Jɛnɛsis 15:4 - Krio Fɔs Oli Baybul

⁴ Nain PAPA GƆD tɔk to am igen se, “Nɔ-o, nɔto Ɛliaza go bɛnifit; a go gi yu yu yon yon pikin we go gɛt yu prɔpati we yu day.”

Jɛnɛsis 15:4 Referans Kwoze

Jɛnɛsis 17:16

A go blɛs am, ɛn a go mek i bɔn bɔypikin fɔ yu. A go blɛs am, ɛn i go bi di mami fɔ bɔku neshɔn dɛn, ɛn kiŋ dɛn go kɔmɔt nain bɛlɛ.”

Lɛta Fɔ Galeshya 4:28

Mi kɔmpin Kristiɛn dɛn, una na Gɔd in pikin dɛn bikɔs na dat i bin dɔn prɔmis, lɛkɛ aw Ayzak bi Ebraam in pikin, bikɔs na dat Gɔd bin dɔn prɔmis.

2 Samiɛl 7:12

I tɛl Nethan fɔ tɛl Devid se nainsɛf PAPA GƆD de tɛl am se, in, PAPA GƆD se in go mek Devid in os bi kiŋ os. I se wɛn Devid in tɛm go dɔn dɔn ɛn i dɔn day, i go mek shɔ se na Devid in blɔd go bi kiŋ ɛn na so Devid in jɛnareshɔn dɛn go bi kiŋ te go.

2 Kronikuls 32:21

Ɛn PAPA GƆD sɛn wan enjɛl we kil ɔl di pawaful sojaman, kɔmanda ɛn ɔfisa dɛm na Sɛnakarib di Asiria kiŋ in kamp so i tɔk bak go wit Shem fes nain yon kɔntri. Ɛn wɛn i kam nain gɔd in os. Sɔm pan in yon in yon bɔypikin dɛm atak am wit sɔd ɛn kil am de.

Jɛnɛsis 21:12

Bɔt PAPA GƆD tɛl Ebraam se, mek in nɔ wɔri bɔt di pikin ɛn in mama Ega. PAPA GƆD se mek i du ɛnitin we Sera se, bikɔs na frɔm Ayzak i go gɛt di jɛnareshɔn dɛn we in bin dɔn prɔmis.

Faylimɔn 1:12

So a de sɛn am go bak to yu, ɛn i go kam lɛkɛ se na misɛf de kam to yu.

2 Samiɛl 16:11

Dɛn Devid tɛl Abishay ɛn di ɔda ɔfisa dɛn se if in bɔypikin we nain flɛsh ɛn blɔd de tray fɔ kil am wetin di Bɛnjaminayt nɔ go du. I se lɛ dɛn lɛf am lɛ i kɔs bikɔs na so PAPA GƆD se.

Jɛnɛsis 15:1

Afta ɔl wetin bin dɔn apin, PAPA GƆD apia to Ebram na vishɔn. I tɛl am se, “Nɔ fred, Ebram. A go kɔba yu ɛn a go gi yu ɔlkayn gud tin.”