Jɛnɛsis 17:1 - Krio Fɔs Oli Baybul

¹ We Ebram bin ol naynti-nayn ia, PAPA GƆD apia to am ɛn tɛl am se, “Mi na PAPA GƆD Ɔlmayti. Obe mi ɛn du wetin rayt ɔltɛm.

Jɛnɛsis 17:1 Referans Kwoze

Lɛta Fɔ Filipay 4:13

A ebul du ɔltin bikɔs Krays de mek a ebul.

Lɛta Fɔ Ɛfisɔs 3:20

Jizɔs Krays we gɛt pawa oba wi, ebul du tin we pas wetin wi kin aks fɔ ɛn tink bɔt.

Jɛnɛsis 6:9

Noa bin de du wetin rayt bifo PAPA GƆD. Nain wangren nɔ bin gɛt fɔlt pan ɔl in kɔmpin dɛn. Ɛn in ɛn PAPA GƆD na bin padi.

Lyuk 1:6

Zakaraya ɛn Ilizabɛt bin de waka tret wit Gɔd. Dɛn bin de kip ɔl di Ju Lɔ ɛn dɛn bin de du ɔl wetin Gɔd tɛl dɛn fɔ du.

Di Sam Dɛm 116:9

So dat a go du wetin yu want mi fɔ du na yaso we a nɔ day yet.

Matyu 5:48

Una fɔ lɛk una kɔmpin mɔtalman lɛkɛ aw Gɔd, we na una Papa we de na ɛvin, lɛk ɔlman.

Ayzaya 38:3

“E PAPA GƆD, duya mɛmba ɔl wetin a dɔn du ɛn aw a dɔn waka tret wit yu wit ɔl mi at ɛn na wetin rayt bifo yu yay a bin de du.” Ɛzikaya kray bita bita wan.

Job 1:1

Wan man bin de we nem Job, ɛn i bin tap na Ɔz. Job na bin gud man ɛn i bin de waka tret wit PAPA GƆD. In fred ɛn rɛspɛkt fɔ PAPA GƆD, ɛn in layf nɔ bin gɛt wan bɔt.

Jɛnɛsis 18:14

Wetin de we a nɔ ebul du? Lɛkɛ aw a se nɔmɔ, a de kam fɛn yu bak dis sem tɛm nɛks ia, bɔt bifo a kam, Sera go dɔn bɔn bɔypikin.”

Ditarɔnɔmi 18:13

Mozis advays di Izrɛlayt dɛn nɔ fɔ de du dɛn bad bad tin dɛn we PAPA GƆD we na dɛn PAPA GƆD nɔ lɛk.

Matyu 19:26

Jizɔs luk dɛn gud ɛn se, “Mɔtalman nɔ ebul du dat, bɔt Gɔd ebul du ɔltin.”

Jɛrimaya 32:17

‘E PAPA GƆD we na mi Gɔd! Na yu mek ɔp di klawd ɛn di wɔl wit yu big big pawa ɛn wit yu an we yu opin wayd! Natin nɔ traŋa fɔ yu fɔ du,

Jɛnɛsis 28:3

Mek PAPA GƆD Ɔlmayti blɛs yu ɛn gi yu bɔku pikin dɛn, so dat yu go bi papa fɔ plɛnti neshɔn.

2 Kiŋ 20:3

“E PAPA GƆD, duya mɛmba ɔl wetin a dɔn du ɛn aw a dɔn waka tret wit yu wit ɔl mi at ɛn na wetin rayt bifo yu yay a bin de du.” Ɛzikaya kray bita bita wan.

1 Kiŋ 3:6

Sɔlɔmɔn ansa PAPA GƆD se, “Yu dɔn du bɔku gud fɔ mi papa Devid we na yu savant, bikɔs i bin de fred yu ɛn raychɔs, ɛn i bin gɛt gud at. Yu kɔntinyu yu gudnɛs to am ɛn gi am bɔypikin we dɔn sidɔm nain chia tide.

Mayka 6:8

Bɔt i dɔn sho una wetin gud ɛn wetin i want. Dat na fɔ lɛ una trit una kɔmpin fia wan, ɛn lɛk fɔ du gud, gɛt lɔv we nɔ de ɛva chenj ɛn put unasɛf dɔŋ fɔ du wetin PAPA GƆD want una fɔ du.

Jɛnɛsis 35:11

PAPA GƆD tɛl am se, “Mi na PAPA GƆD Ɔlmayti. Bɔn bɔku bɔku pikin we go de ɔlsay na di wɔl. Yu go bi papa fɔ bɔku dɛn neshɔn dɛn, kiŋ dɛn go de insay yu jɛnareshɔn.

Di Ibru Pipul Dɛn 7:25

Na dat mek Jizɔs gɛt pawa ɔltɛm fɔ sev dɛn pipul we de kam to Gɔd tru am. Bikɔs i gɛt layf we go de sote go, i de pre bifo Gɔd ɔltɛm fɔ dɛn.

Di Ibru Pipul Dɛn 12:28

So, una lɛ wi tɛl Gɔd tɛnki, bikɔs di ples we i de rul we wi dɔn gɛt, go de sote go, nɔbɔdi nɔ ebul shek am. Una lɛ wi prez am di we we go mek i gladi, lɛ wi rɛspɛkt ɛn fred am,

Apɔsul Dɛn Wok 24:16

So a de tray ɔltɛm mek mi at klin bifo Gɔd ɛn bifo mɔtalman.

Jɛnɛsis 48:15

Dɔn i blɛs Josɛf. I se, “Mek PAPA GƆD, we mi papa dɛn Ebraam ɛn Ayzak bin de sav, di PAPA GƆD we dɔn de wit mi ɔl dis tɛm ya,

Jɛnɛsis 12:1

PAPA GƆD tɛl Ebram se, “Lɛf yu fambul dɛn, yu papa in os, kɔmɔt na yu kɔntri ɛn go na wan kɔntri we a go sho yu.

Jɛnɛsis 5:24

Inɔk ɛn PAPA GƆD na bin padi; wande i jɛs lɔs, bikɔs PAPA GƆD bin tek am go.

Apɔsul Dɛn Wok 23:1

Pɔl luk di mɛmba dɛn ɔl ɛn se, “Mi brɔda dɛn, frɔm we a no misɛf sote tide, a nɔ gɛt nɔ dawt na mi at se wetin a de du bifo Gɔd, rayt.”

Di Sam Dɛm 115:3

Wi PAPA GƆD de na ɛvin; i de du wetin i fil fɔ du.

Job 11:7

Pɔsin nɔ ebul fɔ ɔndastand PAPA GƆD. Yu nɔ go ebul fɔ no aw PAPA GƆD Ɔlmayti de wok.

1 Kiŋ 2:4

If yu obe PAPA GƆD, i go kip to di prɔmis we i mek to mi se ‘na mi jɛnareshɔn nɔmɔ go de rul Izrɛl if dɛn kip to wetin in se ɛn obe am wit ɔl dɛn at ɛn sol.’

Ditarɔnɔmi 10:17

PAPA GƆD we na dɛn PAPA GƆD, na di PAPA GƆD fɔ ɔl ɔda gɔd dɛn, ɛn Lɔd fɔ ɔl dɛn Lɔd dɛn. Na big ɛn wɔndaful PAPA GƆD. I nɔ de tek sayd ɛn nɔbɔdi nɔ ebul brayb am.

Di Nɔmba Dɛm 11:23

PAPA GƆD ansa am se, “Ɛnitin de we a nɔ ebul du? Yu go si wetin a go du. If wetin a se nɔ bi, pa!

Ɛksodɔs 6:3

A apia to Ebraam, to Ayzak ɛn Jekɔb as PAPA GƆD Ɔlmayti, bɔt a nɔ bin mek dɛn no mi bay mi oli nem.

Jɛnɛsis 18:1

PAPA GƆD apia to Ebraam wan aftanun we di san bin tinap. We Ebraam bin sidɔm bifo in tɛnt domɔt nia usay Mamrɛ in ok tik dɛn bin de.

Jɛnɛsis 12:7

PAPA GƆD apia to Ebram, dɔn i tɛl am se, “Na dis kɔntri a go gi yu ɛn yu jɛnareshɔn dɛn.” So Ebram bil ɔlta fɔ wɔship PAPA GƆD na da ples de usay i bin apia to am.

Daniɛl 4:35

Ɔl udat tap na di wɔl nɔ min natin; ɛn i de du wetin i want wit ɔl di wan dɛn we de na ɛvin ɛn ɔl di wan dɛn we de na di wɔl; ɛn nɔbɔdi nɔ go ebul fɔ tap am ɔ aks am se, “Wetin yu de du?”

1 Kiŋ 8:25

Ɛn naw PAPA GƆD, yu we na Izrɛl dɛn Gɔd, a de beg yu lɛ yu kip to di ɔda prɔmis we yu mek to mi papa Devid we yu se nain jɛnareshɔn nɔmɔ go de rul na Izrɛl if dɛn waka tret wit yu ɛn kip to yu lɔ lɛkɛ aw insɛf bin de du;

Jɛnɛsis 16:16

Da tɛm de Ebram bin ol eti-siks ia.

Jɛnɛsis 5:22

Inɔk ɛn PAPA GƆD na bin padi fɔ tri ɔndrɛd ia, ɛn na da tɛm de i bɔn ɔda bɔy ɛn gyal pikin dɛn.

Jɛnɛsis 24:40

I se in masta ansa am se, PAPA GƆD we na di PAPA GƆD we i de sav ɛn obe ɔltɛm go sɛn in enjɛl wit am ɛn bɛtɛ go fala am, ɛn i go fɛn wɛf fɔ in pikin nain fambul dɛn os.

Jɛnɛsis 26:2

We i de de, PAPA GƆD apia to am ɛn tɛl am se, “Nɔ go na Ijipt, de usay a tɛl yu fɔ de.

Jɛnɛsis 43:14

ɛn pre mek PAPA GƆD Ɔlmayti mek di man sɔri fɔ dɛn, ɛn lɛ i mek Bɛnjamin ɛn dɛn ɔda brɔda kam bak wit dɛn. I se as fɔ in di Izrɛl, if na so in fɔ lɔs in pikin dɛn, lɛ i bi so.

Jɛnɛsis 46:3

Nain PAPA GƆD se, “Mi na PAPA GƆD, yu papa in PAPA GƆD. Nɔ fred fɔ go dɔŋ na Ijipt. A go mek yu jɛnareshɔn bi big big neshɔn de.

Ditarɔnɔmi 30:20

ɛn de traŋa wan wit PAPA GƆD we na dɛn PAPA GƆD, de sho am se dɛn lɛk an bay we dɛn de du ɔl wetin i se; bikɔs na da we de dɛn go kɔntinyu fɔ de na dis wɔl ɛn gɛt lɔŋ layf, so dat dɛn go de na di land we PAPA GƆD bin dɔn swɛ to di Izrɛlayt dɛn fɔstɛm-papa dɛn, dat na Ebraam, Ayzak ɛn Jekɔb, se i go gi dɛn.

Di Sam Dɛm 25:14

Na udat gɛt rɛspɛkt fɔ PAPA GƆD i de tɛl in sikrit, ɛn mek dɛn no se i nɔ gɛt fɔ chenj in Kɔvinant.

Jɛnɛsis 48:3

Jekɔb tɛl Josɛf se PAPA GƆD Ɔlmayti bin apia to am na Luz insay Kenan ɛn i blɛs am.

Di Nɔmba Dɛm 24:16

Na pɔsin we de yɛri wetin PAPA GƆD de se de tɔk dis mɛsej, we no bɔt PAPA GƆD Ɔlmayti, pɔsin we kin si aw PAPA GƆD want mek i si, pɔsin we de lidɔm bifo PAPA GƆD ɛn we PAPA GƆD de opin in yay.

Prɔvabs 10:9

Udat de si fa de tek tɛm wit wetin i de du, bɔt dɛn go kech udat de pan dabaru.