Jɛnɛsis 18:6 - Krio Fɔs Oli Baybul

⁶ Ebraam mekes go insay in tɛnt ɛn tɛl Sera se, “Mekes, tek wan smɔl bag flawa ɛn bek sɔm bred kwik.”

Jɛnɛsis 18:6 Referans Kwoze

Matyu 13:33

Jizɔs pul ɔda parebul fɔ dɛn, i se, “Gɔd in rul tan lɛkɛ we uman tek smɔl yist ɛn miks am wit wan kitul flawa sote di do fɔ mek bred rayz.”

Pita In Fɔs Lɛta 4:9

Una fɔ gladi wɛn una kɔmpin Kristiɛn dɛn kam fɛn una, una nɔ fɔ de grɔmbul wɛn dɛn kam.

Di Ibru Pipul Dɛn 13:2

Una nɔ fɔgɛt se, una fɔ mek dɛn trenja we kam to una tap na una os. Sɔm pipul bin de mek trenja dɛn tap na dɛn os, bɔt dɛn nɔ bin no se sɔm pan dɛn trenja ya na enjɛl.

Lɛta Fɔ Galeshya 5:13

Mi kɔmpin Kristiɛn dɛn, Krays dɔn kɔl una fɔ mek una fri. Una tek tɛm mek una nɔ bigin du wetin una at tɛl una fɔ du, bikɔs una dɔn fri naw. Bifo dat, una fɔ de ɛp una kɔmpin bikɔs una lɛk dɛn.

Lɛta Fɔ Rom 12:13

Una fɔ tek pan una yon tin dɛn gi una kɔmpin Kristiɛn dɛn tin we dɛn nɔ gɛt we dɛn fɔ gɛt, ɛn una fɔ du gud to dɛn Kristiɛn trenja dɛn we kam na una os.

Apɔsul Dɛn Wok 16:15

Dɛn baptayz Lidia ɛn ɔl di pipul dɛn we bin de nain os. I kɔl wi go nain os ɛn tɛl wi se, “Ɛnti una si se a dɔn biliv pan di Masta gud, una kam tap to mi.”

Ayzaya 32:8

Bɔt di man we nobul kin plan gud tin dɛn ɛn na fɔ wetin rayt i kin tinap.

Jɛnɛsis 18:5

Lɛ a go briŋ smɔl tin kam fɔ una fɔ it, so una go gɛt trɛnk fɔ una patrol. Una dɔn gi mi rɛspɛkt we una kam na mi os, so mek a sav una.” Dɛn ansa se, “Ɔrayt wi gri, tɛnki.”

Jɛnɛsis 18:7

Dɔn in rɔn go tek wan smɔl fayn kaw pikin ɛn gi in wokman fɔ mekes kuk.

Jɛnɛsis 19:3

Bɔt Lɔt fos dɛn, ɛn dɛn go wit am insay in os. Lɔt mek gud it fɔ dɛn ɛn sav dɛn bred we nɔ gɛt yist, dɔn dɛn it.

Di Jɔj Dɛm 6:19

So Gidiɔn go insay dɛn os go kuk wan yɔŋ got ɛn mek bred we nɔ gɛt yist wit tɛn kilogram flawa. I put di bif na baskit ɛn put di sup na pɔt kɛr am go ɔnda di kɔtintri go gi am.

1 Samiɛl 28:24

Di uman bin gɛt wan lili kaw we fat pas ɔl, we i mek dɛn kil wantɛm fɔ Kiŋ Sɔl. I tek sɔm flawa, mol am ɛn bek bred we nɔ gɛt yist.

2 Samiɛl 13:6

Amɔn insɛf du wetin Jonadab se ɛn go lidɔm de fɔm sik. Wɛn di kiŋ kam luk am, i tɛl am ɔl wetin Jonadab se i fɔ tɛl am dat na fɔ mek Tama mek it fɔ am fɔ it frɔnt in fes ɛn fid am we i dɔn.

Di Sam Dɛm 119:60

A nɔ de westɛm fɔ du wetin yu lɔ se.