Jɛnɛsis 19:2 - Krio Fɔs Oli Baybul

² ɛn se, “Du sa, una nɔ pas mi os go. Mek a briŋ wata fɔ una fɔ was una fut. Duya una slip to mi dis nɛt, dɛn una kin grap ali mɔnin ɛn go usay una de go.” Bɔt di man dɛn ansa se, “Nɔ-o, wi go go slip na trit midul siti.”

Jɛnɛsis 19:2 Referans Kwoze

Jɛnɛsis 18:4

Lɛ dɛn briŋ wata fɔs mek una was una fut; dɔn una kin blo ɔnda dis tik.

Di Ibru Pipul Dɛn 13:2

Una nɔ fɔgɛt se, una fɔ mek dɛn trenja we kam to una tap na una os. Sɔm pipul bin de mek trenja dɛn tap na dɛn os, bɔt dɛn nɔ bin no se sɔm pan dɛn trenja ya na enjɛl.

Apɔsul Dɛn Wok 16:15

Dɛn baptayz Lidia ɛn ɔl di pipul dɛn we bin de nain os. I kɔl wi go nain os ɛn tɛl wi se, “Ɛnti una si se a dɔn biliv pan di Masta gud, una kam tap to mi.”

Lyuk 7:44

Jizɔs luk to di uman in pat wɛn i stil de tɔk to Saymɔn. I se, “Yu si wetin dis uman de du fɔ mi, nɔto so? A kam na yu os, yu nɔ gi mi wata sɛf fɔ was mi fut, bɔt dis uman ya dɔn kray pan mi fut te dɛn dɔn sok ɛn nain ia i tek wep dɛn.

Jɔn 13:5

Dɛn i put wata na pan, ɛn bigin fɔ was in lanin bɔy dɛn fut, wan bay wan, dɔn i wep dɛn wit di tawɛl we bin tay rawnd in wes.

Jɛnɛsis 19:1

We di tu enjɛl dɛn rich na Sɔdɔm da ivin tɛm de, dɛn mit Lɔt sidɔm na di siti in get. As i si dɛn de kam so, i grap go mit dɛn. I butu in fes na grɔn bifo dɛn,

Jɛnɛsis 19:3

Bɔt Lɔt fos dɛn, ɛn dɛn go wit am insay in os. Lɔt mek gud it fɔ dɛn ɛn sav dɛn bred we nɔ gɛt yist, dɔn dɛn it.

Jɛnɛsis 24:31

Dɛn i se, “Wetin mek yu tinap na ya? Kam lɛ wi go na os. Yu na man we PAPA GƆD dɔn blɛs. A dɔn rɛdi wan rum fɔ yu, ɛn ples de fɔ yu kamɛl dɛn fɔ slip.”

Jɛnɛsis 43:24

Di wokman kɛr di brɔda dɛn go insay di os. I gi dɛn wata fɔ was dɛn fut, ɛn gi dɛn dɔŋki dɛn it.

Sɔlɔmɔn In Siŋ Dɛm 5:3

A bin dɔn pul klos; Aw a go wɛr am bak? A dɔn was mi fut, aw a go dɔti am bak?

2 Samiɛl 11:8

Dɔn i tɛl Yuraya fɔ go nain os ɛn rilaks smɔl. As Yuraya de go, di kiŋ sɛn prɛzɛnt biɛn am.

Job 31:32

(Di trenja dɛn nɔ slip na trit wande; mi os opin ɔltɛm to pipul dɛn we de travul;)

Prɔvabs 25:17

Lɛ yu fut nɔ de de na yu kɔmpin in domɔt ɛvride, ɔ nɔ so i go gens wit yu ɛn et yu biznɛs.