Jɛnɛsis 15:2 - Krio Fɔs Oli Baybul

² Bɔt Ebram ansa se, “E PAPA GƆD, uskayn gud tin yu go gi mi we a nɔ gɛt pikin sɛf? Na Ɛliaza we kɔmɔt Damaskɔs nɔmɔ go bɛnifit we a day.

Jɛnɛsis 15:2 Referans Kwoze

Apɔsul Dɛn Wok 7:5

Gɔd nɔ bin gi Ebraam ples fɔ de we go bi in yon; i nɔ gi am lili ples sɛf, bɔt i prɔmis am se in go gi am ples, ɛn da ples de go bi Ebraam in yon prɔpati ɛn da prɔpati de go bi Ebraam in grampikin pikin dɛm yon, wɛn Ebraam dɔn day. Ebraam nɔ bin bɔn pikin yet wɛn Gɔd tɛl am dat.

Jɛnɛsis 25:21

Ayzak pre to PAPA GƆD fɔ mek Ribɛka go gɛt pikin bikɔs i nɔ bin bɔn yet. So PAPA GƆD ansa Ayzak in prea, ɛn Ribɛka gɛt bɛlɛ.

Ayzaya 56:5

A go gi dɛn tin fɔ tek mɛmba am ɛn mek i pɔpyula, insay mi os ɛn usay a tap, we bɛtɛ pas bɔypikin ɛn gyal pikin dɛn; A go gi dɛn nem we go de sote go ɛn nɔ go dɔn.

Prɔvabs 17:2

Wokman we gɛt sɛns go gɛt pawa nain masta in os pas in masta in pikin we de put in dadi pan shem, ɛn na semweso di wokman go gɛt pan di prɔpati lɛk se in na wan pan di masta in pikin dɛn.

Di Sam Dɛm 127:3

Pikin na blɛsin we PAPA GƆD de gi ɛn mɔ so if na yu bɔn am.

1 Samiɛl 1:11

I swɛ to PAPA GƆD Ɔlmayti se if i kin sɔri fɔ am nɔmɔ ɛn gi am wan bɔypikin, i go gi am bak to PAPA GƆD fɔ wok fɔ am te i day ɛn i nɔ go kɔt in ia.

Jɛnɛsis 44:1

Josɛf tɛl di wokman nain os mek i ful-ɔp di man dɛn bag dɛn wit it we dɛn go ebul fɔ tot, ɛn put dɛn mɔni bak insay dɛn bag.

Jɛnɛsis 43:19

We dɛn rich na di domɔt, dɛn tɛl di wokman

Jɛnɛsis 24:10

Dis wokman we nem Ɛliaza, ɛn we bin de inchaj ɔf Ebraam in prɔpati, tek tɛn pan Ebraam in kamɛl ɛn plɛnti ɔda fayn fayn tin dɛn. I lɛf go Aram Naaraim to usay Neɔ de.

Prɔvabs 13:12

Drɛg fut pan prɔmis de gi brok at, bɔt we yu gɛt wetin yu want yu de gladi.

Jɛnɛsis 39:9

I se in gɛt pawa na di os lɛkɛ insɛf, ɛn i nɔ ayd natin pan am pas in we nain wɛf. I se, wetin fɔ mek in du dis kayn wikɛd tin ɛn sin to PAPA GƆD.

Jɛnɛsis 24:2

So i tɛl di wokman we dɔn te pas ɔl nain os, ɛn we de inchaj ɔf ɔl in prɔpati, se, “Put yu an midul mi lɛg

Jɛnɛsis 14:15

Dɔn i sheb dɛn to difrɛn difrɛn grup. Dɛn atak di ɛnimi na nɛt ɛn bit dɛn. Ebram bin rɔnata dɛn ɔda wan dɛn sote dɛn rich na Oba, we de na di nɔtan say na Damaskɔs.

Jɛnɛsis 15:1

Afta ɔl wetin bin dɔn apin, PAPA GƆD apia to Ebram na vishɔn. I tɛl am se, “Nɔ fred, Ebram. A go kɔba yu ɛn a go gi yu ɔlkayn gud tin.”

Jɛnɛsis 15:3

Yu nɔ gi mi pikin, so na wan pan mi wokman dɛn go gɛt ɔl mi prɔpati.”

Ayzaya 17:1

Wetin PAPA GƆD se go apin to Damaskɔs. A de tɛl una, Damaskɔs nɔ go bi siti igen, ɛn i go tan lɛk ples we broko broko tin dɛn pak.

Jɛrimaya 49:23

Dis na bɔt Damaskɔs “Amat ɛn Apad dɔn kɔnfyus, bikɔs dɛn dɔn yɛri bad bad nyuz; dɛn fred bad bad wan, dɛn at de wɔri lɛk di si, we nɔ ebul de wanples ɛn nɔ mek nɔys.

Ruth 2:6

Di man tɛl am se na di Moabayt uman dat we fala Naomi tɔn bak we i kɔmɔt na Moab.