Jɛnɛsis 16:2 - Krio Fɔs Oli Baybul

² So i tɛl Ebram se, “PAPA GƆD nɔ mek a bɔn, yu nɔ tink se yu fɔ tek Ega mek yu wɛf? Sɔntɛm wi go gɛt pikin bay dat.” Ebram gri wit wetin Seray se,

Jɛnɛsis 16:2 Referans Kwoze

Ɛksodɔs 21:4

If in masta gi am uman we mek dɛn bɔn bɔy ɔ gyal pikin dɛn, di masta fɔ tek di uman ɛn di pikin dɛn. Na di man in waŋren fɔ go.

Jɛnɛsis 18:10

Dɛn PAPA GƆD tɛl am se, “A de kam fɛn yu bak dis sem tɛm nɛks ia. Bɔt bifo a kam yu wɛf Sera go dɔn bɔn bɔypikin.” Sera bin tinap biɛn di tɛnt in domɔt, de lisin.

Jɛnɛsis 3:17

Dɔn PAPA GƆD tɛl di man se, “Yu dɔn du wetin yu wɛf tɛl yu, ɛn yu dɔn it di frut we mi se yu nɔ fɔ it. Fɔseka wetin yu dɔn du, a de swɛ di grɔn mek i nɔ bɛtɛ yu. Te yu day, yu go de wok traŋa wan, fɔ mek yu go gɛt tin fɔ it.

Di Sam Dɛm 127:3

Pikin na blɛsin we PAPA GƆD de gi ɛn mɔ so if na yu bɔn am.

Ruth 4:11

Dɛn di bigman dɛn ɛn ɔlman we bin de na di get se, yɛs, dɛn de fɔ witnɛs ɛn pre mek di uman we i de mared tan lɛk Rechɛl ɛn Lia we na dɛn ɔltu bɔn pikin ful os fɔ Izrɛl. Dɛn pre mek bɛtɛ fala am lɛk Ɛfrata ɛn mek ɔlman no am na Bɛtliɛm.

Jɛnɛsis 30:22

Dɔn PAPA GƆD sɔri fɔ Rechɛl. I ansa in prea ɛn mek i ebul fɔ gɛt pikin dɛn.

Jɛnɛsis 25:21

Ayzak pre to PAPA GƆD fɔ mek Ribɛka go gɛt pikin bikɔs i nɔ bin bɔn yet. So PAPA GƆD ansa Ayzak in prea, ɛn Ribɛka gɛt bɛlɛ.

Jɛnɛsis 20:18

Bifo dat PAPA GƆD bin dɔn mek in wɛf ɛn ɔl di ɔda uman dɛn nain os nɔ ebul bɔn bikɔs Abimɛlɛk bin dɔn tek Sera as in wɛf.

Jɛnɛsis 17:16

A go blɛs am, ɛn a go mek i bɔn bɔypikin fɔ yu. A go blɛs am, ɛn i go bi di mami fɔ bɔku neshɔn dɛn, ɛn kiŋ dɛn go kɔmɔt nain bɛlɛ.”

Jɛnɛsis 3:12

Adam ansa se, “Na di uman we yu put ya wit mi, gi mi fɔ it.”

Jɛnɛsis 30:6

Nain Rechɛl se, “PAPA GƆD dɔn tɔk fɔ mi. I yɛri mi prea ɛn i gi misɛf bɔypikin” I gi am nem Dan.

Jɛnɛsis 19:31

Wande big gyal pikin tɛl in sista se, “Wi papa dɔn ol, man nɔ de na ya we go mared wi fɔ lɛ wi go bɔn pikin.

Jɛnɛsis 11:30

Seray in nɔ bin ebul bɔn pikin.