Jɛnɛsis 16:3 - Krio Fɔs Oli Baybul

³ so Seray gi Ega in slev gyal to Ebram fɔ tek mek wɛf. Dis apin afta Ebram dɔn de na Kenan fɔ tɛn ia.

Jɛnɛsis 16:3 Referans Kwoze

Jɛnɛsis 16:5

Nain Seray tɛl Ebram se, “Na yu mek Ega de fityay mi so. Na mi bin tek am gi yu, bɔt frɔm we i no se i gɛt bɛlɛ, nain i bigin fityay mi. Na PAPA GƆD go jɔj bitwin mi ɛn yu!”

Lɛta Fɔ Galeshya 4:25

Wɛn pɔsin de tɔk bɔt Ega, na Mawnt Saynay we de Are bia, i de tɔk bɔt. Ega jɛs tan lɛkɛ aw Jerusɛlɛm tan tide, ɔl di pipul dɛn we kɔmɔt de tan lɛkɛ slev, na so Ega ɛn in pikin dɛnsɛf tan lɛkɛ slev.

1 Kiŋ 11:3

I mared sɛvin ɔndrɛd wɛf ɛn dɛn ɔl na bin kiŋ pikin dɛn, ɛn i bin gɛt tri ɔndrɛd smɔl wɛf; Ɔl dɛn uman dɛn yaso bin lid am astre.

2 Samiɛl 5:13

We Devid kɔmɔt na Ɛbrɔn, i mared mɔ wɛf, gɛt mɔ smɔl wɛf dɛn ɛn bɔn mɔ bɔy ɛn gyal pikin dɛn na Jerusɛlɛm.

Jɛnɛsis 35:22

We Izrɛl bin de na da kɔntri de, Rubɛn go gɛt biznɛs wit Bila, wan pan in papa in ɔda uman dɛn we bɔn fɔ in papa ɛn Jekɔb bin gɛt fɔ no bɔt dat. Jekɔb bin gɛt twɛlv bɔypikin dɛn.

Jɛnɛsis 32:22

Da sem nɛt de Jekɔb grap, tek in tu wɛf, di tu savant-gyal dɛn ɛn in ilɛvin bɔypikin dɛn dɔn dɛn krɔs Riva Jabɔk.

Jɛnɛsis 30:9

We Lia kechɔp se i dɔn lɛf fɔ bɔn, i gi in nɔsi Zilpa to Jekɔb fɔ tek mek wɛf.

Jɛnɛsis 30:4

So Rechɛl gi Bila to Jekɔb fɔ tek mek wɛf.

Jɛnɛsis 28:9

So i go fɛn in ɔnkul Ishmɛl we na Ebraam in bɔypikin, ɛn mared in gyal pikin, Maalath ɛn ad pan di wɛf dɛn we i bin dɔn gɛt. Maalath na Nɛbayɔth in sista.

Jɛnɛsis 25:6

Bɔt i gi di ɔda uman dɛn pikin dɛnsɛf gud prɛzɛnt dɛn ɛn mek dɛn go tap na ɔda kɔntri so dat dɛn go kɔmɔt nia in bɔysɔn Ayzak. Di kɔntri we i sɛn dɛn go, de na di ist pat. I du ɔl dis bifo i day.

Jɛnɛsis 16:4

Ebram bin gɛt biznɛs wit Ega, ɛn i gi am bɛlɛ. We Ega kam no se i dɔn gɛt bɛlɛ fɔ Ebram, i bigin mek prawd ɛn fityay Seray.

Jɛnɛsis 16:16

Da tɛm de Ebram bin ol eti-siks ia.

Jɛnɛsis 21:21

In mama fɛn wan uman we kɔmɔt Ijipt fɔ am fɔ mared.