Jɛnɛsis 13:11 - Krio Fɔs Oli Baybul

¹¹ Lɔt bin pik di wanol Jɔdan Vali fɔ insɛf, ɛn i bin go na di istɛn say. Na so dɛn tu pipul ya tek pat kɔmpin.

Jɛnɛsis 13:11 Referans Kwoze

Jɛnɛsis 13:9

Di land bɔku, so, duya, lɛ wi pat kɔmpin. Pik ɛnisay we yu want na di kɔntri. If yu go lɛft mi go go rayt, if yu go rayt mi go go lɛft.”

Pita In Fɔs Lɛta 2:17

Una fɔ rɛspɛkt ɔlman, lɛk una kɔmpin Kristiɛn dɛn, fred Gɔd, ɛn rɛspɛkt di man we de rul oba ɔl dɛn ɔda rula dɛn.

Di Ibru Pipul Dɛn 10:25

Una lɛ wi nɔ tap fɔ de mit, lɛ wi nɔ fala dɛn pipul we nɔ de gri fɔ go mitin. Bɔt una lɛ wi de kɔrej wi kɔmpin dɛn, mɔ igen we wi no se di De we wi Masta go kam bak de kam jisnɔ.

Prɔvabs 27:10

Nɔ fɔgɛt yu padi ɛn yu papa in padi; wɛn yu gɛt prɔblɛm nɔ se yu de go fɛn fambul fɔ ɛp yu; gud neba bɛtɛ pas fawe fambul.

Di Sam Dɛm 119:63

Ɔl udat gɛt fred fɔ yu, we de fala yu, na mi padi.

Di Sam Dɛm 16:3

As fɔ dɛn wan we de fala PAPA GƆD, we de na dis land, a de ɛnjɔy fɔ si wetin PAPA GƆD de du fɔ dɛn.

Jɛnɛsis 13:14

We Lɔt dɔn go, PAPA GƆD tɛl Ebram se, “Es yu ed ɔp ɛn luk nɔth, sawt, ist ɛn wɛst.

Jɛnɛsis 19:17

We di enjɛl dɛn dɔn pul dɛn kɔmɔt de, wan pan di enjɛl ala se, “Una rɔn fɔ una layf! Una nɔ luk biɛn ɛn una nɔ tinap na di vali. Una rɔn go na dɛn il fɔ lɛ una nɔ go day.”

Jɛnɛsis 13:10

So Lɔt es in ed ɔp ɛn luk rawnd. I si se di flat grɔn na Jɔdan, sote go Zoa bin fayn ɛn gɛt plɛnti wata lɛkɛ da ples we PAPA GƆD mek fɔ Adam ɔ lɛkɛ di land na Ijipt. Dis na bifo PAPA GƆD dɔnawe wit Sɔdɔm ɛn Gomɔra.

Jɛnɛsis 13:12

Ebram bin lɛf na Kenan, bɔt Lɔt in go bil in tɛnt ɛn tap nia Sɔdɔm we na wan pan di big siti dɛn na di vali.

Izikɛl 47:18

Na di ist say, di bawndri go kɔmɔt frɔm Azarɛnɔn, we de bitwin Oran ɛn Damaskɔs; i go go bay Jɔdan, bitwin Gilyad ɛn di Izrɛl land; to di istɛn si te rich Tama, na dat go bi di ist say.