Jɛnɛsis 15:12 - Krio Fɔs Oli Baybul

¹² We di san go dɔŋ nain slip kɛr Ebram go, ɛn i tan lɛkɛ se di ples dak ɛn i bigin fɔ fred.

Jɛnɛsis 15:12 Referans Kwoze

Jɛnɛsis 2:21

So PAPA GƆD mek di man slip dip dip wan. We i de slip, i pul wan pan di man in ribs nain sayd ɛn lɔk di ples bak.

Job 33:15

Na drim ɔ vishɔn na nɛt, we mɔtalman dɔn slip dip, we dɛn de slip na dɛn bed,

1 Samiɛl 26:12

So Devid go wit Sɔl in spia ɛn in wata jɔg we bin de oba in ed. Nɔbɔdi nɔ si dɛn ɔ no bɔt wetin apin. Ɔlman bin de slip bikɔs PAPA GƆD mek dɛn slip lɛk udat chak.

Apɔsul Dɛn Wok 20:9

Wan yɔŋman we bin nem Yutikɔs bin sidɔm na di winda. Pɔl bin de tɔk wɛn slip kech Yutikɔs. I slip go, nain i fɔdɔm kam dɔŋ na grɔn. Di os na bin tri stori os. Yutikɔs bin dɔn day wɛn dɛn go es am.

Jɛnɛsis 15:11

Wɛn dɛn yuba dɛn kam fɔ kam it di animal dɛn, Ebram drɛb dɛn.

Jɛnɛsis 28:11

I rich na wan ples as di san de go dɔŋ ɛn bil in tɛnt de. I fɛn wan ston we i tek mek pila ɛn lidɔm de fɔ slip.