Jɛnɛsis 12:2 - Krio Fɔs Oli Baybul

² A go mek yu jɛnareshɔn bɔku te dɛn bi wanol neshɔn. A go blɛs yu ɛn mek yu femɔs, ɛn yu go bi blɛsin to ɔda pipul dɛn.

Jɛnɛsis 12:2 Referans Kwoze

2 Samiɛl 7:9

in dɔn de wit am ɔl di tɛm ɛn dɔn ivin dɔnawe wit Devid in ɛnimi dɛn fɔ am. I se i go mek Devid femɔs lɛk ɛni ɔda femɔs pɔsin na di wɔl.

Lɛta Fɔ Galeshya 3:14

Krays du dat so dat wetin i dɔn du go mek Gɔd gi dɛn pipul we nɔto Ju di sem blɛsin we i bin prɔmis Ebraam ɛn dat go mek Gɔd gi dɛn pipul we biliv pan am, in Spirit we i bin dɔn prɔmis.

Jɛnɛsis 18:18

nain gɛt fɔ bi di papa fɔ big, big neshɔn dɛn ɛn nain go mek ɔl dɛn neshɔn na wɔl gɛt dɛn blɛsin.

Jɛnɛsis 35:11

PAPA GƆD tɛl am se, “Mi na PAPA GƆD Ɔlmayti. Bɔn bɔku bɔku pikin we go de ɔlsay na di wɔl. Yu go bi papa fɔ bɔku dɛn neshɔn dɛn, kiŋ dɛn go de insay yu jɛnareshɔn.

Jɛnɛsis 46:3

Nain PAPA GƆD se, “Mi na PAPA GƆD, yu papa in PAPA GƆD. Nɔ fred fɔ go dɔŋ na Ijipt. A go mek yu jɛnareshɔn bi big big neshɔn de.

Jɛnɛsis 26:4

A go mek yu jɛnareshɔn dɛn bɔku lɛk di sta dɛn de na di skay, ɛn a go gi dɛn dis wanol ples. Na tru dɛn ɔl dɛn ɔda neshɔn go gɛt blɛsin.

Jɛnɛsis 24:35

I tɔk aw PAPA GƆD dɔn blɛs in masta, ɛn aw i dɔn mek i bi jɛntri man. PAPA GƆD gi am bɔku bɔku ship, kaw, silva, gold, wokman ɛn wokuman dɛn wit kamɛl ɛn dɔŋki.

Lɛta Fɔ Galeshya 3:7

Una fɔ no se dɛn pipul we biliv Gɔd na Ebraam in grampikin pikin dɛm.

Ɛksodɔs 1:7

Bɔt dɛn yon jɛnareshɔn dɛn we na di Izrɛlayt dɛn, bin dɔn bɔn bɔku bɔku pikin dɛn. Dɛn bin so bɔku ɛn dɛn de ɔlɔbɔt na di kɔntri.

Jɛnɛsis 13:16

A go mek yu jɛnareshɔn bɔku lɛkɛ sansan; if dɛn ebul kɔnt sansan, dɛn, dɛn go ebul kɔnt dɛn.

Jɛnɛsis 15:5

So PAPA GƆD kɛr Ebram go na do ɛn tɛl am se, “Luk ɔp di skay ɛn tray fɔ kɔnt di sta dɛn; lɛkɛ aw di sta dɛn bɔku so na so yu jɛnareshɔn dɛn go tan.”

Ditarɔnɔmi 26:5

Dɔn dɛn go tinap bifo di ɔlta ɛn tɔk bifo PAPA GƆD we na dɛn PAPA GƆD se, dɛn fɔstɛmpapa na bin Aramian man we bin jɔs de waka waka ɔlsay na di wɔl. So i waka waka te in ɛn tu tri in fambul dɛn, go Ijipt go tap de, bɔt dɛn nɔ bin bɔku. Bɔt dɛn bin kam bɔku aftawɔd lɛkɛ anch, ɛn ɔlman bin yɛri bɔt dɛn ɛn bin bigin fred dɛn.

Ɛksodɔs 32:10

so, lɛf mi saful lɛ a dil wit dɛn ɛn dɔnawe wit dɛn. Fɔ yu yon say, a go mek yu ɛn yu jɛnareshɔn dɛn tɔn to wanol neshɔn.”

Jɛnɛsis 28:14

Yu jɛnareshɔn dɛn go bɔku lɛkɛ dɔti na grɔn ɛn dɛn go de na di ist, wɛst, nɔth ɛn sawt. Na yu ɛn yu jɛnareshɔn go mek ɔl dɛn ɔda neshɔn gɛt dɛn blɛsin.

Jɛnɛsis 27:29

Mek bɔku neshɔn dɛn sav yu, ɛn lɛ pipul dɛn baw bifo yu. Mek yu rul oba yu brɔda dɛn ed, ɛn mek yu mama in jɛnareshɔn dɛn ɔl baw bifo yu. Mek swɛ de pan ɛniwan we go swɛ yu, ɛn mek PAPA GƆD blɛs dɛn wan we go blɛs yu.”

Jɛnɛsis 19:29

We PAPA GƆD bin wan pwɛl di siti dɛn we de na di vali usay Lɔt bin tap, i mɛmba Ebraam ɛn na dat mek i sev Lɔt ɛn nɔ mek natin du am.

Lɛta Fɔ Rom 4:11

Afta Gɔd dɔn luk Ebraam se na pɔsin we de waka tret, nain Ebraam sakɔmsayz. Di sakɔmsayz we Ebraam sakɔmsayz na bin di sayn fɔ sho se Gɔd dɔn luk se na pɔsin we de waka tret, bifo i sakɔmsayz, bikɔs Ebraam bin biliv am. So Ebraam na di papa fɔ ɔl dɛn pipul we biliv Gɔd, we Gɔd luk se na pipul we de waka tret, pan ɔl we dɛn nɔ sakɔmsayz.

Di Nɔmba Dɛm 14:12

Naw a go sɛn bad bad sik pan dɛn ɛn dɔnawe wit dɛn, bɔt yu, a go mek yu gɛt pikin dɛn we go bi wanol neshɔn ɛn yu go pawaful pas dɛn.

1 Kiŋ 1:47

I se di kiŋ in wokman dɛn ɔl dɔn go kɔŋratyulet Kiŋ Devid ɛn tɛl am se lɛ PAPA GƆD mek Sɔlɔmɔn in nem go ɔlɔbɔt na wɔl ɛn femɔs pas in di Devid. Di kiŋ sidɔm nain bed ɛn baw in ed ɛn wɔship PAPA GƆD. I se,

Mayka 7:20

PAPA GƆD go biev lɛk aw i bin de biev to Jekɔb, sho in lɔv we nɔ de dɔn to Ebram, jɛs lɛk aw i bin dɔn prɔmis dɛn fɔstɛm-papa dɛn se i go du.

Jɛnɛsis 18:19

A dɔn pik am fɔ tɛl in jɛnareshɔn dɛn fɔ obe mi ɛn du wetin rayt ɛn tret wit mi. Dat go mek misɛf du ɔl wetin a bin prɔmis am.”

Jɛnɛsis 24:1

Ebraam bin dɔn ol bad bad wan ɛn PAPA GƆD blɛs am pan ɔl wetin i bin de du.

Jɛnɛsis 25:11

Afta Ebraam dɔn day, PAPA GƆD blɛs Ayzak we bin tap na Bia-laay-rɔy.

Jɛnɛsis 26:3

Nɔ muf na ya naw ɛn a go de wit yu ɛn blɛs yu. A go gi yu ɛn yu jɛnareshɔn ɔl dis land lɛkɛ aw a bin dɔn swɛ to yu papa Ebraam se a go du.

Di Nɔmba Dɛm 22:12

Bɔt PAPA GƆD tɛl Belam se, “Nɔ go wit di mɛsenja dɛn. Yu nɔ go ebul ib swɛ pan dɛn pipul de bikɔs dɛn gɛt blɛsin.

Di Nɔmba Dɛm 23:20

I dɔn tɛl mi se na blɛs a fɔ blɛs in dɔn blɛs ɛn mi nɔ fɔ chenj am.

Di Sam Dɛm 107:38

i blɛs dɛn ɛn dɛn bɔn bɔku pikin, ɛn PAPA GƆD nɔ mek dɛn animal dɛn day.

Izikɛl 34:26

Ɛn a go mek dɛm ɛn di ples dɛn rawnd mi il bi wan blɛsin; ɛn a go mek ren fɔdɔm ren sizin tɛm; ɛn i go bi blɛsin ren.

Zɛkaraya 8:13

I se pipul bin de yus dɛn nem we dɛn de swɛ ɔda pipul, bɔt naw na dɛn sem pipul de go yus nem fɔ blɛs pipul dɛn bikɔs in go sev dɛn ɛn i go mek pipul de kɔl Juda ɛn Izrɛl dɛn nem we dɛn wan blɛs ɔda pipul. I se, mek dɛn nɔ fred, lɛ dɛn pik ɔp zil nɔmɔ.

Jɛnɛsis 17:20

Fɔ Ishmɛl in yon say, a dɔn yɛri wetin yu se. A go blɛs insɛf, ɛn gi am bɔku pikin dɛn ɛn mek insɛf yon jɛnareshɔn bɔku. I go gɛt twɛlv bɔypikin dɛn we go rul, ɛn a go mek am bi di papa fɔ big big neshɔn dɛn.

Job 35:8

Na yu kɔmpin mɔtalman go sɔfa if yu du bad, ɛn nain semwan go ɛnjɔy if yu du gud.

Ayzaya 51:2

Luk to Ebran yu we na yu dadi ɛn to Sera we bɔn yu; bikɔs na we na bin in wangren, a bin kɔl am ɛn a blɛs am ɛn mek i plɛnti.