔn dɛn it.

Jɛnɛsis 19:3 Referans Kwoze

1 Samiɛl 28:24

Di uman bin gɛt wan lili kaw we fat pas ɔl, we i mek dɛn kil wantɛm fɔ Kiŋ Sɔl. I tek sɔm flawa, mol am ɛn bek bred we nɔ gɛt yist.

Di Jɔj Dɛm 6:19

So Gidiɔn go insay dɛn os go kuk wan yɔŋ got ɛn mek bred we nɔ gɛt yist wit tɛn kilogram flawa. I put di bif na baskit ɛn put di sup na pɔt kɛr am go ɔnda di kɔtintri go gi am.

Di Ibru Pipul Dɛn 13:2

Una nɔ fɔgɛt se, una fɔ mek dɛn trenja we kam to una tap na una os. Sɔm pipul bin de mek trenja dɛn tap na dɛn os, bɔt dɛn nɔ bin no se sɔm pan dɛn trenja ya na enjɛl.

1 Kɔrint 5:8

So lɛ wi ɔl gladi fɔ dis Pasova ya. Wɛn wi de gladi, wi nɔ fɔ it bred we gɛt bad yist, da yist de na sin ɛn bad layf, wi fɔ it bred we nɔ gɛt yist, da bred de na klin ɛn tret layf.

Ɛksodɔs 12:39

Di Izrɛlayt dɛn bek bred we nɔ gɛt yist frɔm di flawa we dɛn bin dɔn miks na Ijipt. Dɛn nɔ bin put yist pan di flawa bikɔs na drɛb di Ijipshian dɛn bin drɛb dɛn ɛn tɛm nɔ bin de fɔ bek bred we gɛt yist.

2 Kɔrint 5:14

Na di lɛk we Krays lɛk wi de rul wi, bikɔs naw wi si se wan man dɔn day fɔ ɔlman, so dat min se ɔlman dɔn day wit am.

Jɔn 12:2

Sɔm pan Jizɔs in padi dɛn na Bɛtani bin kuk fɔ am. Mata bin de ɛp fɔ sheb di it, ɛn Lazarɔs na bin wan pan di pipul dɛn we bin sidɔm na tebul wit Jizɔs.

Lyuk 14:23

Di masta se, ‘Go na dɛn big rod ɛn dɛn bush rod na dɛn vilej say ɛn beg di pipul dɛn de fɔ kam, so dat di ples go ful.

Lyuk 11:8

A shɔ se if i nɔ grap ɛn gi di pɔsin di bred bikɔs dɛn ɔl tu na padi, i go grap ɛn gi am ɔmɔs i want bikɔs i de beg beg am.”

Lyuk 5:29

Livay mek dɛn kuk big it nain os fɔ Jizɔs. Plɛnti pipul we bin de gɛda taks ɛn sɔm ɔda pipul dɛn bin de na di os ɛn dɛn ɔl bin sidɔm de it.

2 Kiŋ 4:8

Wande Ilaɛlsha go na Shunɛm. Wan jɛntri uman bin de de we kin de mɔna am ɔltɛm fɔ de it to am bifo i go in we. Ɛnitɛm we i de pas da say de, i kin de bɛn de fɔ it.

Ɛksodɔs 12:15

“Fɔ sɛvin de, di bred we una fɔ it na bred we dɛn bek we nɔ gɛt yist. Frɔm di fɔs de una fɔ dɔn pul ɔl di yist kɔmɔt na una os. Ɛnibɔdi we it bred we dɛn bek wit yist ɛnitɛm insay da sɛvin de de, dɛn fɔ drɛb am kɔmɔt na di Izrɛlayt kɔmyuniti.

Jɛnɛsis 21:8

We di tɛm rich fɔ Sera fɔ win Ayzak, Ebraam mek big big pati.

Jɛnɛsis 19:2

ɛn se, “Du sa, una nɔ pas mi os go. Mek a briŋ wata fɔ una fɔ was una fut. Duya una slip to mi dis nɛt, dɛn una kin grap ali mɔnin ɛn go usay una de go.” Bɔt di man dɛn ansa se, “Nɔ-o, wi go go slip na trit midul siti.”

Jɛnɛsis 24:31

Dɛn i se, “Wetin mek yu tinap na ya? Kam lɛ wi go na os. Yu na man we PAPA GƆD dɔn blɛs. A dɔn rɛdi wan rum fɔ yu, ɛn ples de fɔ yu kamɛl dɛn fɔ slip.”

Jɛnɛsis 26:30

So Ayzak mek pati fɔ dɛn ɛn dɛn it ɛn drink nɔf.