Jɛnɛsis 12:7 - Krio Fɔs Oli Baybul

⁷ PAPA GƆD apia to Ebram, dɔn i tɛl am se, “Na dis kɔntri a go gi yu ɛn yu jɛnareshɔn dɛn.” So Ebram bil ɔlta fɔ wɔship PAPA GƆD na da ples de usay i bin apia to am.

Jɛnɛsis 12:7 Referans Kwoze

Lɛta Fɔ Galeshya 3:16

Una fɔ mɛmba se, Gɔd bin dɔn mek prɔmis to Ebraam ɛn in grampikin pikin plɛnti tɛm. Wɛn wi si “Ebraam in grampikin pikin” na Gɔd in Buk, dat min se Gɔd nɔ bin de tɔk bɔt plɛnti pipul, i bin de tɔk bɔt wan pɔsin, ɛn da pɔsin de na Krays.

Jɛnɛsis 17:8

Dis land we yu de so naw lɛkɛ trenja go blant yu ɛn yu jɛnareshɔn dɛn. A go gi yu jɛnareshɔn dɛn dis wanol Kenan. I go bi dɛn yon sote go, ɛn a go bi dɛn PAPA GƆD.”

Jɛnɛsis 17:1

We Ebram bin ol naynti-nayn ia, PAPA GƆD apia to am ɛn tɛl am se, “Mi na PAPA GƆD Ɔlmayti. Obe mi ɛn du wetin rayt ɔltɛm.

Jɛnɛsis 18:1

PAPA GƆD apia to Ebraam wan aftanun we di san bin tinap. We Ebraam bin sidɔm bifo in tɛnt domɔt nia usay Mamrɛ in ok tik dɛn bin de.

Jɛnɛsis 13:15

A go gi yu ɛn yu jɛnareshɔn ɔl dis land we yu si so, ɛn i go bi una yon sote go.

Jɛnɛsis 13:4

usay i bin dɔn bil ɔlta. Ebram wɔship PAPA GƆD we i rich de.

Jɛnɛsis 13:18

So Ebram muf wit in tɛnt go tap na wan ples we nem Ɛbrɔn nia Mamrɛ in ok tik dɛn. I bil ɔlta de fɔ wɔship PAPA GƆD.

Ɛksodɔs 33:1

PAPA GƆD tɔk to Mozis. I se, “Kɔmɔt na dis ples. Yu ɛn di pipul dɛn we yu pul kɔmɔt na Ijipt, una lɛf yaso ɛn go na di land we a bin prɔmis Ebraam, Ayzak ɛn Jekɔb se a go gi dɛn ɛn dɛn jɛnareshɔn.

Jɛnɛsis 32:30

Jekɔb gi di ples nem Pɛniɛl, bikɔs i se, in dɔn si PAPA GƆD fes to fes ɛn i nɔ day.

Jɛnɛsis 26:25

Ayzak bil ɔlta de ɛn wɔship PAPA GƆD. Dɔn i bil in kamp de, ɛn in wokman dɛn dig ɔda wɛl.

Di Nɔmba Dɛm 32:11

wans dɛn nɔ fala am wit ɔl dɛn at, nɔn pan di man dɛn we dɔn pas twɛnti ia we bin de we dɛn kɔmɔt na Ijipt nɔ go si di land we i bin dɔn swɛ to Ebraam, Ayzak ɛn Jekɔb se i go gi dɛn.

Jɛnɛsis 12:8

Afta dat, Ebram muf go na di sawtɛn pat we na il ɛn bil in tɛnt bitwin Bɛthɛl we de na di wɛst ɛn Ayi we de na di ist. Dɛn i bil ɔlta ɛn wɔship PAPA GƆD de.

Di Ibru Pipul Dɛn 11:13

Ɔl dɛn lɔntɛm pipul ya, we a tɔk bɔt so, bin biliv Gɔd sote dɛn day. Dɛn nɔ bin gɛt ɔl dɛn tin we Gɔd prɔmis dɛn bifo dɛn day, bɔt dɛn bin dɔn si wetin Gɔd go gi dɛn, fawe, ɛn dɛn bin gladi fɔ wetin dɛn si. Dɛn bin no se dɛn na trenja na dis wɔl.

Lɛta Fɔ Rom 9:8

Dat min se dɛn pikin we Gɔd nɔ bin prɔmis se go bɔn, nɔto Gɔd in tru pikin dɛn, bɔt na di pikin dɛn nɔmɔ we Gɔd bin prɔmis Ebraam, na dɛn nain tru pikin dɛn.

Jɛnɛsis 22:9

We dɛn rich na di ples we PAPA GƆD bin dɔn tɛl Ebraam bɔt, i bil di ɔlta ɛn put di wud de. I tay in pikin ɛn put am fɔ lidɔm pantap di wud na di ɔlta.

Jɛnɛsis 17:3

Ebram lidɔm flat wit in fes na grɔn wantɛm. PAPA GƆD se,

Jɛnɛsis 15:18

Da sem tɛm de PAPA GƆD mek Kɔvinant wit Ebram. I se, “A dɔn prɔmis fɔ gi yu jɛnareshɔn ɔl dis kɔntri frɔm di bɔda na Ijipt sote rich na Riva Yufretis,

Lɛta Fɔ Galeshya 4:28

Mi kɔmpin Kristiɛn dɛn, una na Gɔd in pikin dɛn bikɔs na dat i bin dɔn prɔmis, lɛkɛ aw Ayzak bi Ebraam in pikin, bikɔs na dat Gɔd bin dɔn prɔmis.

Ditarɔnɔmi 30:20

ɛn de traŋa wan wit PAPA GƆD we na dɛn PAPA GƆD, de sho am se dɛn lɛk an bay we dɛn de du ɔl wetin i se; bikɔs na da we de dɛn go kɔntinyu fɔ de na dis wɔl ɛn gɛt lɔŋ layf, so dat dɛn go de na di land we PAPA GƆD bin dɔn swɛ to di Izrɛlayt dɛn fɔstɛm-papa dɛn, dat na Ebraam, Ayzak ɛn Jekɔb, se i go gi dɛn.

Ditarɔnɔmi 6:10

Mozis tɛl di Izrɛlayt dɛn se we PAPA GƆD we na dɛn PAPA GƆD go dɔn kɛr dɛn go na di land we i bin dɔn swɛ to dɛn fɔstɛm-papa dɛn, Ebraam, Ayzak ɛn Jekɔb se i go gi dɛn, wit big big ɛn fayn fayn siti dɛn we nɔto dɛn bin bil.

Ditarɔnɔmi 1:8

I se in PAPA GƆD dɔn gi dɛn ɔl di land, so dɛn fɔ go kapchɔ am ɛn tap na di land we PAPA GƆD bin dɔn prɔmis dɛn fɔstɛm-papa dɛn, Ebraam, Ayzak ɛn Jekɔb se i go gi dɛn ɛn dɛn grampikin dɛn we nɔ bɔn yet.

Ɛksodɔs 6:3

A apia to Ebraam, to Ayzak ɛn Jekɔb as PAPA GƆD Ɔlmayti, bɔt a nɔ bin mek dɛn no mi bay mi oli nem.

Jɛnɛsis 33:20

I bil ɔlta de ɛn kɔl am Ɛl-Ɛloe-Izrɛl.

Jɛnɛsis 28:13

PAPA GƆD insɛf bin tinap nia am ɛn tɛl am se, “Mi na PAPA GƆD, Ebraam yu grampa, ɛn Ayzak, yu papa dɛn PAPA GƆD, A go gi yu ɛn yu jɛnareshɔn dɛn dis land usay yu lidɔm so.

Jɛnɛsis 26:3

Nɔ muf na ya naw ɛn a go de wit yu ɛn blɛs yu. A go gi yu ɛn yu jɛnareshɔn ɔl dis land lɛkɛ aw a bin dɔn swɛ to yu papa Ebraam se a go du.

Jɛnɛsis 8:20

Noa bil ɔlta fɔ PAPA GƆD. I tek tu-tri pan di ‘klin’ animal ɛn klin bɔd dɛn, ɛn bɔn dɛn wanol wan fɔ sakrifays pantap di ɔlta.

Apɔsul Dɛn Wok 7:5

Gɔd nɔ bin gi Ebraam ples fɔ de we go bi in yon; i nɔ gi am lili ples sɛf, bɔt i prɔmis am se in go gi am ples, ɛn da ples de go bi Ebraam in yon prɔpati ɛn da prɔpati de go bi Ebraam in grampikin pikin dɛm yon, wɛn Ebraam dɔn day. Ebraam nɔ bin bɔn pikin yet wɛn Gɔd tɛl am dat.

Di Ibru Pipul Dɛn 11:8

Na bikɔs Ebraam bin biliv Gɔd mek i du wetin Gɔd tɛl am fɔ du wɛn Gɔd kɔl am ɛn sɛn am fɔ go na di ples we i prɔmis fɔ gi am. I grap ɛn go, pan ɔl we i nɔ bin no di ples we i de go.

Jɛnɛsis 24:7

PAPA GƆD, we na PAPA GƆD na ɛvin, bin pul mi kɔmɔt na mi papa in os ɛn usay ɔl mi fambul dɛn de, ɛn prɔmis mi se, in go gi mi ɛn mi jɛnareshɔn dɛn dis land ya so. Da sem PAPA GƆD de go sɛn in enjɛl bifo yu, so dat yu go gɛt wɛf fɔ mi pikin yanda.

Ɛksodɔs 6:4

A bin mek Kɔvinant wit dɛn ɛn a prɔmis se a go gi dɛn Kenan, dat na di ples we dɛn bin tap as trenja.

Ɛksodɔs 32:13

I tɛl PAPA GƆD se lɛ i nɔ fɔgɛt da prɔmis we i bin prɔmis in savant dɛn, dat na Ebraam, Ayzak ɛn Jekɔb, we i bin swɛ to insɛf se in go mek dɛn jɛnareshɔn dɛn bɔku lɛkɛ di sta dɛn na di skay ɛn gi dɛn bɔku, bɔku land we go bi dɛn yon sote go.

Ditarɔnɔmi 9:5

I se nɔto bikɔs di Izrɛlayt na gud pipul dɛn ɔ dɛn de du ɔl gud tin de mek PAPA GƆD gi dɛn di land. I se PAPA GƆD de drɛb dɛn pipul dɛn de bikɔs dɛn na bad bad pipul dɛn ɛn i wan kip di prɔmis we i bin dɔn mek to Ebraam, Ayzak ɛn Jekɔb, di Izrɛlayt dɛn fɔstɛm-papa dɛn.

Ditarɔnɔmi 34:4

Nain PAPA GƆD tɛl am se, na di land dawande we i bin swɛ to Ebraam, Ayzak ɛn Jekɔb se i go gi dɛn jɛnareshɔn. I tɛl am se, I dɔn mek i si am wit in yay, bɔt i nɔ go gri mek i go de.

1 Kronikuls 16:16

Di Kɔvinant we i mek wit Ebraam; di swɛ we i swɛ to Ayzak,

Jɛnɛsis 13:17

Naw, go luk ɔl di land, bikɔs a de kam gi yu ɔl.”

Jɛnɛsis 28:4

Mek PAPA GƆD mek di blɛsin we i bin dɔn gi Ebraam fala yu ɛn yu gret grampikin dɛn, ɛn mek dis land we wi de so naw as trenja bi yu yon bikɔs PAPA GƆD bin dɔn gi Ebraam!”

Jɛnɛsis 35:7

I bil ɔlta de ɛn gi di ples nem Ɛl-Bɛthɛl, bikɔs na de PAPA GƆD bin apia to am di tɛm we i bin de rɔnawe pan in brɔda.

Jɛnɛsis 35:12

A go gi yu di land we a bin gi Ebraam ɛn Ayzak, ɛn a go gi am to yu ɛn yu jɛnareshɔn dɛn.”

Jɛnɛsis 50:24

I tɛl in brɔda dɛn se, in kin day ɛnitɛm da tɛm de, bɔt PAPA GƆD go luk dɛn ɛn pul dɛn kɔmɔt na Ijipt ɛn kɛr dɛn go saful wan usay i bin dɔn prɔmis Ebraam, Ayzak ɛn Jekɔb.

Ɛksodɔs 17:15

Mozis bil ɔlta na da ples de ɛn gi di ɔlta nem “Jiova Nisi.”

Ɛksodɔs 24:4

Mozis insɛf rayt dɔŋ ɔl wetin PAPA GƆD se. Mozis grap ali mɔnin ɛn tek twɛlv ston bil ɔlta dɔŋ di mawnten. Ich ston bin de rɛprizɛnt wan pan di twɛlv fambul dɛn na Izrɛl.

Di Nɔmba Dɛm 26:53

na bay di nɔmba we ɛni wan fambul gɛt fɔ sheb di land we fɔ bi dɛn prɔpati.

Jɔshwa 1:6

PAPA GƆD tɛl Jɔshwa se i fɔ tinap lɛkɛ man, bikɔs nain go gɛt fɔ de bifo di pipul dɛn fɔ go kapchɔ di land we in PAPA GƆD bin dɔn swɛ to dɛn fɔstɛm-papa dɛn se, in go gi dɛn.

Jɔshwa 8:30

Afta sɔn tɛm, Jɔshwa mek dɛn bil wan ɔlta fɔ PAPA GƆD we na Izrɛl dɛn PAPA GƆD na Mawnt Ebal.

Jɔshwa 22:10

We di Rubɛn, di Gad ɛn af di Manasɛ fambul dɛn bin de na rod de go na dɛn yon land we PAPA GƆD bin gi dɛn, dɛn bil wan big fayn fayn ɔlta na Gɛlilɔth nia Riva Jɔdan bifo dɛn krɔs di riva.

Di Jɔj Dɛm 6:24

So Gidiɔn bil wan ɔlta de fɔ PAPA GƆD ɛn kɔl am, PAPA GƆD na pis. I de te tide na Ofrɔ we blant di Abieza famili.

1 Samiɛl 7:17

I kin go te bɔt i mɔs kam bak na Rama usay i bɔn ɛn i bin rul Izrɛl de bak. Na de i bil ɔlta fɔ PAPA GƆD.

2 Samiɛl 24:25

Devid bil di ɔlta fɔ PAPA GƆD de ɛn bɔn animal dɛn as sakrifays ɛn mek pis sakrifays. Dɛn PAPA GƆD ansa in prea fɔ di land ɛn mek di sik we de kil pipul na Izrɛl tap.

1 Kiŋ 18:32

I bil ɔlta wit di twɛlv ston fɔ PAPA GƆD. I dig ol rawnd di ɔlta we go tek lɛkɛ fo galɔn wata.

1 Kronikuls 16:18

we i se “A go gi una kenan land nain go bi una yon prɔpati.”

2 Kronikuls 20:7

Nɔt to yu we na wi Gɔd drɛb di wan dɛm we bin tap na dis land fɔ seka yu pipul dɛn we na Izrɛl; ɛn bin gi am to yu padi Ebraam in pikin dɛm se te go?

2 Kronikuls 20:11

luk naw, di pe we dɛn gi wi, na fɔ kam drɛb wi kɔmɔt na yu land we yu bin dɔn gi wi as wi yon prɔpati.

Ɛzra 3:2

Nain Jozadak in bɔypikin Jɛshwa wit in kɔmpin man dɛn we de mek sakrifays ɛn Shialtiɛl in bɔypikin Zɛrubabɛl ɛn in famili bigin fɔ bil Izrɛl dɛn PAPA GƆD in ɔlta fɔ lɛ dɛn go de bɔn animal as sakrifays to PAPA GƆD de, jɛs lɛkɛ aw di lɔ we PAPA GƆD gi Mozis bin se.

Jɛrimaya 3:18

Dɛn tɛm dɛn de, di Juda fambul go jɔyn wit di Izrɛl fambul, ɛn una go kɔmɔt na di land na di nɔt togɛda, go na di land we a bin gi una fɔstɛmpapa dɛm as dɛn yon prɔpati.