Jɛnɛsis 14:2 - Krio Fɔs Oli Baybul

² bin go fɛt wa agens fayv ɔda kiŋ dɛn. Di fayv ɔda kiŋ dɛn, Bɛra, we na kiŋ na Sɔdɔm; wit Basha, kiŋ na Gomɔra; Shinab, kiŋ na Adma; Shɛmɛba, kiŋ na Zɛboim; ɛn di kiŋ na Bɛla: Bɛla in ɔda nem na Zoa.

Jɛnɛsis 14:2 Referans Kwoze

Jɛnɛsis 13:10

So Lɔt es in ed ɔp ɛn luk rawnd. I si se di flat grɔn na Jɔdan, sote go Zoa bin fayn ɛn gɛt plɛnti wata lɛkɛ da ples we PAPA GƆD mek fɔ Adam ɔ lɛkɛ di land na Ijipt. Dis na bifo PAPA GƆD dɔnawe wit Sɔdɔm ɛn Gomɔra.

Ditarɔnɔmi 29:23

we sɔlfa ɛn sɔl go mek di ples dɛn we dɛn fɔ plant nɔ gud fɔ plant. I go tan lɛkɛ Sɔdɔm ɛn Gɔmɔra, ɛn lɛkɛ Adma ɛn Zɛboli we PAPA GƆD bin bɔn we i bin vɛks bad bad wan.

Jɛnɛsis 10:19

sote dɛn bawndri rich na Saydɔn te go na Gɛra we de nia Gaza, ɛn na Sɔdɔm, Gomɔra, Adma, ɛn Zɛboim we de nia Lasha.

Ozie 11:8

I tɔk se in nɔ go ebul fɔ givɔp pan Izrɛl ɛn in nɔ go lɛf Izrɛl to dɛnsɛf I se i nɔ go trit dɛn lɛk di pipul na Adma ɔ mek dɛn tan lɛk di wan dɛn na Zɛboim. In at nɔ go mek i du dat bikɔs i lɛk dɛn tumɔs.

Ayzaya 15:5

Mi at de kray fɔ Moab; di wan dɛn we rɔnawe, runawe go Zoa, ɛn Ɛglat Shɛlishia. Bikɔ, na di rod fɔ klem go Luit, dɛn de kray we dɛn de go ɔp; na di rod fɔ go Orɔnaim dɛn de ala se, dɛn yon dɔn dɔn;

Nɛimaya 11:34

na Adid, Zɛboim ɛn Nibalat,

1 Samiɛl 13:18

di ɔda wan go bay Bɛth Orɔn, dɔn di tɔd grup go to di bɔda oba di Zɛboim Vali ɔpozit di ɛmti land we pɔsin nɔ go ebul tap.

Ditarɔnɔmi 34:3

I sho am di ɔt ɛn dray ples na Juda ɛn di flat grɔn dɛn, dat na di Jɛriko Vali, di Pam Tik Siti, te rich Zoa.

Jɛrimaya 48:34

“Ɛshbɔn ɛn Ɛlealɛ ala lawd lawd wan; dɛn yɛri as fa as Jaaz, frɔm Zoa to Oronaim ɛn Ɛglat Shɛlishia. Bikɔs di watasay dɛm na Nimrim dɔn tɔn ɛmti ples.

Jɛnɛsis 13:12

Ebram bin lɛf na Kenan, bɔt Lɔt in go bil in tɛnt ɛn tap nia Sɔdɔm we na wan pan di big siti dɛn na di vali.