Jɛnɛsis 11:7 - Krio Fɔs Oli Baybul

⁷ Lɛ wi go dɔŋ go miksɔp dɛn laŋwej so dat dɛn nɔ go ebul fɔ ɔndastand dɛnsɛf.”

Jɛnɛsis 11:7 Referans Kwoze

Di Sam Dɛm 33:10

PAPA GƆD nɔ de mek wetin pipul plan bi wans nɔto wetin in want dɛn fɔ du.

Di Sam Dɛm 55:9

PAPA GƆD, duya kɔnfyus di ɛnimi dɛn plan. A de si di kayn trɔbul we gɛt fɔ de na di siti.

Jɛnɛsis 1:26

Dɛn PAPA GƆD se, “Naw, lɛ wi mek mɔtalman we go tan lɛkɛ wi. Lɛ dɛn gɛt pawa oba dis wɔl, oba dɛn fish, dɛn bɔd, ɛn ɔl dɛn krichɔ dɛm, di wan we go tap wit pipul ɛn dɛn wayl bist, di big wan dɛm ɛn di smɔl wan dɛm.”

1 Kɔrint 14:23

So, if di wan ol chɔch gɛda, dɛn ɔlman stat fɔ tɔk laŋwej we dɛnsɛf nɔ ɔndastand, if dɛn pipul we nɔ no bɔt dɛn kayn tin ya, ɛn dɛn wan we nɔ biliv Gɔd kam insay di chɔch, dɛn nɔ go se una ɔl kres?

Jɛrimaya 5:15

PAPA GƆD se, “Yu Izrɛl, biliv mi, a de mek wan neshɔn kam atak una, neshɔn we de kɔmɔt fa fawe. Na neshɔn we ebul bia, na dɛn lɔntɛm neshɔn, na neshɔn we una nɔ no dɛn laŋwej ɛn una nɔ go ɔndastand wetin dɛn de se.

Di Sam Dɛm 2:4

PAPA GƆD, we sidɔm na di ay chia usay kiŋ kin sidɔm jɛs de laf dɛn; i shek in ed pan di nɔnsɛns we dɛn de pan.

Job 12:20

I de mek di wan dɛn we kin tɔk tru nɔ ebul fɔ tɔk, ɛn mek ol pipul nɔ no wetin rayt frɔm rɔŋ.

Ditarɔnɔmi 28:49

Na pipul dɛn we de fawe PAPA GƆD go mek trit dɛn bad; pipul dɛn we kin fɔdɔm pan pipul dɛn lɛkɛ we ak kin fɔdɔm pan fɔl pikin, ɛn dɛn nɔ go sabi dɛn laŋwej.

Ayzaya 6:8

Nain a yɛri PAPA GƆD in vɔys de tɔk se: “Udat a go sɛn, udat go go fɔ wi?” Nain a se, “Luk mi! Sɛn mi.”

Jɛnɛsis 42:23

Dɛn nɔ bin no se Josɛf bin de ɔndastand ɔl wetin dɛn bin de tɔk bikɔs na ɔda pɔsin bin de intaprit fɔ dɛn.

Jɛnɛsis 11:5

We di pipul dɛn de bil di tawa, PAPA GƆD kam dɔŋ kam luk wetin dɛn de du.

Jɛnɛsis 10:20

Dɛn wan ya so na Am in yon jɛnareshɔn dɛn, we bin gɛt dɛn yon kɔntri, ɛn ɔlman bin de tɔk difrɛn laŋwej wit in yon pipul dɛn.

Jɛnɛsis 3:22

PAPA GƆD se, “Naw, mɔtalman dɔn tan lɛkɛ wi, ɛn i dɔn gɛt sɛns fɔ no wetin gud frɔm wetin bad. Wi nɔ fɔ mek i tek da frut we de na di “Layf tik” ɛn it am, ɔ nɔ so i go gɛt layf we go de sote go.”

Jɛnɛsis 10:32

Ɔl dɛn pipul ya so na Noa in jɛnareshɔn dɛn, dɛn bin de bay dɛn yon neshɔn, bay usay dɛn kɔmɔt. Na frɔm dɛn wan ya ɔlman kam na di wɔl afta di flɔd.

Jɛnɛsis 10:5

Dɛn pipul ya, we na Jefɛt in yon jɛnareshɔn na bin di grampa dɛn fɔ di pipul dɛn we bin de na di kost ɛn ayland dɛn. Dɛn bin gɛt dɛn yon kɔntri, ɛn ɔlman bin de tɔk difrɛn laŋwej wit in yon pipul dɛn.

Ɛksodɔs 4:11

Na de PAPA GƆD ansa am. I se, “Udat mek mɔtalman ɛn gi am mɔt? Udat de mek in yes dɛf ɔ in tɔn mumu? Udat mek i de si ɔ blɛn? Nɔto mi we na PAPA GƆD?

Ayzaya 33:19

Una nɔ go si dɛn fityay pipul dɛn igen pipul dɛn we bin de tɔk laŋwej we una nɔ bin de ɔndastand, de stɔma na laŋwej we una nɔ de yɛri.