Jɛnɛsis 18:8 - Krio Fɔs Oli Baybul

⁸ I tek sɔm yogɔt, milk, ɛn di bif we bin dɔn kuk ɛn go sav di man dɛn ɔnda di tik. I tinap de we dɛn de it.

Jɛnɛsis 18:8 Referans Kwoze

Jɛnɛsis 19:3

Bɔt Lɔt fos dɛn, ɛn dɛn go wit am insay in os. Lɔt mek gud it fɔ dɛn ɛn sav dɛn bred we nɔ gɛt yist, dɔn dɛn it.

Rɛvɛleshɔn 3:20

Una lisin, a tinap nia di do, a de nak pan am; if ɛnibɔdi we yɛri mi vɔys opin di do, a go kam insay in os, mi ɛn in go sidɔm ɛn it togɛda.

Lɛta Fɔ Galeshya 5:13

Mi kɔmpin Kristiɛn dɛn, Krays dɔn kɔl una fɔ mek una fri. Una tek tɛm mek una nɔ bigin du wetin una at tɛl una fɔ du, bikɔs una dɔn fri naw. Bifo dat, una fɔ de ɛp una kɔmpin bikɔs una lɛk dɛn.

Apɔsul Dɛn Wok 10:41

I nɔ sho insɛf to ɔlman! Na to wi nɔmɔ, we Gɔd dɔn pik fɔ si am, i sho insɛf. Afta Jizɔs rayz frɔm di grev, wi bin it ɛn drink wit am.

Jɔn 12:2

Sɔm pan Jizɔs in padi dɛn na Bɛtani bin kuk fɔ am. Mata bin de ɛp fɔ sheb di it, ɛn Lazarɔs na bin wan pan di pipul dɛn we bin sidɔm na tebul wit Jizɔs.

Lyuk 24:43

I tek di fish ɛn it am bifo dɛn ɔl yay.

Lyuk 24:30

Wɛn dɛn sidɔm fɔ it, Jizɔs tek di bred ɛn pre pan am, i kɔt kɔt am, dɔn i sheb am gi dɛn.

Lyuk 17:8

I go tɛl di lebra se, ‘Go kuk fɔ mi, wɛr di klos we yu fɔ wɛr fɔ sav, put di it na tebul ɛn wet sote a dɔn it dɔn bifo yusɛf go it.’

Lyuk 12:37

If di bɔy dɛn nɔ slip yet wɛn dɛn masta kam bak, dɛn go gɛt blɛsin. A de tɛl una fɔ tru se, di masta go drɛs ɛn i go kɔl in bɔy dɛn mek dɛn kam sidɔm, dɔn i go gi dɛn it.

Nɛimaya 12:44

Da sem tɛm de, dɛn pik man dɛn we go de inchaj ɔf di sto dɛn we dɛn kip di kɔntribyushɔn dɛn, dɛn fɔs tin dɛn we dɛn avɛst ɛn dɛn tayth dɛn. Dɛn bin sɔpoz fɔ de briŋ di pat we dɛn man we de mek sakrifays fɔ pipul sin ɛn dɛn Livayt dɛn fɔ gɛt. Na so di lɔ se. Juda in fambul dɛn bin gladi wit dɛn man we de mek sakrifays fɔ pipul sin ɛn dɛn Livayt dɛn.

Di Jɔj Dɛm 13:15

Nain Manoa tɛl PAPA GƆD in enjɛl se duya, lɛ i wet lilibit lɛ dɛn kuk wan yɔŋ got fɔ am we i go it.

Di Jɔj Dɛm 5:25

I aks fɔ wata bɔt na milk i gi am, I gi am di milk na dɛn bol we bigman dɛn kin it.

Ditarɔnɔmi 32:14

Dɛn kaw ɛn got dɛn bin de gi dɛn plɛnti milk; wit fat fat ship pikin dɛn, man ship dɛn, ɛn bɔku bɔku got ɛn kaw, wit di sid plant we fayn pas ɔl ɔda wan dɛn, ɛn nɔn wayn nɔ fayn pas dɛn yon.

Jɛnɛsis 18:7

Dɔn in rɔn go tek wan smɔl fayn kaw pikin ɛn gi in wokman fɔ mekes kuk.

Jɛnɛsis 18:9

Nain dɛn aks am se, “We yu wɛf Sera?” I ansa dɛn se, “I de insay di tɛnt.”

Ayzaya 7:15

I go it chiz en ɔni wɛn i go dɔn no aw nɔ fɔ du bad ɛn pik gud.

Ayzaya 7:22

ɛn fɔseka di bɔku milk we dɛn go gi am, i go it chiz, bikɔs ɔlman we lɛf na di land go it chiz ɛn ɔni.