Jɛnɛsis 15:6 - Krio Fɔs Oli Baybul

⁶ Ebram biliv wetin PAPA GƆD se ɛn dat mek PAPA GƆD luk am se in na pɔsin we de waka tret wit am.

Jɛnɛsis 15:6 Referans Kwoze

Jems 2:23

Di tin we Gɔd in wɔd bin dɔn tɔk kam bi tru. I bin se, “Ebraam biliv Gɔd ɛn Gɔd kɔl am pɔsin we de waka tret.” Pipul kɔl am Gɔd in padi.

Lɛta Fɔ Rom 4:9

Dis blɛsin ya we Devid tɔk bɔt na fɔ dɛn pipul we sakɔmsayz nɔmɔ? Nɔto so i bi, i de semwe fɔ dɛn pipul we nɔ sakɔmsayz. Wi bin dɔn tɔk se dɛn rayt na Gɔd in Buk se, “Ebraam biliv Gɔd ɛn bikɔs i biliv Gɔd, Gɔd luk se na pɔsin we de waka tret.”

Di Ibru Pipul Dɛn 11:8

Na bikɔs Ebraam bin biliv Gɔd mek i du wetin Gɔd tɛl am fɔ du wɛn Gɔd kɔl am ɛn sɛn am fɔ go na di ples we i prɔmis fɔ gi am. I grap ɛn go, pan ɔl we i nɔ bin no di ples we i de go.

Di Sam Dɛm 106:31

Pipul go de mɛmba dis tin ya we Finɛas du sote go.

Lɛta Fɔ Rom 4:11

Afta Gɔd dɔn luk Ebraam se na pɔsin we de waka tret, nain Ebraam sakɔmsayz. Di sakɔmsayz we Ebraam sakɔmsayz na bin di sayn fɔ sho se Gɔd dɔn luk se na pɔsin we de waka tret, bifo i sakɔmsayz, bikɔs Ebraam bin biliv am. So Ebraam na di papa fɔ ɔl dɛn pipul we biliv Gɔd, we Gɔd luk se na pipul we de waka tret, pan ɔl we dɛn nɔ sakɔmsayz.

2 Kɔrint 5:19

Wi de tɛl pipul se Gɔd de mek mɔtalman bi Gɔd in padi dɛn tru Krays. Gɔd nɔ de mak mɔtalman in sin igen fɔ pɔnish am bambay, ɛn i dɔn tɛl wi fɔ tɛl dɛn aw dɛn go bi in padi dɛn.

Nɛimaya 9:8

Yu fɛnɔt se i tret wit yu so yu mek Kɔvinant wit am se yu go gi di land we di Kenanayt, di Itayt, di Amɔrayt, di Pɛrizayt, di Jɛbyusayt ɛn di Gagashayt dɛn de to in jɛnareshɔn. Yu dɔn de kip yu prɔmis bikɔs yu nɔ miks pan bɛnbɛn.