Jɛnɛsis 18:1 - Krio Fɔs Oli Baybul

¹ PAPA GƆD apia to Ebraam wan aftanun we di san bin tinap. We Ebraam bin sidɔm bifo in tɛnt domɔt nia usay Mamrɛ in ok tik dɛn bin de.

Jɛnɛsis 18:1 Referans Kwoze

Jɛnɛsis 14:13

Bɔt wan man bin rɔnawe ɛn go tɛl Ebram, da Ibru man, ɔl wetin apin. Da tɛm de Ebram bin tap nia Mamrɛ da Amɔrayt man in ok tik dɛn. Mamrɛ ɛn in tu brɔda dɛn, Ɛshkɔl ɛn Ana, na bin Ebram in tayt padi dɛn.

Jɛnɛsis 13:18

So Ebram muf wit in tɛnt go tap na wan ples we nem Ɛbrɔn nia Mamrɛ in ok tik dɛn. I bil ɔlta de fɔ wɔship PAPA GƆD.

Jɛnɛsis 48:3

Jekɔb tɛl Josɛf se PAPA GƆD Ɔlmayti bin apia to am na Luz insay Kenan ɛn i blɛs am.

Jɛnɛsis 26:2

We i de de, PAPA GƆD apia to am ɛn tɛl am se, “Nɔ go na Ijipt, de usay a tɛl yu fɔ de.

Apɔsul Dɛn Wok 7:2

Stivin ansa se, “Mi papa dɛn ɛn mi brɔda dɛn, a want mek una lisin mi! Gɔd we gɛt pawa pas ɔl bin sho insɛf to Ebraam wɛn Ebraam bin tap na Mɛsopotemia. Dat bin bi bifo Ebraam go tap na Aran.

2 Kronikuls 1:7

Da nɛt de, PAPA GƆD apia to Sɔlɔmɔn, ɛn tɛl am se,” Tɛl mi wetin yu want mek a gi yu.”

Jɛnɛsis 17:22

We PAPA GƆD dɔn tɔk to Ebraam dɔn, i lɛf am.

Jɛnɛsis 15:1

Afta ɔl wetin bin dɔn apin, PAPA GƆD apia to Ebram na vishɔn. I tɛl am se, “Nɔ fred, Ebram. A go kɔba yu ɛn a go gi yu ɔlkayn gud tin.”

Jɛnɛsis 12:7

PAPA GƆD apia to Ebram, dɔn i tɛl am se, “Na dis kɔntri a go gi yu ɛn yu jɛnareshɔn dɛn.” So Ebram bil ɔlta fɔ wɔship PAPA GƆD na da ples de usay i bin apia to am.

Ɛksodɔs 4:1

Mozis aks PAPA GƆD se, if di pipul dɛn nɔ biliv am ɛn nɔ gri lisin to wetin in de tɛl dɛn, ɛn dɛn se, na lay i de lay PAPA GƆD nɔ apia to am, wetin in fɔ se.

Di Ibru Pipul Dɛn 11:9

Na bikɔs Ebraam bin biliv Gɔd mek i bin go na di ples we Gɔd prɔmis fɔ gi am, i bin tap na bafa lɛkɛ trenja. Na bafa Ebraam, Ayzak ɛn Jekɔb bin tap, bikɔs na to dɛn Gɔd bin mek di prɔmis.

Di Ibru Pipul Dɛn 13:2

Una nɔ fɔgɛt se, una fɔ mek dɛn trenja we kam to una tap na una os. Sɔm pipul bin de mek trenja dɛn tap na dɛn os, bɔt dɛn nɔ bin no se sɔm pan dɛn trenja ya na enjɛl.

Jɛnɛsis 18:22

Di tu man dɛn lɛf fɔ go dɔŋ na Sɔdɔm, bɔt PAPA GƆD in bin lɛf wit Ebraam.

Jɛnɛsis 20:1

Ebraam muf kɔmɔt Mamrɛ ɛn go sawt fɔ go na Nɛgɛv pat ful ɛn tap bitwin Kedɛsh ɛn Shɔ na wan ples we nem Gɛra.

Jɛnɛsis 35:27

Jekɔb faynali rich to in papa Ayzak na Mamrɛ, nia Kiriath Aba, dat na Ɛbrɔn usay Ebraam ɛn Ayzak bin dɔn tap.

Jɔshwa 5:13

Wande we Jɔshwa ɛn in pipul dɛn bin stil kamp nia Jɛriko, Jɔshwa jɔs si wan man we ol sɔd tinap bifo an, so Jɔshwa go mit am ɛn aks am se if i de fɔ dɛn ɔ i nɔ de fɔ dɛn.