Jɛnɛsis 15:1 - Krio Fɔs Oli Baybul

¹ Afta ɔl wetin bin dɔn apin, PAPA GƆD apia to Ebram na vishɔn. I tɛl am se, “Nɔ fred, Ebram. A go kɔba yu ɛn a go gi yu ɔlkayn gud tin.”

Jɛnɛsis 15:1 Referans Kwoze

Ayzaya 41:10

Nɔ fred, bikɔs a de wit yu, nɔ pwɛl at, bikɔs mi na yu Gɔd; a go gi yu trɛnk, a go ɛp yu, a go ol yu ɔp wit mi raytan we de win ɔltɛm.

Di Sam Dɛm 119:114

A go rɔn go ayd to yu bikɔs yu go kɔba mi; a abop pan wetin yu se.

Di Sam Dɛm 84:11

Bikɔs PAPA GƆD we na wi Gɔd na san we de gi layt ɛn big shild we de protɛkt wi; i de sho wi in lɔv bay aw i de mek bɛtɛ fala wi; I nɔ go se i nɔ de gi wi gud tin dɛn wans i nɔ fɛn fɔlt pan wetin wi de du.

Jɛnɛsis 26:24

Da nɛt de PAPA GƆD apia to am ɛn tɛl am se, “Mi na yu papa Ebraam in PAPA GƆD. Nɔ fred; A de wit yu. A go blɛs yu ɛn mek yu jɛnareshɔn dɛn bɔku bikɔs na so a bin dɔn prɔmis mi savant Ebraam.”

Ayzaya 41:14

Nɔ fred, yu Jekɔb we na wɔrɔm, una di man dɛn na Izrɛl! PAPA GƆD se, a go ɛp una; di wan we de sev una na di Oli Wan na Izrɛl.

Lamɛnteshɔn 3:24

Mi sol se, “na PAPA GƆD a gɛt, so nain nɔmɔ a go abop pan.”

Lyuk 12:32

“Una we de fala mi nɔ plɛnti, bɔt una nɔ fred; Gɔd we na una Papa go mek una rul lɛkɛ aw insɛf de rul.

Di Sam Dɛm 5:12

PAPA GƆD, yu kin blɛs ɔl udat de du rayt; yu rɛdi fɔ kɔba dɛn frɔm dɛn ɛnimi.

Di Sam Dɛm 18:2

Yu na di wan we de kɔba mi; we a de to yu a de fil sef. Yu dɔn sev mi frɔm mi ɛnimi dɛn an, na yu na mi bakbon.

Ruth 2:12

I pre mek PAPA GƆD blɛs am ɛn mek PAPA GƆD we nain i abop pan fɔ kɔba am, gi am ɔl di gud tin we i fɔ gɛt fɔ dat.

Lyuk 1:13

Di enjɛl se, “Zakaraya, nɔ fred! Gɔd dɔn yɛri ɛn i dɔn ansa di pre we yu de pre; yu wɛf Ilizabɛt go bɔn bɔy pikin; di nem we yu fɔ gi am na Jɔn.

Ayzaya 43:5

Nɔ fred, bikɔs a de wit yu A go briŋ yu pikin dɛm kɔmɔt na di ist ɛn a go gɛda yu kɔmɔt na di wɛst;

Di Sam Dɛm 142:5

PAPA GƆD, na yu a de pre to; A se “Na yu de kɔba mi, a nɔ want natin igen na layf, pas yu.

Di Sam Dɛm 3:3

Bɔt na yu PAPA GƆD na di wan we de kɔba mi lɛkɛ we fɔl de kɔba in pikin; na yu nɔmɔ de pul mi pan shem we go mek a waka de es mi ed ɔp.

Jɛnɛsis 21:17

PAPA GƆD yɛri di bɔbɔ de kray, nain PAPA GƆD in enjɛl aks Ega se, “Ega, wetindu yu de kray so, nɔ fred. PAPA GƆD dɔn yɛri we di bɔbɔ de kray usay i de.

Lyuk 1:30

Nain di enjɛl se, “Meri, nɔ fred, Gɔd dɔn blɛs yu.

Di Sam Dɛm 58:11

Dat tɛm de ɔlman go se “fɔ tru PAPA GƆD na PAPA GƆD we de du tin tret wan, ɛn i de jɔj fia wan.”

Matyu 8:26

Jizɔs se, “Wetin du una de fred? Una nɔ biliv mi gud!” I grap ɛn tɛl di briz ɛn di swɛlin fɔ stɛdi, nain ɔltin stɛdi.

Ayzaya 51:12

“Mi, na Mi na di wan we de kɔnfɔt yu; udat na yu, we yu de fred mɔtalman we gɛt fɔ day, we de fred mɔtalman we dɛn mek lɛk gras,

Di Sam Dɛm 27:1

Na PAPA GƆD di mek a si layt ɛn nain de sev mi; so a nɔ gɛt natin fɔ fred. Na PAPA GƆD de kɔba mi so a nɔ go fred natin.

Prɔvabs 11:18

Bad nɔ de pe ɛnibɔdi gud tin bɔt yu du gud de gɛt gud pe.

Di Sam Dɛm 91:4

I go kɔba am lɛkɛ aw fɔl de kɔba in pikin; PAPA GƆD de kip in prɔmis dɛn ɛn go kɔba am ɔltɛm ɛn fɛt fɔ am.

Ditarɔnɔmi 31:6

Mozis tɛl di Izrɛlayt dɛn se, dɛn fɔ tinap lɛk man, ɛn dɛn nɔ fɔ mek dɛn ɛnimi dɛn mek dɛn fred, bikɔs PAPA GƆD we na dɛn PAPA GƆD de wit dɛn ɔltɛm; i nɔ go kɔmɔt biɛn dɛn.

Izikɛl 3:4

Dɛn PAPA GƆD tɛl mi se, “Mɔtalman, go to di Izrɛlayt dɛn ɛn tɛl dɛn wetin a se.

Ayzaya 44:2

Na dis PAPA GƆD we mek yu, se, we mol yu na yu mami bɛlɛ, ɛn we go ɛp yu: Nɔ fred, yu Jekɔb we na mi wokman, Jɛshurɔn we a dɔn pik.

Ayzaya 43:1

Bɔt naw, na dis PAPA GƆD se, in we mek yu, yu Jekɔb, in we mol yu, yu Izrɛl: “Nɔ fred, a dɔn bay yu bak; A dɔn kɔl yu bay yu nem, yu na mi yon.

Ayzaya 35:4

Tɛl dɛn wan we de fred se, “Una mek lɛk man, una nɔ fred! A de tɛl una, una Gɔd go kam fɔ rivɛnj, lɛk aw Gɔd kin pe pipul dɛn bak. I go kam sev una.”

Ɛksodɔs 14:13

Mozis tɛl di pipul dɛn se lɛ dɛn nɔ fred dɛn go si PAPA GƆD in wɔnda. I se di Ijipshian we dɛn de si so dɛn nɔ go dɛn igen

Rɛvɛleshɔn 1:17

Wɛn a si am, a fɔdɔm flat nain fut lɛkɛ pɔsin we dɔn day. I put in raytan pan mi, i se, “Nɔ fred. Na mi na di fɔs pɔsin, na mi go bi di las pɔsin.

Di Ibru Pipul Dɛn 1:1

Fɔstɛm, Gɔd bin de tɔk to wi grampapa papa dɛn, plɛnti tɛm, ɛn i bin de yus difrɛn difrɛn we. Nain prɔfɛt dɛn i bin de sɛn fɔ tɛl wi grampapa papa dɛn in wɔd.

1 Kɔrint 3:22

Pɔl, Apɔlɔs, Pita, dis wɔl o, layf o, day o, dɛn tin we de naw, ɛn dɛn tin we go de bambay: dɛn ɔl na una yon,

Apɔsul Dɛn Wok 10:22

Dɛn ansa se, “Na Kapten Kɔnilyɔs, da bigman fɔ dɛn soja man dɛn na Itali, sɛn wi to yu. Na gud man we fred Gɔd ɛn ɔl di Ju pipul dɛn rɛspɛkt am bad. Gɔd bin sɛn enjɛl to Kɔnilyɔs fɔ mek i kɔl yu fɔ go nain os, mek i go yɛri wetin yu gɛt fɔ tɛl am.”

Prɔvabs 30:5

“Ɛnitin we PAPA GƆD tɔk i de du am, i de kɔba dɛn wan we aks am fɔ kɔba dɛn.

Di Sam Dɛm 84:9

PAPA GƆD, blɛs wi Kiŋ we yu dɔn pik fɔ protɛkt wi.

1 Samiɛl 9:9

Fɔstɛm na Izrɛl, we pɔsin wan no wetin PAPA GƆD se dɛn kin go to di Sia we dɛn de kɔl prɔfɛt naw.

Izikɛl 11:24

Nain di Spirit es mi ɔp, ɛn insay di vishɔn we PAPA GƆD in Spirit bin de sho mi, i briŋ mi kam Chaldia to di wan dɛn we de ɛgzayl. Dɛn di vishɔn we a bin de si lɔs pan mi.

1 Kronikuls 28:20

Nain Devid tɛl Sɔlɔmɔn we nain bɔypikin se, “tinap lɛk man, tek kɔrej ɛn du am. Nɔ fred natin ɛn nɔ pwɛl at; bikɔs PAPA GƆD we na mi yon Gɔd de wit yu. I nɔ go fel yu, i nɔ go kɔmɔt biɛn yu, sote ɔl di wok we de fɔ du na PAPA GƆD in os, go dɔn.

Izikɛl 1:1

Di ia we mek tati, insay di nɔmba fo mɔnt ɛn di de we mek fayv, as a bin de wit di wan dɛn we bin de na ɛgzayl, nia Riva Chɛba, di klawd bin opin ɛn a si bɔku vishɔn bɔt PAPA GƆD.

Matyu 28:5

Di enjɛl tɛl di uman dɛn se, “Una nɔ fred, a no se una de luk fɔ Jizɔs we dɛn bin nel pan di krɔs.

Ayzaya 44:8

Una nɔ fred ɔ no kɔt at; a nɔ bin dɔn tɛl una lɔntɛm se i go bi? Ɛn una na mi witnɛs dɛm! Ɛni ɔda Gɔd de apat frɔm mi? Nɔn Rɔk nɔ de, a nɔ sabi ɛniwan.

Di Nɔmba Dɛm 12:6

i se, “Una lisin to mi gud. Na bay vishɔn a de sho misɛf to ɛni PAPA GƆD in prɔfɛt dɛn, dɔn a de tɔk to dɛn pan drim.

Jɛnɛsis 15:2

Bɔt Ebram ansa se, “E PAPA GƆD, uskayn gud tin yu go gi mi we a nɔ gɛt pikin sɛf? Na Ɛliaza we kɔmɔt Damaskɔs nɔmɔ go bɛnifit we a day.

Jɛnɛsis 15:4

Nain PAPA GƆD tɔk to am igen se, “Nɔ-o, nɔto Ɛliaza go bɛnifit; a go gi yu yu yon yon pikin we go gɛt yu prɔpati we yu day.”

Jɛnɛsis 31:7

Bɔt pan ɔl dat i rog am tɛn difrɛn tɛm we i de pe am, bɔt PAPA GƆD mek i nɔ ebul du am ɛnitin we bad pas dat.

Di Nɔmba Dɛm 18:20

PAPA GƆD tɛl Erɔn se “Yu nɔ go gɛt pan di land we dɛn de sheb ɛn yu nɔ go gɛt pan ɛnitin. Pan ɔl di Izrɛlayt dɛn, na mi na yu yon, mi na yu prɔpati.

Di Nɔmba Dɛm 24:4

Na pɔsin we de yɛri wetin PAPA GƆD de se de tɔk dis mɛsej, pɔsin we kin si aw PAPA GƆD Ɔlmayti want mek i si, pɔsin we de lidɔm na grɔn bifo PAPA GƆD ɛn we PAPA GƆD de opin in yay:

1 Samiɛl 15:10

Dɛn PAPA GƆD tɔk to Samiɛl. I se

2 Samiɛl 22:3

Yu dɔn pul mi na mi ɛnimi dɛn an, ɛn yu na mi bakbon. Yu na mi ɔltin, yu pul mi na bad pipul an.

Jɛnɛsis 22:1

I nɔ tu te afta dat, PAPA GƆD tɛst Ebraam; i kɔl am, “Ebraam!” Ebraam ansa am se, “Yɛs, luk mi!”

Jɛnɛsis 22:20

Afta da tɛm de, Ebraam yɛri se in brɔda Neɔ in wɛf Milka, dɔn bɔn bɔypikin dɛn fɔ am.

Ditarɔnɔmi 18:2

Dɛm nɔ go gɛt nɔn pat pan di prɔpati lɛkɛ we di ɔda fambul dɛn gɛt, bikɔs PAPA GƆD dɔn mek dɛn in wokman, ɛn i bin dɔn prɔmis dɛn se in go kia fɔ dɛn.

2 Kiŋ 1:15

Na de PAPA GƆD in enjɛl tɔk to Ilayja se, “Nɔ fred am; go wit am.” Ilayja insɛf grap ɛn go dɔŋ wit am to di kiŋ.

Di Sam Dɛm 3:4

A de kray lawd wan to PAPA GƆD ɛn i de ansa mi frɔm in oli il

Di Sam Dɛm 115:10

Una we kɔmɔt na Erɔn in famili layn ɛn de sav PAPA GƆD nain os, unasɛf put una abop pan am; nain de ɛp una ɛn i de kɔba una.

Ayzaya 40:10

Una luk, Papa Gɔd we na Gɔd de kam wit pawa, ɛn nain an de rul fɔ am; luk, di pe we i de pe pɔsin fɔ di gud we i du, de wit am, ɛn di kɔmpɛnset we i de kɔmpɛnset, de wit am.

Jɛrimaya 39:17

PAPA GƆD se, Bɔt a go sev yu da de de, ɛn di man dɛn we yu de fred nɔ go kapchɔ yu.