Jɛnɛsis 12:6 - Krio Fɔs Oli Baybul

⁶ Ebram waka insay di kɔntri te i rich Shɛkɛm, usay di oli tik na Mɔrɛ de. Da tɛm de di Kenan pipul dɛn bin stil tap na di kɔntri.

Jɛnɛsis 12:6 Referans Kwoze

Di Ibru Pipul Dɛn 11:9

Na bikɔs Ebraam bin biliv Gɔd mek i bin go na di ples we Gɔd prɔmis fɔ gi am, i bin tap na bafa lɛkɛ trenja. Na bafa Ebraam, Ayzak ɛn Jekɔb bin tap, bikɔs na to dɛn Gɔd bin mek di prɔmis.

Ditarɔnɔmi 11:30

I se dɛn fɔ no dɛn tu mawnten de we de na di wɛst pat na Riva Jɔdan, di Kenanayt dɛn land na di Riva Jɔdan Vali. I se di mawnten dɛn de we yu de go to dɛn big big tik na Mɔrɛ, we sɔm pipul biliv se gɛt pawa. Dat na lɛk we yu de go Gilgal.

Jɛnɛsis 35:4

So dɛn gi Jekɔb ɔl dɛn tin dɛn we dɛn bin de wɔship ɛn dɛn yerin dɛn ɛn i bɛr dɛn ɔnda wan big Ok tik nia Shɛkɛm.

Di Jɔj Dɛm 7:1

Jerubabɛl, (dat na Gidiɔn) ɛn ɔl di pipul dɛn we bin go wit am, grap ali mɔnin go kamp na Arɔd watasay usay wata de kɔmɔt ɔnda grɔn. Di Midianayt dɛn yon kamp bin de nɔth to dɛn yon, dat nainsay di vali nia Morɔ Il.

Jɛnɛsis 13:7

Plaba bigin bi bitwin Lɔt in wokman dɛn ɛn Ebram in yon wokman dɛn bɔt usay fɔ fid di animal dɛn. Da tɛm de di Kenanayt ɛn di Pɛrizayt dɛn bin stil de na di kɔntri.

Apɔsul Dɛn Wok 7:16

Dɛn kɛr dɛn dedebɔdi go bɛr dɛn na Shɛkɛm na di grev we Ebraam bin bay to Amɔ in bɔy pikin dɛn.

Jɔn 4:5

I rich na wan tɔŋ we nem Sayka we de na Sameria, di tɔŋ bin de klos di fam we Jekɔb bin gi in pikin we nem Josɛf.

1 Kiŋ 12:1

Rɛoboam go na Shɛkɛm ɛn na de ɔl di Izrɛlayt dɛn bin dɔn gɛda fɔ mek am kiŋ.

Di Jɔj Dɛm 9:1

Gidiɔn in bɔypikin we nem Abimɛlɛk, go Shɛkɛm to in yon mama in pipul dɛn go tɛl dɛn se,

Jɔshwa 24:32

Lɔntɛm bifo Izrɛl bin go tap na Ijipt, wan pan di Izrɛlayt dɛn fɔstɛmpapa we bin nem Jekob, bin bay wan lɔt, wan ɔndrɛd silva kɔpɔ, na Amɔ we na Shɛkɛm in papa, in jɛnareshɔn dɛn an. We di Izrɛlayt dɛn bin de kɔmɔ na Ijipt, dɛn bin tek Josɛf in bon bon kɔmɔ de. I bin de wit dɛm pan ɔl di waka dɛn we dɛn bin de waka. So dɛn bɛr am na da lɔt de we Jekob bin bay na Shɛkɛm.

Jɔshwa 20:7

So, na di wɛst pat to Riva Jɔdan, dɛn pik Kɛdɛsh we de na Galili we de na di mawnten na Naftali, Shɛkɛm we de na di mawnten na Ifrem ɛn Ɛbrɔn we de na di il dɛn na Juda.

Jɛnɛsis 34:2

Bɔt we Shɛkɛm si am i kech am ɛn rep am. Shɛkɛm na Amɔ, da Itayt chif in bɔypikin.

Jɛnɛsis 33:18

Jekɔb ɛn in famili rich sef wan na Shɛkɛm, we na wan big siti na Kenan dɔn i bil in tɛnt nia di big siti.

Jɛnɛsis 10:15

Kenan na di papa fɔ Saydɔn, we na bin di fɔs wan pan dɛn Itayt,

1 Kiŋ 12:25

Kiŋ Jɛroboam bil militri bes na Shɛkɛm we de ɔp di il na Ifrem bikɔs na de i bin tap. Wɛn i lɛf de i go na Pɛniɛl ɛn go bil ɔda bes de.

Di Sam Dɛm 60:6

PAPA GƆD bin de nain os ɛn tɔk se “Bikɔs a pawaful, a go sheb di siti we nem Shɛkɛm dɔn a go patishɔn ‘Sɔkɔt Vali.’

Jɛnɛsis 34:30

Jekɔb tɛl Simiɔn ɛn Livay se dɛn dɔn put am pan waala. I se di Kenanayt dɛn, di Pɛrizayt dɛn, ɛn ɔlman we de na di kɔntri nɔ go luk am wit bɛtɛ yay. I se dɛn nɔ bɔku ɛn if di pipul dɛn disayd fɔ fɛt dɛn, dɛn go dɔnawe wit dɛn.

Ozie 6:9

Lek we tifman dɛn kin le ambush fɔ pipul dɛn, na so di man dɛn we de mek sakrifays fɔ pipul sin dɛn kin de tayt wan; dɛn kin atak ɛn kil pipul we de na di rod fɔ go fɔ go mek sakrifays na Shɛkɛm. Na soso bad bad tin dɛn du.