Jɛnɛsis 13:2 - Krio Fɔs Oli Baybul

² Ebram na bin jɛntri man. I bin gɛt ship, got, ɛn kaw dɛn, wit silva ɛn gold.

Jɛnɛsis 13:2 Referans Kwoze

Jɛnɛsis 24:35

I tɔk aw PAPA GƆD dɔn blɛs in masta, ɛn aw i dɔn mek i bi jɛntri man. PAPA GƆD gi am bɔku bɔku ship, kaw, silva, gold, wokman ɛn wokuman dɛn wit kamɛl ɛn dɔŋki.

Prɔvabs 10:22

Na PAPA GƆD in gres de mek yu jɛntri, i lɛk yu wok traŋa te yu nɔ go jɛntri.

Job 1:3

I bin gɛt sɛvin tawzin ship, tri tawzin kamɛl, wan tawzin man kaw we i kin yuz fɔ wok na fam, ɛn fayv ɔndrɛd uman dɔŋki wit bɔku bɔku wokman dɛn, so dat nɔbɔdi nɔ bin de we tap na di ist, we jɛntri pas am.

Ditarɔnɔmi 8:18

I se dɛn fɔ mɛmba se na PAPA GƆD we na dɛn GƆD mek dɛn ebul gɛt ɔl wetin dɛn gɛt, so dɛn go no se i nɔ fɔgɛt di swɛ we i bin swɛ to dɛn fɔstɛm-papa dɛn, te di tɛm we dɛn bin de rayt dis buk.

Fɔs Lɛta To Timoti 4:8

I gud fɔ tren di bɔdi, bɔt fɔ tren di spirit gud pas ɔl, bikɔs i go ɛp yu na dis layf ɛn na da layf we go de sote go.

Matyu 6:33

Una fɔ put una at gud pan dɛn tin we impɔtant na di say we Gɔd de rul ɛn du di rayt tin we Gɔd want una fɔ du fɔs, da tɛm de i go gi una ɔl dɛn tin ya.

Job 1:10

I se PAPA GƆD dɔn mek i nɔ ebul du in, in famili ɛn ɔl wetin i gɛt natin. I se PAPA GƆD dɔn mek bɛtɛ de fala Job pan ɔl wetin i de du ɛn dɔn gi am animal dɛn ɔlɔbɔt na di land.

1 Samiɛl 2:7

PAPA GƆD de mek yu po ɔ i gi yu jɛntri; nain de put yu dɔŋ ɔ es yu ɔp.

Jɛnɛsis 12:16

Fɔseka am, di kiŋ trit Ebram fayn ɛn i gi am bɔku ship, kaw, man ɛn uman dɔŋki, man ɛn uman slev ɛn kamɛl dɛn.

Jɛnɛsis 13:6

Di ples bin kam tayt fɔ dɛn tu fɔ tap togɛda, bikɔs dɛn bin gɛt bɔku bɔku animal dɛn.

Jɛnɛsis 24:1

Ebraam bin dɔn ol bad bad wan ɛn PAPA GƆD blɛs am pan ɔl wetin i bin de du.

Jɛnɛsis 30:43

Jekɔb du so, te ɛn gɛt bɔku ship, got. I jɛntri ɛn gɛt bɔku slev, kamɛl ɛn dɔŋki dɛn.

Jɛnɛsis 26:14

Bikɔs i bin gɛt bɔku, bɔku got, ship, kaw ɛn wokman dɛn, di Filistin dɛn bigin jɛlɔs am,