Jɛnɛsis 11:8 - Krio Fɔs Oli Baybul

⁸ So PAPA GƆD skata dɛn ɔlsay na di wɔl, ɛn dɛn tap fɔ bil di big siti.

Jɛnɛsis 11:8 Referans Kwoze

Lyuk 1:51

I dɔn sho se in gɛt pawa, i dɔn kɔnfyus dɛn wan we prawd ɛn mek dɛn rɔnawe ɛn pwɛl ɔl wetin dɛn bin mekɔp fɔ du.

Ditarɔnɔmi 32:8

We PAPA GƆD Ɔlmayti gi neshɔn dɛn prɔpati, we i de sɛpret difrɛn difrɛn pipul dɛn, i sho ɔlman usay dɛn fɔ de akɔdin to aw di difrɛn fambul dɛn na Izrɛl plɛnti.

Jɛnɛsis 10:32

Ɔl dɛn pipul ya so na Noa in jɛnareshɔn dɛn, dɛn bin de bay dɛn yon neshɔn, bay usay dɛn kɔmɔt. Na frɔm dɛn wan ya ɔlman kam na di wɔl afta di flɔd.

Jɛnɛsis 10:25

Eba bin gɛt tu bɔypikin dɛn: wan nem Pɛlɛg, bikɔs nain tɛm di pipul dɛn na di wɔl bin sheb dɛnsɛf bay dɛn laŋwej; ɛn di ɔda wan nem Joktan.

Jɛnɛsis 11:9

Na dat mek di siti nem Bebɛl, bikɔs na de PAPA GƆD miksɔp dɛn laŋwej, ɛn na de i skata dɛn go ɔlsay na di wɔl.

Jɛnɛsis 11:4

Dɛn se, “Lɛ wi bil wan big siti we gɛt tawa we go rich ɔpskay, so wi go mek nem fɔ wisɛf ɛn wi nɔ go skata ɔlsay na di wɔl.”

Jɛnɛsis 49:7

Swɛ go de pan dɛn bikɔs dɛn vɛks wan nɔ gud fɔ si. A go mek dɛn jɛnareshɔn skata ɔlsay na Izrɛl ɛn dɛn nɔ go tap bay dɛnsɛf.

Di Sam Dɛm 92:9

PAPA GƆD wi no se yu ɛnimi dɛn go rɔndɔŋ; wi no se ɔl udat de mɛmba bad fɔ yu go rɔnawe we yu dɔn bit dɛn dɔn.

Jɛnɛsis 10:5

Dɛn pipul ya, we na Jefɛt in yon jɛnareshɔn na bin di grampa dɛn fɔ di pipul dɛn we bin de na di kost ɛn ayland dɛn. Dɛn bin gɛt dɛn yon kɔntri, ɛn ɔlman bin de tɔk difrɛn laŋwej wit in yon pipul dɛn.

Di Sam Dɛm 33:10

PAPA GƆD nɔ de mek wetin pipul plan bi wans nɔto wetin in want dɛn fɔ du.