Jɛnɛsis 19:16 - Krio Fɔs Oli Baybul

¹⁶ Lɔt bigin drɛg fut. Bɔt PAPA GƆD sɔri fɔ am, so di tu man dɛn kapu Lɔt, in wɛf ɛn in tu gyal pikin dɛn bonikali ɛn drɛg dɛn kɔmɔt na di siti.

Jɛnɛsis 19:16 Referans Kwoze

Pita In Sɛkɛn Lɛta 2:9

Ɔl dis sho se di Masta de pul gud pɔsin pan waala ɛn i de pɔnish dɛn bad pɔsin te di de we i go jɔj dɛn, rich,

Taytɔs 3:5

i sev wi; ɛn nɔto fɔseka ɛni gud tin we wi bin dɔn du mek i du so, bɔt na bikɔs i sɔri fɔ wi, na dat mek i mek in Spirit klin wi layf ɛn gi wi nyu spirit ɛn nyu layf.

2 Kɔrint 1:3

Lɛ wi tɛl Gɔd we na wi Masta Jizɔs in Papa, tɛnki; nain de sɔri fɔ wi we nain pikin dɛn ɛn nain de kɔrej wi ɔltɛm.

Jɔn 6:44

Nɔbɔdi nɔ go kam to mi pas mi Papa we sɛn mi briŋ di pɔsin kam to mi; ɛn a go mek di pɔsin rayz frɔm in grev ɛn gi am tru layf, di de we Gɔd go jɔj ɔlman.

Lyuk 18:13

“Bɔt di man we de gɛda taks tinap fawe, i nɔ es in yay ɔp sɛf. I jɛs de nak in chɛst fɔ sho se in at ebi ɛn se, ‘Gɔd, sɔri fɔ mi, mi na pɔsin we de pan sin!’

Lamɛnteshɔn 3:22

na PAPA GƆD in lɛknɛs fɔ mɔtalman we nɔ de dɔn, in sɔri-at nɔ de dɔn atɔl;

Ayzaya 63:9

Insay ɔl dɛn siknɛs, insɛf bin sik, ɛn di enjɛl we kin de ɔlsay we i de, bin sev dɛm; na wit lɔv ɛn di sɔri we i de sɔri fɔ dɛn mek i ridim dɛm; I es dɛn ɛn tot ɔl dɛn lɔntɛm dez dɛm.

Di Sam Dɛm 136:1

Tɛl PAPA GƆD tɛnki bikɔs na gud PAPA GƆD, in lɔv de de sote go;

Di Sam Dɛm 119:60

A nɔ de westɛm fɔ du wetin yu lɔ se.

Di Sam Dɛm 118:1

Tɛl PAPA GƆD tɛnk, bikɔs na gud PAPA GƆD, ɛn in lɔv de de sote go.

Di Sam Dɛm 111:4

I dɔn so du am dat pipul nɔ go ɛva fɔgɛt di wɔndaful tin dɛn we i de du. PAPA GƆD gɛt sɔri-at bad.

Di Sam Dɛm 107:1

Lɛ wi tɛl PAPA GƆD tɛnk bikɔs in na gud PAPA GƆD; in lɔv de de sote go.

Di Sam Dɛm 106:8

Pan ɔl dat, PAPA GƆD sev dɛn bikɔs i nɔ wan pwɛl in gud nem, i wan mek ɔlman no se i gɛt pawa fɔ du ɔlkayn tin.

Di Sam Dɛm 106:1

Una mek wi prez PAPA GƆD! Tɛl PAPA GƆD tɛnki bikɔs na gud PAPA GƆD; in lɔv fɔ mɔtalman nɔ de ɛva chenj.

Di Sam Dɛm 103:13

Lɛkɛ aw papa kin sɔri fɔ in pikin, na so PAPA GƆD de sɔri fɔ pɔsin we gɛt fred ɛn rɛspɛkt fɔ am;

Di Sam Dɛm 86:15

Bɔt yu PAPA GƆD, na PAPA GƆD we nays ɛn gɛt sɔri-at, yu nɔ gɛt wamat ɛn di beberebe lɔv we yu gɛt fɔ wi nɔ de chenj, dɔn bak, yu nɔ de kɔmɔt biɛn wi.

Di Sam Dɛm 86:5

Yu na gud PAPA GƆD ɛn yu de fɔgiv yu de sho yu lɔv we nɔ de chenj to ɔl udat lɛk fɔ pre to yu.

Di Sam Dɛm 34:12

Udat lɛk in layf ɛn want fɔ ɛnjɔy am?

1 Kronikuls 16:34

Tɛl PAPA GƆD tɛnki, bikɔs i gud; bikɔs in lɔv we nɔ de shek go de sote go.

Ditarɔnɔmi 4:31

ɛn we i bi se PAPA GƆD we na dɛn PAPA GƆD na PAPA GƆD we gɛt sɔri at, i go mɔs mɛmba di Kɔvinant we i bin dɔn mek wit dɛn fɔstɛm-papa dɛn ɛn go mɔs sɔri fɔ dɛn.

Di Nɔmba Dɛm 14:18

yu PAPA GƆD nɔ de vɛks kwik, yu gɛt beberebe lɔv ɛn yu rɛdi fɔ fɔgiv sin ɛn ɔda kayn rebɛl wok. Yu se yu PAPA GƆD nɔ de lɛf di pɔsin we du bad fɔ go skɔchfri, yu de pɔnish pikin dɛnsɛf fɔ dɛn papa dɛn sin te rich di gret gret grampikin dɛn.

Ɛksodɔs 34:6

PAPA GƆD pas bifo Mozis ɛn bigin tɔk se, “Mi, GƆD, di PAPA GƆD we gud ɛn de sho masi, we nɔ gɛt shɔtat, we in lɔv nɔ de fel, ɛn PAPA GƆD we pɔsin kin put in op ɛn trɔs pan.

Lɛta Fɔ Rom 9:18

So, if Gɔd want sɔri fɔ ɛnibɔdi, i go sɔri fɔ am; ɛn if i want mek pɔsin in at traŋa, i go mek in at traŋa.

Jɔshwa 6:22

Nain Jɔshwa tɛl di tu man we bin go wach di land se lɛ dɛn go tek da rare gial ɛn ɔl in pipul dɛn we de na os to an, jɛs lɛkɛ aw dɛn bin dɔn prɔmis se dɛn go du.

Pita In Sɛkɛn Lɛta 2:7

Gɔd nɔ bin mek di faya bɔn Lɔt bikɔs Lɔt bin de du wetin rayt na Gɔd yay ɛn i nɔ bin lɛk di bad tin dɛn we pipul bin de du ɔlɔbɔt.

Jɛnɛsis 19:15

We do klin di enjɛl dɛn tɛl Lɔt bak fɔ mekes. Dɛn tɛl am se, mek i mekes tek in wɛf ɛn tu gyal pikin dɛn we de wit am ɛn kɔmɔt de kwik kwik wan ɔ nɔ so dɛnsɛf go miks pan di pwɛl we di siti gɛt fɔ pwɛl.

Ɛksodɔs 34:7

A de sho lɔv to tawzin pan tawzin pipul dɛn ɛn de fɔgiv udat du bad, udat brok lɔ ɛn udat kɔmit sin; bɔt a nɔ de fɔgɛt fɔ pɔnish dɛn wan we de du bad. A de mek pikin, grampikin, gret grampikin ɛn gret, gret grampikin dɛn sɔfa fɔ dɛn mami ɛn dadi dɛn sin.”

Ditarɔnɔmi 5:15

Izrɛl nɔ fɔ fɔgɛt we dɛn bin bi slev na Ijipt, we PAPA GƆD we na dɛn PAPA GƆD bin yuz in pawa ɛn trɛnk fɔ sev dɛn, ɛn na dat mek in PAPA GƆD we na dɛn PAPA GƆD, de tɛl dɛn paopa se nain nɔmɔ dɛn fɔ de mɛmba di de we mek sɛvin ɛvri wik.

Ditarɔnɔmi 6:21

I se dɛn fɔ ansa dɛn se dɛn na bin Ijipt dɛn kiŋ in slev dɛn, bɔt PAPA GƆD bin yuz in pawa fɔ pul dɛn kɔmɔt de.

Ditarɔnɔmi 7:8

Bɔt PAPA GƆD lɛk dɛn ɛn de kip in prɔmis we i bin dɔn prɔmis dɛn fɔstɛm-papa dɛn se i go pul dɛn kɔmɔt slevri na Ijipt dɛn kiŋ in an, ɛn dɛn go bi in yon pipul dɛn sote go.

Di Sam Dɛm 32:10

Udat nɔ bisin bɔt PAPA GƆD gɛt bɔku waala, bɔt PAPA GƆD nɔ go ɛva kɔmɔt biɛn udat trɔs am.

Di Sam Dɛm 33:18

Bɔt PAPA GƆD yay de pan ɔl udat abop pan am; ɛn i de wach dɛn wan we abop pan in lɔ we nɔ de chenj;

Di Sam Dɛm 33:19

ɛn yu nɔ go day fɔ natin ivin if aŋri sɛf de.

Jɛnɛsis 43:10

I se dɛn de westɛm, lɛk dɛn dɔn go ɛn kam tu tɛm sɛf.