Jɛnɛsis 13:8 - Krio Fɔs Oli Baybul

⁸ So Ebram tɛl Lɔt se, “Mi ɛn yu na fambul, lɛ wi nɔ mek plaba; yu man dɛn ɛn mi yon dɛn nɔ fɔ de mek plaba.

Jɛnɛsis 13:8 Referans Kwoze

Apɔsul Dɛn Wok 7:26

Wan ɔda de Mozis mit tu Izrɛl man dɛn de fɛt. Wɛn i go fɔ pat dɛn tu, i tɛl dɛn se, ‘Mi pipul dɛn, una lɛf fɔ fɛt bikɔs una tu na brɔda. Wetin mek una de fɛt una kɔmpin?’

Di Sam Dɛm 133:1

I fayn ɛn i swit wɛn PAPA GƆD in pipul gɛda wit wan at fɔ wɔship am.

Pita In Sɛkɛn Lɛta 1:7

Pantap dat, una fɔ de ɛp una kɔmpin Kristiɛn dɛn, ɛn una nɔ fɔ jɛs de ɛp dɛn nɔmɔ, una fɔ lɛk dɛn; na ɔl dɛn tin ya una fɔ de du pantap di biliv we una biliv pan Krays.

Pita In Fɔs Lɛta 4:8

Bɔt di tin we pas ɔl, na fɔ mek una lɛk una kɔmpin wit ɔl una at, bikɔs dɛn pipul we lɛk dɛnsɛf kin rɛdi ɔltɛm fɔ padin dɛn kɔmpin wɛn dɛn kɔmpin du dɛn bad.

Pita In Fɔs Lɛta 3:8

Di las tin we a gɛt fɔ tɛl una, na fɔ lɛ una ɔl gɛt wanwɔd, ɛn wan at; una fɔ lɛk unasɛf lɛkɛ brɔda ɛn sista, una fɔ gɛt sɔri at fɔ una kɔmpin ɛn una nɔ fɔ de mek prawd pan una kɔmpin.

Lɛta Fɔ Rom 12:10

Una fɔ lɛk una kɔmpin gud, lɛkɛ aw Kristiɛn brɔda dɛn fɔ lɛk dɛnsɛf; una fɔ want fɔ rɛspɛkt una kɔmpin.

Prɔvabs 20:3

Fɔ kip to yu rɛspɛkt, nɔ de miks pan plaba; fɔ di plaba in yon say, lɛf am gi dɛn fulman.

Prɔvabs 15:1

We pɔsin vɛks, if yu tɔk fayn to am, i nɔ go vɛks igen; bɔt if yu gi am bakansa, yu go mek i vɛks mɔ.

Jɛnɛsis 45:24

I sɛn in brɔda dɛn go; ɛn we dɛn de go, i tɛl dɛn mek dɛn nɔ mek plaba na rod.

Jɔn In Fɔs Lɛta 4:7

Mi padi dɛn we a lɛk, una mek wi lɛk wi kɔmpin bikɔs na Gɔd put lɛk na mɔtalman at. Ɛni bɔdi we lɛk in kɔmpin na Gɔd yon pɔsin ɛn i no Gɔd.

Pita In Fɔs Lɛta 2:17

Una fɔ rɛspɛkt ɔlman, lɛk una kɔmpin Kristiɛn dɛn, fred Gɔd, ɛn rɛspɛkt di man we de rul oba ɔl dɛn ɔda rula dɛn.

Pita In Fɔs Lɛta 1:22

Naw we una de fala dɛn tru tin we dɛn lan una bɔt Jizɔs Krays, we mek una dɔn lɛf fɔ du bad, ɛn mek una layf dɔn klin, ɛn mek una lɛk una kɔmpin Kristiɛn dɛn fɔ tru, una fɔ lɛk dɛn naw wit ɔl una at.

Di Ibru Pipul Dɛn 13:1

Una we na brɔda bikɔs una ɔl na Krays in pikin dɛn, una fɔ lɛk una kɔmpin dɛn ɔltɛm.

Di Ibru Pipul Dɛn 12:14

Una tray mek una nɔ mek plaba wit ɛnibɔdi, ɛn una tray fɔ liv klin layf ɔltɛm, bikɔs nɔbɔdi nɔ go si Gɔd na ɛvin pas in layf klin.

Fɔs Lɛta Fɔ Tɛsalonayka 4:9

Nid nɔ de fɔ rayt tɛl una aw una fɔ lɛk una kɔmpin Kristiɛn dɛn, bikɔs Gɔd insɛf dɔn lan una dat.

Lɛta Fɔ Filipay 2:14

Una nɔ fɔ grɔmbul ɛn una nɔ fɔ agyu wɛn una de du ɛnitin,

Matyu 5:9

“Dɛn wan we de mek pis fɔ pipul, gɛt blɛsin, bikɔs Gɔd go mek dɛn bi in pikin dɛn!

Prɔvabs 15:18

Shɔtat pɔsin kwik fɔ mek plaba, bɔt yu at fɔ vɛks de mek pis.

Ɛksodɔs 2:13

Di nɛks de we Mozis go waka bak, i se tu Ibru man dɛn de fɛt, nain i aks di wan we rɔŋ wetin mek i de fɛt in yon kɔntri man.

Jɛnɛsis 13:9

Di land bɔku, so, duya, lɛ wi pat kɔmpin. Pik ɛnisay we yu want na di kɔntri. If yu go lɛft mi go go rayt, if yu go rayt mi go go lɛft.”

Jɛnɛsis 46:34

dɛn fɔ ansa am se dɛn dɔn de mɛn animal frɔm we dɛn smɔl jɛs lɛkɛ aw dɛn dadi dɛn bin de du. Da tɛm de, i go gri fɔ mek dɛn tap na Goshɛn, bikɔs di Ijipshian dɛn nɔ lɛk ɛnibɔdi we de mɛn ship.

Jɛnɛsis 14:14

We Ebram yɛri se dɛn dɔn kech in brɔda in pikin, i tek di tri ɔndrɛd ɛn etin man dɛn nain os we bin dɔn tren fɔ fɛt, ɛn dɛn rɔnata di fo kiŋ dɛn sote rich Dan.

Di Jɔj Dɛm 9:26

Ibɛd in bɔypikin we nem Gal, bin go tap wit in pipul dɛn na Shɛkɛm; di Shɛkɛm man dɛn bin biliv ɛn rɛspɛkt am.