Jɛnɛsis 18:5 - Krio Fɔs Oli Baybul

⁵ Lɛ a go briŋ smɔl tin kam fɔ una fɔ it, so una go gɛt trɛnk fɔ una patrol. Una dɔn gi mi rɛspɛkt we una kam na mi os, so mek a sav una.” Dɛn ansa se, “Ɔrayt wi gri, tɛnki.”

Jɛnɛsis 18:5 Referans Kwoze

Di Jɔj Dɛm 13:15

Nain Manoa tɛl PAPA GƆD in enjɛl se duya, lɛ i wet lilibit lɛ dɛn kuk wan yɔŋ got fɔ am we i go it.

Di Sam Dɛm 104:15

na frɔm di plant dɛn, dɛn de mek wayn we de mek man at swit, dɛn de mek ɔyl fɔ gris in fes, ɛn ɔda tin dɛn fɔ it fɔ mek dɛn nɔ day.

Di Jɔj Dɛm 19:5

Di de we mek fo, di Livayt rɛdi ali mɔnin fɔ go om. Bɔt di gyal in papa se lɛ i it smɔl bred bifo i go.

Di Jɔj Dɛm 6:18

Nain Gidiɔn tɛl am se duya mek i nɔ go yet te in go tek in ɔfrin kam fɔ kam gi am. Nain PAPA GƆD se in go wet am te i kam bak.

Jɛnɛsis 33:10

Jekɔb beg am se nɔ, if in at dɔn kol ɛn if i gladi fɔ am bak, lɛ i tek di prɛzɛnt dɛn. I se we in dɔn si Isɔ in fes bak i tan lɛkɛ na PAPA GƆD in fes i dɔn si; nɔ lɛkɛ we i dɔn lus bɔdi to am.

Jɛnɛsis 19:8

I se, “A gɛt tu gyal pikin dɛn we na vajin. Mek a gi una lɛ una du wetin una want du wit dɛn. Bɔt duya, una nɔ ambɔg dɛn po man dɛn ya, dɛn na mi trenja.”

Ayzaya 3:1

PAPA GƆD, we na PAPA GƆD Ɔlmayti, de pul kɔmɔt Jerusɛlɛm ɛn Juda, dɛn sɔplay ɛn dɛn sɔpɔt, di it we dɛn fɔ it, ɛn di wata we dɛn fɔ drink,

Matyu 6:11

Gi wi wetin wi fɔ it tide.

Jɛnɛsis 18:6

Ebraam mekes go insay in tɛnt ɛn tɛl Sera se, “Mekes, tek wan smɔl bag flawa ɛn bek sɔm bred kwik.”

Di Jɔj Dɛm 6:19

So Gidiɔn go insay dɛn os go kuk wan yɔŋ got ɛn mek bred we nɔ gɛt yist wit tɛn kilogram flawa. I put di bif na baskit ɛn put di sup na pɔt kɛr am go ɔnda di kɔtintri go gi am.

Di Jɔj Dɛm 13:16

Nain PAPA GƆD in enjɛl tɛl Manoa se, i lɛk sɛf dɛn nɔ mek in go datɛnde, in nɔ go it dɛn it. I se if dɛn wan mek it fɔ am, mek dɛn mek sakrifays we dɛn de bɔn na faya. (Manoa nɔ bin no se na PAPA GƆD in enjɛl)

1 Kiŋ 17:11

As di uman de go briŋ di wata, i kɔl am bak ɛn beg am fɔ briŋ bred fɔ am fɔ it.